პოლიტიკა
საქართველოდან 55 კმ-ში ახალი რუსული სამხედრო ბაზა შენდება
23:37 / 14.07.2022
სამხედრო ანალიტიკური ჟურნალ „არსენალის“ რედაქტორის, ირაკლი ალადაშვილის ინფორმაციით, სომხეთ-აზერბაიჯანის საზღვართან და საქართველოს სამხრეთ-აღმოსავლეთი საზღვრიდან სულ რაღაც 55 კმ-ში ახალი რუსული სამხედრო ბაზა შენდება.
მისივე ცნობით, სამშენებლო სამუშაოები სომხეთის თავუშის ოლქის, ბერდის რაიონის სოფელ აიჰეპართან, ყოფილი აეროდრომის ტერიტორიაზე მიმდინარეობს, რომელიც აზერბაიჯანის საზღვრიდან 1 კილომეტრითაა მოშორებული.
როგორც ალადაშვილი ამბობს, ახალი რუსული სამხედრო ბაზა საქართველოს სამხრეთ-აღმოსავლეთი საზღვრიდან პირდაპირი ხაზით მხოლოდ 55 კმ-ით იქნება დაშორებული, მარნეულიდან კი, სადაც საქართველოს თავდაცვის ძალების ძირითადი საჰაერო ბაზაა განთავსებული – 80 კმ-ით.
ყველაზე მნიშვნელოვანი გარემოება კი მისი თქმით ისაა, რომ იმ ადგილთან ახლოს, სადაც რუსები ახალ სამხედრო ბაზას აშენებენ, ბაქო-თბილისი-ჯეიჰანის სტრატეგიული მნიშვნელობის ნავთობსადენი გადის.
„ერთი შეხედვით, როდესაც უშუალოდ საქართველოს ტერიტორიაზე რუსებს ორი საოკუპაციო სამხედრო ბაზა აქვთ, თითქოს რაღა მნიშვნელობა უნდა ჰქონდეს საქართველოს საზღვრიდან 55 კმ-ში და მარნეულიდან 80 კილომეტრში ახალი რუსული სამხედრო ბაზის შექმნას, მით უმეტეს სომხეთ-აზერბაიჯანის საზღვარზე, მაგრამ აქ უფრო მნიშვნელოვანი ისაა, რომ იქ სადაც ბაზა იქმნება, იქიდან რამდენიმე ათეულ კილომეტრში და უფრო ახლოსაც, ბაქო-თბილისი-ჯეიჰანის ნავთობსადენი და სტრატეგიული მნიშვნელობის გაზსადენები გადის“, – აცხადებს ირაკლი ალადაშვილი.
მისი ვარაუდით, შანტაჟი ამ სტრატეგიული მნიშვნელობის ნავთობსადენებსა და გაზსადენებზე რუსეთის მხრიდან აბსოლუტურად დასაშვებია.
მისივე ცნობით, სამშენებლო სამუშაოები სომხეთის თავუშის ოლქის, ბერდის რაიონის სოფელ აიჰეპართან, ყოფილი აეროდრომის ტერიტორიაზე მიმდინარეობს, რომელიც აზერბაიჯანის საზღვრიდან 1 კილომეტრითაა მოშორებული.
როგორც ალადაშვილი ამბობს, ახალი რუსული სამხედრო ბაზა საქართველოს სამხრეთ-აღმოსავლეთი საზღვრიდან პირდაპირი ხაზით მხოლოდ 55 კმ-ით იქნება დაშორებული, მარნეულიდან კი, სადაც საქართველოს თავდაცვის ძალების ძირითადი საჰაერო ბაზაა განთავსებული – 80 კმ-ით.
ყველაზე მნიშვნელოვანი გარემოება კი მისი თქმით ისაა, რომ იმ ადგილთან ახლოს, სადაც რუსები ახალ სამხედრო ბაზას აშენებენ, ბაქო-თბილისი-ჯეიჰანის სტრატეგიული მნიშვნელობის ნავთობსადენი გადის.
„ერთი შეხედვით, როდესაც უშუალოდ საქართველოს ტერიტორიაზე რუსებს ორი საოკუპაციო სამხედრო ბაზა აქვთ, თითქოს რაღა მნიშვნელობა უნდა ჰქონდეს საქართველოს საზღვრიდან 55 კმ-ში და მარნეულიდან 80 კილომეტრში ახალი რუსული სამხედრო ბაზის შექმნას, მით უმეტეს სომხეთ-აზერბაიჯანის საზღვარზე, მაგრამ აქ უფრო მნიშვნელოვანი ისაა, რომ იქ სადაც ბაზა იქმნება, იქიდან რამდენიმე ათეულ კილომეტრში და უფრო ახლოსაც, ბაქო-თბილისი-ჯეიჰანის ნავთობსადენი და სტრატეგიული მნიშვნელობის გაზსადენები გადის“, – აცხადებს ირაკლი ალადაშვილი.
მისი ვარაუდით, შანტაჟი ამ სტრატეგიული მნიშვნელობის ნავთობსადენებსა და გაზსადენებზე რუსეთის მხრიდან აბსოლუტურად დასაშვებია.