პროგრამის ფარგლებში ,,საქართველოს რეგიონულ მაუწყებელთა ასოციაციის“ წევრი ტელეკომპანიების ჟურნალისტები ესტონეთში ერთი კვირით გაემგზავრნენ, სადაც იმ გამოცდილებას ეცნობიან, რაც ქვეყანამ ევროკავშირში გაერთიანების შემდეგ, აგროსფეროში დააგროვა.
ესტონეთში გამგზავრებამდე, ჟურნალისტებს საქართველოში ევროკავშირის ელჩი შეხვდა. იოჰან ჰერმანმა იმ პროექტებზე ისაუბრა, რასაც ევროკავშირი ჩვენ ქვეყანაში, სოფლის მეურნეობის სფეროში, ახორციელებს. ყურადღება გამახვილდა ენპარდის პროგრამაზეც.
ვიზიტის პირველ ეტაპზე ესტონეთში იმყოფება ტელეკომპანია „მეცხრე არხის“ ჟურნალისტიც.