პოლიტიკა
საქართველოს დელეგაციამ ევროსაბჭოს საიუბილეო ღონისძიებაში მონაწილეობა პროტესტის ნიშნად არ მიიღო
20:23 / 01.10.2019
საქართველოს, უკრაინის, ლატვიის, ლიეტუვის და ესტონეთის დელეგაციებმა ევროსაბჭოს საიუბილეო ღონისძიებაში მონაწილეობა პროტესტის ნიშნად არ მიიღეს.
უკრაინის, ესტონეთის, ლატვიის, ლიეტუვის და საქართველოს დელეგაციებმა ევროპის საბჭოს საპარლამენტო ასამბლეაში, უარი განაცხადეს, ევროპის საბჭოს 70 წლის იუბიულესთან დაკავშირებულ ღონისძიებებში მონაწილეობაზე.
ამის შესახებ „ფეისბუკში“ ევროპის საბჭოს საპარლამენტო ასამბლეაში უკრაინის რადას მუდმივი დელეგაციის ხელმძღვანელი ელიზავეტა იასკო წერს. მისი თქმით, ხელი მოეწერა განცხადებას ასამბლეაში მუდმივმოქმედი ჯგუფის „ბალტიკ პლუსის“ შექმნის შესახებ.
მისივე ცნობით, ზემოხსენებულ ქვეყნებთან მიღწეულია შეთანხმება საპარლამენტო ასამბლეისადმი ნდობის დასაბრუნების მიზნით, შესაბამის მექანიზმზე მუშაობის დაწყების თაობაზე. ჯგუფის მომდევნო შეხვედრა კიევში შედგება.
„ამოცანა გახლავთ გაგრძელდეს ყირიმის ანექსიის არაღიარების პოლიტიკა, ყირიმის, აღმოსავლეთ უკრაინის, საქართველოს და მოლდოვას რუსეთის მიერ ანექსიის დაგმობა. ჩვენი პირველი ნაბიჯია - ორგანიზაციის 70 წლის იუბილის აღნიშვნაში მონაწილეობაზე უარის თქმა, რომელმაც დაკარგა ავტორიტეტი წევრი სახელმწიფოების მილიონობით მოქალაქეთა თვალში“ ,- წერს იასკო.
მანვე გამოაქვეყნა ესტონეთის, საქართველოს, ლატვიის, ლიეტუვისა და უკრაინის ევროპის საბჭოს საპარლამენტო ასამბლეაში დელეგაციების განცხადების ტექსტი ორგანიზაციის 70 წლის იუბილის აღსანიშნავ ღონისძიებაში მონაწილეობაზე უარის შესახებ.
„წელს, როდესაც ევროპის საბჭოს 70 წლის იუბილე აღინიშნება, ვხედავთ, რომ ამ ინსტიტუტის ფასეულობები და სტანდარტები სერიოზულად არის კომპრომეტირებული და საპარლამენტო ასამბლეის ავტორიტეტი - მნიშვნელოვნად შესუსტებული. სამწუხაროდ, 2019 წლის ივნისს სხვა ეპოქა დაიწყო. ასამბლეამ ზაფხულის სესიის დროს მიიღო რეზოლუცია, რომლითაც ხმის და სხვა პროცედურების უფლება აღუდგა რუსეთის დელეგაციას. ამ გადაწყვეტილების მიღებისას ასამბლეის უმრავლესობამ თვალი დახუჭა ადამიანის უფლებების მუდმივ დარღვევებზე, გატაცებებზე, უკანონო ოკუპაციაზე და ტერიტორიების ანექსიაზე, ადამიანების უკანონო დაკავებაზე და ომზე, რომელსაც რუსეთის ფედერაცია ჯერ კიდევ აწარმოებს თავისი მეზობლების წინააღმდეგ“, - ნათქვამია განცხადებაში.
ამასთან დაკავშირებით ნათქვამია, რომ „ამ გადაწყვეტილებამ აჩვენა ასამბლეის ახალი სუსტი მხარეები მისი წესდების მასობრივი დარღვევების პირობებში ზოგიერთი წევრი სახელმწიფოების მხრიდან. სამი თვის განმავლობაში ასამბლეის მიერ რეზოლუციის მიღებიდან, რუსეთს არ წარმოუდგენია მნიშვნელოვანი პროგრესი თავისი ვალდებულებების შესრულების კუთხით ევროპის საბჭოს წესდების თანახმად. მეტიც, რუსეთის ხელისუფლებამ ე.წ. ადგილობრივი არჩევნები ჩაატარა დროებით მის მიერ ოკუპირებულ ყირიმის ავტონომიურ რესპუბლიკაში, გაააქტიურა რუსეთის მიერ ოკუპირებული სამხრეთ ოსეთის რეგიონის ადმინისტრაციულ სასაზღვრო ხაზთან შემზღუდველი ინფრასტრუქტურის დაყენება საქართველოს ტერიტორიაზე. ხელი შეუწყო 2019 წლის 25 აგვისტოს საქართველოს ოკუპირებულ ტერიტორიაზე - აფხაზეთში ე.წ. საპრეზიდენტო არჩევნების გამართვას“, - ნათქვამია განცხადებაში.
უკრაინის, ესტონეთის, ლატვიის, ლიეტუვის და საქართველოს დელეგაციებმა ევროპის საბჭოს საპარლამენტო ასამბლეაში, უარი განაცხადეს, ევროპის საბჭოს 70 წლის იუბიულესთან დაკავშირებულ ღონისძიებებში მონაწილეობაზე.
ამის შესახებ „ფეისბუკში“ ევროპის საბჭოს საპარლამენტო ასამბლეაში უკრაინის რადას მუდმივი დელეგაციის ხელმძღვანელი ელიზავეტა იასკო წერს. მისი თქმით, ხელი მოეწერა განცხადებას ასამბლეაში მუდმივმოქმედი ჯგუფის „ბალტიკ პლუსის“ შექმნის შესახებ.
მისივე ცნობით, ზემოხსენებულ ქვეყნებთან მიღწეულია შეთანხმება საპარლამენტო ასამბლეისადმი ნდობის დასაბრუნების მიზნით, შესაბამის მექანიზმზე მუშაობის დაწყების თაობაზე. ჯგუფის მომდევნო შეხვედრა კიევში შედგება.
„ამოცანა გახლავთ გაგრძელდეს ყირიმის ანექსიის არაღიარების პოლიტიკა, ყირიმის, აღმოსავლეთ უკრაინის, საქართველოს და მოლდოვას რუსეთის მიერ ანექსიის დაგმობა. ჩვენი პირველი ნაბიჯია - ორგანიზაციის 70 წლის იუბილის აღნიშვნაში მონაწილეობაზე უარის თქმა, რომელმაც დაკარგა ავტორიტეტი წევრი სახელმწიფოების მილიონობით მოქალაქეთა თვალში“ ,- წერს იასკო.
მანვე გამოაქვეყნა ესტონეთის, საქართველოს, ლატვიის, ლიეტუვისა და უკრაინის ევროპის საბჭოს საპარლამენტო ასამბლეაში დელეგაციების განცხადების ტექსტი ორგანიზაციის 70 წლის იუბილის აღსანიშნავ ღონისძიებაში მონაწილეობაზე უარის შესახებ.
„წელს, როდესაც ევროპის საბჭოს 70 წლის იუბილე აღინიშნება, ვხედავთ, რომ ამ ინსტიტუტის ფასეულობები და სტანდარტები სერიოზულად არის კომპრომეტირებული და საპარლამენტო ასამბლეის ავტორიტეტი - მნიშვნელოვნად შესუსტებული. სამწუხაროდ, 2019 წლის ივნისს სხვა ეპოქა დაიწყო. ასამბლეამ ზაფხულის სესიის დროს მიიღო რეზოლუცია, რომლითაც ხმის და სხვა პროცედურების უფლება აღუდგა რუსეთის დელეგაციას. ამ გადაწყვეტილების მიღებისას ასამბლეის უმრავლესობამ თვალი დახუჭა ადამიანის უფლებების მუდმივ დარღვევებზე, გატაცებებზე, უკანონო ოკუპაციაზე და ტერიტორიების ანექსიაზე, ადამიანების უკანონო დაკავებაზე და ომზე, რომელსაც რუსეთის ფედერაცია ჯერ კიდევ აწარმოებს თავისი მეზობლების წინააღმდეგ“, - ნათქვამია განცხადებაში.
ამასთან დაკავშირებით ნათქვამია, რომ „ამ გადაწყვეტილებამ აჩვენა ასამბლეის ახალი სუსტი მხარეები მისი წესდების მასობრივი დარღვევების პირობებში ზოგიერთი წევრი სახელმწიფოების მხრიდან. სამი თვის განმავლობაში ასამბლეის მიერ რეზოლუციის მიღებიდან, რუსეთს არ წარმოუდგენია მნიშვნელოვანი პროგრესი თავისი ვალდებულებების შესრულების კუთხით ევროპის საბჭოს წესდების თანახმად. მეტიც, რუსეთის ხელისუფლებამ ე.წ. ადგილობრივი არჩევნები ჩაატარა დროებით მის მიერ ოკუპირებულ ყირიმის ავტონომიურ რესპუბლიკაში, გაააქტიურა რუსეთის მიერ ოკუპირებული სამხრეთ ოსეთის რეგიონის ადმინისტრაციულ სასაზღვრო ხაზთან შემზღუდველი ინფრასტრუქტურის დაყენება საქართველოს ტერიტორიაზე. ხელი შეუწყო 2019 წლის 25 აგვისტოს საქართველოს ოკუპირებულ ტერიტორიაზე - აფხაზეთში ე.წ. საპრეზიდენტო არჩევნების გამართვას“, - ნათქვამია განცხადებაში.