საზოგადოება
რუსთაველის გამზირზე საპროტესტო გამოსვლები დღესაც გაგრძელდება
09:59 / 09.11.2020
ოპოზიციური პარტიების ორგანიზებით რუსთაველის გამზირზე საპროტესტო აქცია დღესაც გაიმართება.
ოპოზიციონერი ლიდერები მხარდამჭერებს პარლამენტთან შეკრებისა და ჩატარებული არჩევნების შედეგების გაპროტესტებისკენ 18:00 საათზე მოუწოდებენ.
შეგახსენებთ, რომ ოპოზიციური პარტიების გაერთიანებული საპროტესტო აქცია რუსთაველის გამზირზე გუშინაც გაიმართა. თავდაპირველად ოპოზიციონერმა ლიდერებმა ხელისუფლებას 3 მოთხოვნის შესასრულებლად ვადა 20:00 საათამდე მისცეს. ვადის ამოწურვის შემდეგ აქციის მონაწილეებმა ფეხით მსვლელობა მოაწყეს და ცენტრალურ საარჩევნო კომისიის შენობასთან გადაინაცვლეს.
ოპოზიციური პარტიების მოთხოვნებია: 1. ხელახალი თავისუფალი და სამართლიანი არჩევნების ჩატარება; 2. ცესკოს თავმჯდომარის, თამარ ჟვანიას გადადგომა და კომისიების სამართლიანი პრინციპით დაკომპლექტება; 3. პოლიტპატიმრების გათავისუფლება.
რაც შეეხება ცესკოსთან განვითარებულ მოვლენებს, ცენტრალურ საარჩევნო კომისიის შენობასთან, პოლიციამ, აქციის მონაწილეების წინააღმდეგ, დროის სხვადასხვა მონაკვეთში, წყლის ჭავლი გამოიყენა. ცესკოს ტერიტორიის მომიტინგეებისგან გასათავისუფლებლად პროცესში ჩართული იყო სპეცრაზმიც.
წყლის ჭავლის რამდენჯერმე გამოყენების მიუხედავად, აქციის მონაწილეები ცესკოს შენობასთან ისევ ბრუნდებოდნენ, თუმცა საბოლოოდ, ოპოზიციონერი ლიდერების გადაწყვეტილებით, წუხელ ღამით ცენტრალურ საარჩევნო კომისიასთან აქცია დასრულდა.
ოპოზიციონერი ლიდერები მხარდამჭერებს პარლამენტთან შეკრებისა და ჩატარებული არჩევნების შედეგების გაპროტესტებისკენ 18:00 საათზე მოუწოდებენ.
შეგახსენებთ, რომ ოპოზიციური პარტიების გაერთიანებული საპროტესტო აქცია რუსთაველის გამზირზე გუშინაც გაიმართა. თავდაპირველად ოპოზიციონერმა ლიდერებმა ხელისუფლებას 3 მოთხოვნის შესასრულებლად ვადა 20:00 საათამდე მისცეს. ვადის ამოწურვის შემდეგ აქციის მონაწილეებმა ფეხით მსვლელობა მოაწყეს და ცენტრალურ საარჩევნო კომისიის შენობასთან გადაინაცვლეს.
ოპოზიციური პარტიების მოთხოვნებია: 1. ხელახალი თავისუფალი და სამართლიანი არჩევნების ჩატარება; 2. ცესკოს თავმჯდომარის, თამარ ჟვანიას გადადგომა და კომისიების სამართლიანი პრინციპით დაკომპლექტება; 3. პოლიტპატიმრების გათავისუფლება.
რაც შეეხება ცესკოსთან განვითარებულ მოვლენებს, ცენტრალურ საარჩევნო კომისიის შენობასთან, პოლიციამ, აქციის მონაწილეების წინააღმდეგ, დროის სხვადასხვა მონაკვეთში, წყლის ჭავლი გამოიყენა. ცესკოს ტერიტორიის მომიტინგეებისგან გასათავისუფლებლად პროცესში ჩართული იყო სპეცრაზმიც.
წყლის ჭავლის რამდენჯერმე გამოყენების მიუხედავად, აქციის მონაწილეები ცესკოს შენობასთან ისევ ბრუნდებოდნენ, თუმცა საბოლოოდ, ოპოზიციონერი ლიდერების გადაწყვეტილებით, წუხელ ღამით ცენტრალურ საარჩევნო კომისიასთან აქცია დასრულდა.