"ახალციხის ჯანდაცვის ცენტრის" ლიკვიდაციით, სამსახურის გარეშე 22 ადამიანი რჩება
15:10 / 30.06.2022
ახალციხის მერიაში რეორგანიზაციის პროცესი სრულდება. მერის გადაწყვეტილებით, ა(ა)იპ „ახალციხის მუნიციპალიტეტის საზოგადოებრივი ჯანდაცვის ცენტრის“ ლიკვიდაცია მოხდება, მის ფუნქციას მერიაში ჩამოყალიბებული საზოგადოებრივი ჯანდაცვის განყოფილება შეასრულებს.
ა(ა)იპ-ის გაუქმებით, სამსახურის გარეშე 22 დასაქმებული რჩება, ახალ განყოფილებაში კი 10 ვაკანსია იქნება. ახალციხის მერის თქმით, გამოცხადდება კონკურსი და ამ გზით შეარჩევენ ახალ თანამშრომლებს. მასში მონაწილეობის საშუალება ექნება გაუქმებული ა(ა)იპ-ის ყოფილი თანამშრომლებსაც.
ამის გარდა, 4 შტატი ემატება ზედამხედველობის სამსახურს. ინსპექტორები მუნიციპალიტეტს მონიტორინგს გაუწევენ.
ორი შტატი ემატება ეკონომიკის სამსახურს. რეორგანიზაციის ფარგლებში, ზოგიერთი განყოფილება ერთ სამსახურში გაერთიანდა.