სამართალი
ხე-ტყის უკანონო მოპოვებით სამცხე-ჯავახეთი საქართველოში მესამე ადგილზეა
10:45 / 08.01.2021
2020 წლის განმავლობაში, ხე-ტყის უკანონო მოპოვებისა და ტრანსპორტირების 2 754 ფაქტი გამოვლინდა, მათ შორის 132 ფაქტი სისხლის სამართლის დანაშაულის ნიშნებს შეიცავს - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ცნობით, ხე-ტყის უკანონო მოპოვებითა და ტრანსპორტირებით, სამცხე-ჯავახეთი რეგიონებს შორის მესამე ადგილს იკავებს.
"ხე-ტყის უკანონო მოპოვებისა და ტრანსპორტირების ყველაზე მეტი - 1 046 ფაქტი დაფიქსირდა კახეთის რეგიონული სამმართველოს სამოქმედო ტერიტორიაზე. იმერეთში დეპარტამენტის თანამშრომლებმა 424 სამართალდარღვევა გამოავლინეს. სამცხე-ჯავახეთის რეგიონული სამმართველოს მასშტაბით დაფიქსირდა 279 ფაქტი, სამეგრელო-ზემო სვანეთში - 241, ქვემო ქართლში - 216, აჭარაში - 221, შიდა ქართლში - 188, , მცხეთა-მთიანეთში - 72, გურიაში - 39, რაჭა-ლეჩხუმი ქვემო სვანეთში კი - 22 ფაქტი" - ნათქვამია უწყების მიერ გავრცელებულ ინფორმაციაში.
რაც შეეხება დედაქალაქს, გარემოსდაცვითი ზედამხედველობის დეპარტამენტის თანამშრომლებმა, 2020 წლის განმავლობაში, თბილისში, ხე-ტყის უკანონო ტრანსპორტირების 6 ფაქტი გამოავლინეს.
უწყების ცნობით, ჯამში, ამოღებულია უკანონოდ მოპოვებული 16 600 მ3-მდე ხე-ტყე.
ამავე პერიოდში დაფიქსირდა სახერხი საამქროს ტექნიკური რეგლამენტის დარღვევის 284 ფაქტი და ამოღებულია 84 ერთეული დაურეგისტრირებელი სახერხი.
მასალები, შემდგომი რეაგირებისთვის, შესაბამის უწყებებშია გადაგზავნილი.
"ხე-ტყის უკანონო მოპოვებისა და ტრანსპორტირების ყველაზე მეტი - 1 046 ფაქტი დაფიქსირდა კახეთის რეგიონული სამმართველოს სამოქმედო ტერიტორიაზე. იმერეთში დეპარტამენტის თანამშრომლებმა 424 სამართალდარღვევა გამოავლინეს. სამცხე-ჯავახეთის რეგიონული სამმართველოს მასშტაბით დაფიქსირდა 279 ფაქტი, სამეგრელო-ზემო სვანეთში - 241, ქვემო ქართლში - 216, აჭარაში - 221, შიდა ქართლში - 188, , მცხეთა-მთიანეთში - 72, გურიაში - 39, რაჭა-ლეჩხუმი ქვემო სვანეთში კი - 22 ფაქტი" - ნათქვამია უწყების მიერ გავრცელებულ ინფორმაციაში.
რაც შეეხება დედაქალაქს, გარემოსდაცვითი ზედამხედველობის დეპარტამენტის თანამშრომლებმა, 2020 წლის განმავლობაში, თბილისში, ხე-ტყის უკანონო ტრანსპორტირების 6 ფაქტი გამოავლინეს.
უწყების ცნობით, ჯამში, ამოღებულია უკანონოდ მოპოვებული 16 600 მ3-მდე ხე-ტყე.
ამავე პერიოდში დაფიქსირდა სახერხი საამქროს ტექნიკური რეგლამენტის დარღვევის 284 ფაქტი და ამოღებულია 84 ერთეული დაურეგისტრირებელი სახერხი.
მასალები, შემდგომი რეაგირებისთვის, შესაბამის უწყებებშია გადაგზავნილი.