პოლიტიკა
საქართველოსთვის ევროკავშირის კანდიდატის სტატუსის მინიჭებაზე დასკვნა 17 ივნისს გამოქვეყნდება
20:33 / 14.06.2022
ევროკომისია საქართველოს, უკრაინისა და მოლდოვისთვის ევროკავშირის კანდიდატის სტატუსის მინიჭებასთან დაკავშირებით დასკვნას 17 ივნისს გამოაქვეყნებს. ამის შესახებ ევროკომისიის სპიკერმა ერიკ მამერმა განაცხადა.
„პრესაში წავიკითხე ინფორმაცია, რომ ევროკომისიამ გუშინ მიიღო გადაწყვეტილება, მაგრამ ეს არის სრული სიცრუე. კომისიამ გუშინ არაფერი გადაწყვიტა, გამართა შესავალი დებატები, რომელიც საშუალებას აძლევს საბჭოს წევრებს გამოთქვან აზრები და შეხედულებები ამ საკითხთან დაკავშირებით“, - განაცხადა მამერმა.
მისი თქმით, ევროკომისართა საბჭო ახლა დებატებს ამზადებს და შესაბამისი სამსახურები დოკუმენტაციას ასრულებენ.
ევროსაბჭოს გადაწყვეტილებას ევროკავშირის წევრობის კანდიდატის სტატუსის მინიჭების შესახებ 23-24 ივნისს ელიან.
„პრესაში წავიკითხე ინფორმაცია, რომ ევროკომისიამ გუშინ მიიღო გადაწყვეტილება, მაგრამ ეს არის სრული სიცრუე. კომისიამ გუშინ არაფერი გადაწყვიტა, გამართა შესავალი დებატები, რომელიც საშუალებას აძლევს საბჭოს წევრებს გამოთქვან აზრები და შეხედულებები ამ საკითხთან დაკავშირებით“, - განაცხადა მამერმა.
მისი თქმით, ევროკომისართა საბჭო ახლა დებატებს ამზადებს და შესაბამისი სამსახურები დოკუმენტაციას ასრულებენ.
ევროსაბჭოს გადაწყვეტილებას ევროკავშირის წევრობის კანდიდატის სტატუსის მინიჭების შესახებ 23-24 ივნისს ელიან.