საზოგადოება
არა ნამახვანჰესს - ახალციხეში სოლიდარობის აქცია დაიგეგმა
16:56 / 15.04.2021
რიონის ხეობაში, ნამოხვანჰესის მშენებლობის ირგვლივ განვითარებულ მოვლენებს, ახალციხეში სოლიდარობას მშვიდობიანი აქციით გამოუცხადებენ. ადგილობრივი ახალგაზრდები რიონის ხეობის მცველების მხარდაჭერის მიზნით, 17 აპრილს, 14:00 საათზე შოთა რუსთაველის ძეგლთან შეიკრიბებიან.
ერთ-ერთი ორგანიზატორი სტუდენტი თაკო გუგუნავაა, რომელმაც ახალციხელებს მოუწოდა, რიონის ხეობაში მიმდინარე მოვლენებს ამ ფორმით გამოხმაურებოდნენ.
„უკვე თვეებია ვაკვირდები რიონის ხეობაში განვითარებულ მოვლენებს და მინდოდა რაღაცით მაინც დავხმარებოდი იქაურ მოსახლეობას. ვერ ჩავდივარ ადგილზე, ამიტომ ვიფიქრე აქედან დამეჭირა მხარი და მშვიდობიანად გამეპროტესტებინა მიმდინარე მოვლენები“, - ამბობს tv9news.ge-სთან თაკო გუგუნავა.
ახალციხელი ახალგაზრდები ამბობენ, რომ შეუერთდებიან აქციას, რომლის გამართვაც რიონის ხეობის მცველებმა დედაქალაქში დააანონსეს.
შეგახსენებთ, რომ რიონის ხეობაში ნამახვანჰესის აშენების წინაღმდეგ მიმართული საპროტესტო აქციები თითქმის, ექვსი თვეა მიმდინარეობს.
საინიციატივო ჯგუფს აქვს ოთხი ძირითადი მოთხოვნა:
ორგანიზაციის მოკვლევით, ჰესის აშენების შემთხვევაში, ნამახვანის ჰესების კასკადი საბჭოთა კავშირის დაშლის შემდეგ განხორციელებული ყველაზე დიდი ენერგეტიკული პროექტი გახდება საქართველოს ტერიტორიაზე. კასკადი ორი ჰესისგან შედგება და მათი საერთო სიმძლავრე 430 მეგავატს აღემატება. პროექტში, რომლის მთლიანი ღირებულება 700 მილიონ დოლარს აჭარბებს, რამდენიმე საერთაშორისო ინვესტორი და სამშენებლო კომპანია მონაწილეობს. არსებული პროექტი მოიცავს 15 კილომეტრის სიგრძის ელექტროგადამცემი ხაზის მშენებლობასაც.
EMC ამბობს, რომ პროექტის მასშტაბურობიდან გამომდინარე მაღალია მისი პოტენციური ზეგავლენა ადგილობრივ სოციალურ და ბუნებრივ გარემოზე, ისევე როგორც ზეგავლენასთან დაკავშირებული რისკები. დასატბორ ტერიტორიაში ხვდება 110 ოჯახი, რომლებიც შესაძლოა გამოასახლონ. ზეგავლენის არეალში ექცევა 20-მდე კულტურული მემკვიდრეობის ძეგლი, რამდენიმე სოფელი და 10-ზე მეტი არქეოლოგიური ობიექტი.
კასკადი მდინარე რიონის ხეობაში ორი კაშხლის აგებას ითვალისწინებს - ერთის სიმაღლე, სოფელ ტვიშთან, 50 მეტრს აღემატება, მეორის, წყალტუბოს მუნიციპალიტეტში, 111 მეტრს შეადგენს.
ერთ-ერთი ორგანიზატორი სტუდენტი თაკო გუგუნავაა, რომელმაც ახალციხელებს მოუწოდა, რიონის ხეობაში მიმდინარე მოვლენებს ამ ფორმით გამოხმაურებოდნენ.
„უკვე თვეებია ვაკვირდები რიონის ხეობაში განვითარებულ მოვლენებს და მინდოდა რაღაცით მაინც დავხმარებოდი იქაურ მოსახლეობას. ვერ ჩავდივარ ადგილზე, ამიტომ ვიფიქრე აქედან დამეჭირა მხარი და მშვიდობიანად გამეპროტესტებინა მიმდინარე მოვლენები“, - ამბობს tv9news.ge-სთან თაკო გუგუნავა.
ახალციხელი ახალგაზრდები ამბობენ, რომ შეუერთდებიან აქციას, რომლის გამართვაც რიონის ხეობის მცველებმა დედაქალაქში დააანონსეს.
შეგახსენებთ, რომ რიონის ხეობაში ნამახვანჰესის აშენების წინაღმდეგ მიმართული საპროტესტო აქციები თითქმის, ექვსი თვეა მიმდინარეობს.
საინიციატივო ჯგუფს აქვს ოთხი ძირითადი მოთხოვნა:
- გაწყდეს 2019 წ. 25 აპრილს ხელმოწერილი ხელშეკრულება საქართველოს მთავრობასა და კომპანია „ენკა რინიუებლზს“ შორის მდინარე რიონზე დაგეგმილი ნამოხვანის ჰესების კასკადის მშენებლობის შესახებ და კომპანიამ დატოვოს რიონის ხეობა;
- გაუქმდეს საქართველოს მთავრობის 2019 წლის 21 ნოემბრის #2405 განკარგულება "სახელმწიფო საკუთრებაში არსებული უძრავი ქონების შპს "ენკა რინიუებლზისათვის" აღნაგობის უფლებით გადაცემაზე თანხმობის მიცემისა და პირდაპირი მიყიდვის ფორმით პრივატიზების შესახებ;"
- გაუქმდეს ნამოხვანის ჰესების კასკადზე 2015 წელს გაცემული სამშენებლო ნებართვა და ყველა სხვა მასზე დაფუძნებული დოკუმენტი;
- თანამდებობიდან გადადგეს ეკონომიკისა და მდგრადი განვითარების მინისტრი ნათია თურნავა.
ორგანიზაციის მოკვლევით, ჰესის აშენების შემთხვევაში, ნამახვანის ჰესების კასკადი საბჭოთა კავშირის დაშლის შემდეგ განხორციელებული ყველაზე დიდი ენერგეტიკული პროექტი გახდება საქართველოს ტერიტორიაზე. კასკადი ორი ჰესისგან შედგება და მათი საერთო სიმძლავრე 430 მეგავატს აღემატება. პროექტში, რომლის მთლიანი ღირებულება 700 მილიონ დოლარს აჭარბებს, რამდენიმე საერთაშორისო ინვესტორი და სამშენებლო კომპანია მონაწილეობს. არსებული პროექტი მოიცავს 15 კილომეტრის სიგრძის ელექტროგადამცემი ხაზის მშენებლობასაც.
EMC ამბობს, რომ პროექტის მასშტაბურობიდან გამომდინარე მაღალია მისი პოტენციური ზეგავლენა ადგილობრივ სოციალურ და ბუნებრივ გარემოზე, ისევე როგორც ზეგავლენასთან დაკავშირებული რისკები. დასატბორ ტერიტორიაში ხვდება 110 ოჯახი, რომლებიც შესაძლოა გამოასახლონ. ზეგავლენის არეალში ექცევა 20-მდე კულტურული მემკვიდრეობის ძეგლი, რამდენიმე სოფელი და 10-ზე მეტი არქეოლოგიური ობიექტი.
კასკადი მდინარე რიონის ხეობაში ორი კაშხლის აგებას ითვალისწინებს - ერთის სიმაღლე, სოფელ ტვიშთან, 50 მეტრს აღემატება, მეორის, წყალტუბოს მუნიციპალიტეტში, 111 მეტრს შეადგენს.