საზოგადოება
ახალციხელების ონკანებში მღვრიე და შეფერილი წყალი მოდის
ახალციხეში ამინდთან ერთად, სასმელი წყლის ფერიც შეიცვალა. რამდენიმე დღეა ადგილობრივების ონკანებში მღვრიე წყალი მოდის. „საქართველოს გაერთიანებული წყალმომარაგების კომპანიაში“ ირწმუნებიან, რომ წყალი სასმელად ვარგისია, ადგილობრივები კი კომპანიის პასუხს ეჭვის თვალით უყურებენ და წყალს მხოლოდ ტექნიკური დანიშნულებით იყენებენ.
ზარზმელის ქუჩაზე, ლომიძეებთან მღვრიე წყალი მოდის. ოთხსულიანი ოჯახი მეხუთე დღეა სასმელ წყალს ყიდულობს.
„ყვითელი შეფერილობა აქვს. იმდენად ცუდი ფერისაა, რომ იცოდე ჯანმრთელობისთვის საშიში არ არის, მაინც ვერ დალევ. ეს დღეები იძულებულები ვართ, წყალი მაღაზიაში ვიყიდოთ“, - ამბობს ლევან ლომიძე.
შემღვრეული წყალი მოდის ახალციხეში, რუსთაველისა და თამარაშვილის ქუჩებზე.
„ყოველ გაზაფხულს ასეა. მთელ ქალაქში იმღვრევა წყალი. ველოდებით როდის გამოვა ამინდი, რომ წყლის ხარისხიც გამოსწორდეს“, - ამბობენ ადგილობრივები.
მოსახლეობას „საქართველოს გაერთიანებული წყალმომარაგების კომპანიაში“ ამშვიდებენ, რომ მღვრიე წყალი სასმელად ვარგისია და ჯანმრთელობისთვის საშიში არ არის.
„თოვლი დნება და ამის გამოა შემღვრეული. გაფილტვრით წყალს ფერი არ ეცვლება. დანარჩენი დარღვევები არ აღმოჩენილა. კვირაში ორჯერ მოწმდება წყალი, მაგრამ ამ პერიოდში დილა-საღამოს ვატარებთ ანალიზებს. ნებისმიერ მოქალაქეს შეუძლია მოგვმართოს, მივალთ და ავიღებთ წყლის სინჯს. რუსთაველის და თაყაიშვილის ქუჩებზე ისედაც ვამოწმებდით. თქვენი ზარის შემდეგ, თამარაშვილზეც გავიდა ჯგუფი და აიღო სინჯი“, - ამბობს რეგიონული ოფისის მენეჯერი ბესიკ ფილაური.
ქალაქის დაახლოებით, 20 000-მდე მოქალაქე სასმელი წყლით ურავლის ხეობიდან მარაგდება. „საქართველოს გაერთიანებული წყალმომარაგების კომპანიის“ ლაბორატორიაში ამბობენ, რომ წყალს რამდენიმე მიმართულებით იკვლევენ. ირინა ჯვარიძე ლაბორანტია. ქალაქის რამდენიმე ლოკაციაზე წყლის სინჯებს თავად იღებს. ამბობს, რომ სასმელი წყალი მიკრობიოლოგიურად და ქიმიურად ყოველდღიურად კონტროლდება, მისი ხარისხი ტექნიკური რეგლამენტით დადგენილ ნორმებს შეესაბამება.
„ბაქტერიოლოგიური მონაცემები კეთილსაიმედოა. წყლის ფერი ჯანმრთელობისთვის საშიში არ არის. სათავე ნაგებობაზე სასმელი წყლის თხევადი ქლორით გაუსნებოვნება 24-საათიან რეჟიმში მიმდინარეობს“, - ამბობს ირინა ჯვარიძე.
„საქართველოს გაერთიანებული წყალმომარაგების კომპანიაში“ ამბობენ, რომ თოვლის დნობასთან ერთად, წყლის ხარისხის კონტროლი, საბავშვო ბაღებში გამკაცრდა. დღეში რამდენჯერმე ხდება ქლორის შემცველობაზე კვლევა.
ხარისხსიანი სასმელი წყლის მიწოდებაზე პასუხისმგებელი უწყება მოსახლეობას აიმედებს, რომ წყალს შეფერილობა თოვლის დნობისა და წვიმიანი ამინდების დასრულების შემდეგ აღარ ექნება.
ზარზმელის ქუჩაზე, ლომიძეებთან მღვრიე წყალი მოდის. ოთხსულიანი ოჯახი მეხუთე დღეა სასმელ წყალს ყიდულობს.
„ყვითელი შეფერილობა აქვს. იმდენად ცუდი ფერისაა, რომ იცოდე ჯანმრთელობისთვის საშიში არ არის, მაინც ვერ დალევ. ეს დღეები იძულებულები ვართ, წყალი მაღაზიაში ვიყიდოთ“, - ამბობს ლევან ლომიძე.
შემღვრეული წყალი მოდის ახალციხეში, რუსთაველისა და თამარაშვილის ქუჩებზე.
„ყოველ გაზაფხულს ასეა. მთელ ქალაქში იმღვრევა წყალი. ველოდებით როდის გამოვა ამინდი, რომ წყლის ხარისხიც გამოსწორდეს“, - ამბობენ ადგილობრივები.
მოსახლეობას „საქართველოს გაერთიანებული წყალმომარაგების კომპანიაში“ ამშვიდებენ, რომ მღვრიე წყალი სასმელად ვარგისია და ჯანმრთელობისთვის საშიში არ არის.
„თოვლი დნება და ამის გამოა შემღვრეული. გაფილტვრით წყალს ფერი არ ეცვლება. დანარჩენი დარღვევები არ აღმოჩენილა. კვირაში ორჯერ მოწმდება წყალი, მაგრამ ამ პერიოდში დილა-საღამოს ვატარებთ ანალიზებს. ნებისმიერ მოქალაქეს შეუძლია მოგვმართოს, მივალთ და ავიღებთ წყლის სინჯს. რუსთაველის და თაყაიშვილის ქუჩებზე ისედაც ვამოწმებდით. თქვენი ზარის შემდეგ, თამარაშვილზეც გავიდა ჯგუფი და აიღო სინჯი“, - ამბობს რეგიონული ოფისის მენეჯერი ბესიკ ფილაური.
ქალაქის დაახლოებით, 20 000-მდე მოქალაქე სასმელი წყლით ურავლის ხეობიდან მარაგდება. „საქართველოს გაერთიანებული წყალმომარაგების კომპანიის“ ლაბორატორიაში ამბობენ, რომ წყალს რამდენიმე მიმართულებით იკვლევენ. ირინა ჯვარიძე ლაბორანტია. ქალაქის რამდენიმე ლოკაციაზე წყლის სინჯებს თავად იღებს. ამბობს, რომ სასმელი წყალი მიკრობიოლოგიურად და ქიმიურად ყოველდღიურად კონტროლდება, მისი ხარისხი ტექნიკური რეგლამენტით დადგენილ ნორმებს შეესაბამება.
„ბაქტერიოლოგიური მონაცემები კეთილსაიმედოა. წყლის ფერი ჯანმრთელობისთვის საშიში არ არის. სათავე ნაგებობაზე სასმელი წყლის თხევადი ქლორით გაუსნებოვნება 24-საათიან რეჟიმში მიმდინარეობს“, - ამბობს ირინა ჯვარიძე.
„საქართველოს გაერთიანებული წყალმომარაგების კომპანიაში“ ამბობენ, რომ თოვლის დნობასთან ერთად, წყლის ხარისხის კონტროლი, საბავშვო ბაღებში გამკაცრდა. დღეში რამდენჯერმე ხდება ქლორის შემცველობაზე კვლევა.
ხარისხსიანი სასმელი წყლის მიწოდებაზე პასუხისმგებელი უწყება მოსახლეობას აიმედებს, რომ წყალს შეფერილობა თოვლის დნობისა და წვიმიანი ამინდების დასრულების შემდეგ აღარ ექნება.
ამავე კატეგორიაში
სხვა სიახლეები
კვირის პოპულარული
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
11
°C
ახალქალაქი
10
°C
ასპინძა
12
°C
ადიგენი
12
°C
ბორჯომი
12
°C
თბილისი
15
°C
აბასთუმანი
7
°C
ბაკურიანი
6
°C
ნინოწმინდა
10
°C
ვალუტა
AMD
1000
6.9020
EUR
1
2.8777
RUB
100
2.9252
TRY
1
0.0828
USD
1
2.6797
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
