ახალციხის მუნიციპალიტეტის მერია დისტანციურ მუშაობაზე არ გადასულა და არც თანამშრომლები არიან თვითიზოლაციაში - ასე გამოეხმაურა მერის მოადგილე ქალაქში გავრცელებულ ინფორმაციას, რომ საკარანტინე ზონის წესები დაირღვა და მოქალაქეებმა იზოლირებული სივრცე დატოვეს. გურამ მელიქიძის თქმით, ეს დეზინფომრაციაა და „ქართული ოცნების“ დეპუტატის კარანტინში მყოფ ახლობლებს პრივილეგიებით არ უსარგებლიათ. ვიცე-მერის განცხადებით, მერიის თანამშრომლები სრული დატვირთვით მუშაობენ. თვითმმართველობაში მოსახლეობას მოუწოდებენ, არ შეეშინდეთ გავრცელებული ინფორმაციის, მაგრამ ჯანდაცვის სამინისტროს გაცემული რეკომენდაციები აუცილებლად დაიცვან.