რელიგია
მოსახლეობამ და არა მრევლმა, გამოხატა პროტესტი - აქციის მონაწილეები
19:30 / 12.04.2024
ადიგენში გამართულ მშვიდობიან აქციაში ადგილობრივი მოსახლეობა მონაწილეობდა, პროტესტსაც ხელოვნურად შექმნილი დაძაბული ვითარების გამო მოსახლეობა გამოხატავდა და არა მრევლი - განუცხადა tv9news.ge -ს აქციის ერთ-ერთმა მონაწილემ მინდია ჯელიამ.
მინდია ჯელიას მსგავსად, სოციალურ ქსელში გავრცელებულ მასალაზე ზურაბ ჩილინგარაშვილი წერს, რომ მართლმადიდებლებთან ერთად, აქციაში კათოლიკე თემიც მონაწილეობდა. ქრისტიანები დღეს ერთობას უჭერდნენ მხარს და აცხადებდნენ, რომ ორი და სამი ადამიანის მიერ პროვოცირებულ კონფლიქტს გაგრძელება არ უნდა მოჰყვეს.
ქრისტიანთა აქციაზე გამოთქმულ მოსაზრებებსა და მუსლიმი თემის მიერ გავრცელებულ ვიდეომიმართვას დადებითად აფასებს რელიგიის საკითხთა სახელმწიფო სააგენტოს სამცხე-ჯავახეთის კოორდინატორი. ელვარდ ზაზაძის თქმით, ორივე მხარემ გონივრული გადაწყვეტილებები უნდა მიიღოს, რადგან ,,მშვიდობას ალტერნატივა არ აქვს".
დღესვე, ქრისტიანების მიერ მშვიდობიანი აქციის პარალელურად, ადიგენში მცხოვრები მუსლიმი მრევლის ლოცვის უფლების დასაცავად, სოლიდარობის აქცია გაიმართა დედაქალაქში. აქციის ორგანიზატორები სოციალური სამართლიანობის ცენტრი, სოლიდარობის თემი, სოლიდარობის პლატფორმა, პლატფორმა სალამი, სოლიდარობის მოძრაობა, საქართველოს უდიები, ახალგაზრდები დემოკრატიული ცვლილებებისთვის, სამოქალაქო ჩართულობისა და აქტივიზმის ცენტრი არიან.
ფოტო: ნეტგაზეთი
,,ადიგენში ახლა მიმდინარე მოვლენები, თუ დღემდე მომხდარი ყველა დაპირსიპირება საქართველოს ხელისუფლების პასუხისმგებლობაა, რადგან სწორედ მისი ვალდებულებაა იზრუნოს ყველა ადამიანის უსაფრთოებაზე, თავისუფლებებზე და ღირსებაზე. ჩვენ ძალიან კარგად გვესმის, რომ რელიგიის საკითხთა სახელმწიფო სააგენტო, რომელიც რელიგიური ორგანიზაციების კონტროლზე მიმართული უწყებაა და მას 10 წელია არაფერი გაუკეთებია რელიგიის თავისუფლებისა და რელიგიური თანასწორობის კლიმატის შესაქმენლად ქვეყანაში, არ არის ის უწყება, რომელიც შეძლებს ადიგენში რელიგიის თავისუფლების და თანასწორობის დაცვას. ეს უწყება მით უფრო უუნაროა ხელი შეუწყოს კონფლიქტების მართვასა და თემთაშორისი ნდობის აღდგენას დემოკრატიული და უფლებებზე ორიენტირებული მიდგომებით.
სწორედ ამიტომ დღეს მნიშვნელოვანია სახელმწიფოს მოვთხოვოთ ადიგენში ქართველი მუსლიმი თემის უფლებების დარღვევების სისტემური აღმოფხვრა და ყველაფრის გაკეთება ქართველი მუსლიმი თემის უსაფრთხოების, რელიგიური იდენტობისა და თავისუფლებების დაცვისთვის, ასევე სოციალური მშვიდობისა და თანასწორობაზე დაფუძნებული თანაცხოვრების გარანტიების შექმნისთვის'', –ვკითხულობთ ორგანიზაციების მიერ გავრცელებულ განცხადებაში.
მართლმადიდებელთა ნაწილმა, სასულიერო პირებთან ერთად, დღეს 12 აპრილს ადიგენში გამართა მშვიდობიანი აქცია. მანამდე 5 აპრილს, კიდევ ერთხელ შეიკრიბა ადიგენში, წერეთლის #18-ში იმ სახლთან, სადაც მუსლიმი თემი ლოცულობდა.
მუსლიმ თემს რელიგიის სააგენტო ამ სახლის დათმობის სანაცვლოდ 50 ათას ლარამდე თანხას სთავაზობს ადიგენიდან რამდენიმე კილომეტრში, სოფელ იჯარეთში მეჩეთის ასაშენებლად ან შენობის შესაძენად. მერაბ მიქელაძე კი ამბობს, რომ მეჩეთის აშენების შემთხვევაში ის მუსლიმთა მუფთს გადაეცემა, მისი საკუთრება აღარ იქნება და ვერ ხვდება, რატომ უნდა დათმოს კუთვნილი ქონება.
დაბა ადიგენში, კერძო პირის მერაბ მიქელაძის სახლთან მართლმადიდებლები 8 მარტსაც შეიკრიბნენ. მართლმადიდებელი სასულიერო პირები და მრევლი მიქელაძისგან პირობის შესრულებას მოითხოვდნენ. მათი თქმით, ხუთშაბათს, 7 მარტს, ადიგენის ორივე რელიგიის წარმომადგენლები შეთანხმდნენ, რომ სახლს, რომელიც კერძო პირს ეკუთვნოდა ,,მეჩეთად არ გადააქცევდნენ“ და მუსლიმური ტრადიციის თანახმად ყოველ პარასკევს ლოცვას არ ჩაატარებდნენ.
შეთანხმების მიუხედავად, მართლმადიდებლებმა მერაბ მიქელაძისგან პირობა მიიღეს, თუმცა პარასკევს ლოცვა მაინც ჩატარდა. სწორედ ამ ფაქტმა განაპირობა მიქელაძის სახლთან ხალხის შეკრება, რომელსაც მოგვიანებით ადიგენის მერმა მიმართა. ადგილზე მობილიზებული იყო პოლიცია.
ბოლო დროს მუსლიმ თემთან ორი შეხვედრა გაიმართა - ერთი მხარის გუბერნატორის ბესიკ ამირანაშვილის, ხოლო მეორე რელიგიის საკითხთა სახელმწიფო სააგენტოს თავმჯდომარის ზაზა ვაშაყმაძის ხელმძღვანელობით.
10 აპრილს, სამცხე–ჯავახეთის მუფთმა მამუკა ვაშაყმაძემ განაცხადა, რომ ბოლო პერიოდში, დაბა ადიგენში განვითარებული მოვლენების გამო, მერაბ (იუსუფ) მიქელაძის სახლში მუსლიმები პარასკევის ლოცვას აღარ შეასრულებდნენ. როგორც იგი გავრცელებულ ვიდეომიმართვაში ამბობს, აღნიშნულ საკითხზე გადაწყვეტილება, სოფელ ჭელაში გამართულ შეხვედრაზე მუსლიმებმა ერთობლივად მიიღეს.
მინდია ჯელიას მსგავსად, სოციალურ ქსელში გავრცელებულ მასალაზე ზურაბ ჩილინგარაშვილი წერს, რომ მართლმადიდებლებთან ერთად, აქციაში კათოლიკე თემიც მონაწილეობდა. ქრისტიანები დღეს ერთობას უჭერდნენ მხარს და აცხადებდნენ, რომ ორი და სამი ადამიანის მიერ პროვოცირებულ კონფლიქტს გაგრძელება არ უნდა მოჰყვეს.
ქრისტიანთა აქციაზე გამოთქმულ მოსაზრებებსა და მუსლიმი თემის მიერ გავრცელებულ ვიდეომიმართვას დადებითად აფასებს რელიგიის საკითხთა სახელმწიფო სააგენტოს სამცხე-ჯავახეთის კოორდინატორი. ელვარდ ზაზაძის თქმით, ორივე მხარემ გონივრული გადაწყვეტილებები უნდა მიიღოს, რადგან ,,მშვიდობას ალტერნატივა არ აქვს".
დღესვე, ქრისტიანების მიერ მშვიდობიანი აქციის პარალელურად, ადიგენში მცხოვრები მუსლიმი მრევლის ლოცვის უფლების დასაცავად, სოლიდარობის აქცია გაიმართა დედაქალაქში. აქციის ორგანიზატორები სოციალური სამართლიანობის ცენტრი, სოლიდარობის თემი, სოლიდარობის პლატფორმა, პლატფორმა სალამი, სოლიდარობის მოძრაობა, საქართველოს უდიები, ახალგაზრდები დემოკრატიული ცვლილებებისთვის, სამოქალაქო ჩართულობისა და აქტივიზმის ცენტრი არიან.
ფოტო: ნეტგაზეთი,,ადიგენში ახლა მიმდინარე მოვლენები, თუ დღემდე მომხდარი ყველა დაპირსიპირება საქართველოს ხელისუფლების პასუხისმგებლობაა, რადგან სწორედ მისი ვალდებულებაა იზრუნოს ყველა ადამიანის უსაფრთოებაზე, თავისუფლებებზე და ღირსებაზე. ჩვენ ძალიან კარგად გვესმის, რომ რელიგიის საკითხთა სახელმწიფო სააგენტო, რომელიც რელიგიური ორგანიზაციების კონტროლზე მიმართული უწყებაა და მას 10 წელია არაფერი გაუკეთებია რელიგიის თავისუფლებისა და რელიგიური თანასწორობის კლიმატის შესაქმენლად ქვეყანაში, არ არის ის უწყება, რომელიც შეძლებს ადიგენში რელიგიის თავისუფლების და თანასწორობის დაცვას. ეს უწყება მით უფრო უუნაროა ხელი შეუწყოს კონფლიქტების მართვასა და თემთაშორისი ნდობის აღდგენას დემოკრატიული და უფლებებზე ორიენტირებული მიდგომებით.
სწორედ ამიტომ დღეს მნიშვნელოვანია სახელმწიფოს მოვთხოვოთ ადიგენში ქართველი მუსლიმი თემის უფლებების დარღვევების სისტემური აღმოფხვრა და ყველაფრის გაკეთება ქართველი მუსლიმი თემის უსაფრთხოების, რელიგიური იდენტობისა და თავისუფლებების დაცვისთვის, ასევე სოციალური მშვიდობისა და თანასწორობაზე დაფუძნებული თანაცხოვრების გარანტიების შექმნისთვის'', –ვკითხულობთ ორგანიზაციების მიერ გავრცელებულ განცხადებაში.
მართლმადიდებელთა ნაწილმა, სასულიერო პირებთან ერთად, დღეს 12 აპრილს ადიგენში გამართა მშვიდობიანი აქცია. მანამდე 5 აპრილს, კიდევ ერთხელ შეიკრიბა ადიგენში, წერეთლის #18-ში იმ სახლთან, სადაც მუსლიმი თემი ლოცულობდა.
მუსლიმ თემს რელიგიის სააგენტო ამ სახლის დათმობის სანაცვლოდ 50 ათას ლარამდე თანხას სთავაზობს ადიგენიდან რამდენიმე კილომეტრში, სოფელ იჯარეთში მეჩეთის ასაშენებლად ან შენობის შესაძენად. მერაბ მიქელაძე კი ამბობს, რომ მეჩეთის აშენების შემთხვევაში ის მუსლიმთა მუფთს გადაეცემა, მისი საკუთრება აღარ იქნება და ვერ ხვდება, რატომ უნდა დათმოს კუთვნილი ქონება.
დაბა ადიგენში, კერძო პირის მერაბ მიქელაძის სახლთან მართლმადიდებლები 8 მარტსაც შეიკრიბნენ. მართლმადიდებელი სასულიერო პირები და მრევლი მიქელაძისგან პირობის შესრულებას მოითხოვდნენ. მათი თქმით, ხუთშაბათს, 7 მარტს, ადიგენის ორივე რელიგიის წარმომადგენლები შეთანხმდნენ, რომ სახლს, რომელიც კერძო პირს ეკუთვნოდა ,,მეჩეთად არ გადააქცევდნენ“ და მუსლიმური ტრადიციის თანახმად ყოველ პარასკევს ლოცვას არ ჩაატარებდნენ.შეთანხმების მიუხედავად, მართლმადიდებლებმა მერაბ მიქელაძისგან პირობა მიიღეს, თუმცა პარასკევს ლოცვა მაინც ჩატარდა. სწორედ ამ ფაქტმა განაპირობა მიქელაძის სახლთან ხალხის შეკრება, რომელსაც მოგვიანებით ადიგენის მერმა მიმართა. ადგილზე მობილიზებული იყო პოლიცია.
ბოლო დროს მუსლიმ თემთან ორი შეხვედრა გაიმართა - ერთი მხარის გუბერნატორის ბესიკ ამირანაშვილის, ხოლო მეორე რელიგიის საკითხთა სახელმწიფო სააგენტოს თავმჯდომარის ზაზა ვაშაყმაძის ხელმძღვანელობით.
10 აპრილს, სამცხე–ჯავახეთის მუფთმა მამუკა ვაშაყმაძემ განაცხადა, რომ ბოლო პერიოდში, დაბა ადიგენში განვითარებული მოვლენების გამო, მერაბ (იუსუფ) მიქელაძის სახლში მუსლიმები პარასკევის ლოცვას აღარ შეასრულებდნენ. როგორც იგი გავრცელებულ ვიდეომიმართვაში ამბობს, აღნიშნულ საკითხზე გადაწყვეტილება, სოფელ ჭელაში გამართულ შეხვედრაზე მუსლიმებმა ერთობლივად მიიღეს.