საზოგადოება
რა იცვლება ქვეყანაში საგანგებო მდგომარეობის გამოცხადებით
14:53 / 21.03.2020
კორონავირუსის გავრცელების პრევენციის მიზნით საქართველო ერთი თვით, 21 აპრილამდე საგანგებო მდგომარეობაზე გადადის.
პრემიერ-მინისტრმა გიორგი გახარიამ დაასახელა ის შეზღუდვები, რომელიც ფიზიკურ და იურიდიულ პირებს შეეხება.
ბოლო მონაცემებით, საქართველოში კორონავირუსის 47 დადასტურებული შემთხვევაა. აქედან 1 გამოჯანმრთელდა. კარანტინის რეჟიმში 1966 ადამიანი იმყოფება, სტაციონარში ექიმების მეთვალყურეობის ქვეშ კი, 259 პაციენტი.
პრემიერ-მინისტრმა გიორგი გახარიამ დაასახელა ის შეზღუდვები, რომელიც ფიზიკურ და იურიდიულ პირებს შეეხება.
- იზღუდება 10 კაცზე მეტი ადამიანის თავშეყრა;
- იზოლაციის ან კარანტინის წესების დარღვევისთვის პირი იძულებით იქნება გადაყვანილი შესაბამის დაწესებულებაში, წესების დარღვევისთვის გამოყენებული იქნება სანქციები;
- საერთაშორისო სამგზავრო, საჰაერო, სახმელეთო და საზღვაო მიმოსვლაზე წესდება შეზღუდვები, გარდა სატვირთო გადაზიდვებისა;
- დგინდება საჯარო სერვისების მიწოდების განსხვავებული წესები, ასევე ადმინისტრაციული საქმის წარმოების განსხვავებული წესები და ვადები;
- საქართველოს მთავრობას მიეცემა უფლება აუცილებლობის შემთხვევაში საკარანტინო, საიზოლაციო, სამედიცინო მიზნებისთვის შეზღუდოს საკუთრების უფლება და გამოიყენოს ფიზიკურ და იურუდიულ პირთა ქონება და მატერიალური საშუალებები;
- მთავრობას ექნება უფლება, კერძო ორგანიზაციებს, ბიზნეს სტრუქტურებს შეუზღუდოს ან დაავალოს კონკრეტული საქმიანობის განხორციელება;
- აუცილებლობის შემთხვევაში მთავრობა უზრუნველყოფს მედიკამენტებზე, სამედიცინო მომსახურებასა და პირველადი მოხმარების პროდუქტებზე ფასების რეგულირებას;
- მთავრობა დაადგენს განათლების შესახებ კანონით დადგენილი წესებისგან განსხვავებულ წესებს და პირობებს;
- საჭიროების შემთხვევაში მთავრობა შეძლებს მოახდინოს შესაბამისი სამედიცინო -საყოველთაო მობილიზება;
- სასამართლო სხდომები შესაძლებელია გაიმართოს დისტანციურად;
- ყველა ფიზიკური და იურიდიული პირი ვალდებულია დაიცვას საგანგებო მდგომარეობის რეჟიმი. საგანგებო მდგომარეობის რეჟიმის დარღვევა გამოიწვევს: ადმინისტრაციულ პასუხისმგებლობას, ჯარიმას ფიზიკური პირებისთვის 3 000 ლარის ოდეობით, ხოლო იურიდიული პირებისთვის 15 000 ლარის ოდენობით. იგივე ქმედება განმეორებით გამოიწვევს სისხლის სამართლის პასუხისმგებლობას 3 წლამდე ვადით.
- სამართალდამცავმა ორგანოებმა საგანგებო მდგომარეობის დროს დადგენილი რეჟიმის დაცვის მიზნით უნდა გამოიყენონ საქართველოს კანონმდებლობით გათვალისწინებული იძულების ღონისძიებები.
ბოლო მონაცემებით, საქართველოში კორონავირუსის 47 დადასტურებული შემთხვევაა. აქედან 1 გამოჯანმრთელდა. კარანტინის რეჟიმში 1966 ადამიანი იმყოფება, სტაციონარში ექიმების მეთვალყურეობის ქვეშ კი, 259 პაციენტი.