საზოგადოება
სამცხე-ჯავახეთში საკრებულოების მუშაობით მოსახლეობის 43% უკმაყოფილოა - IRI
FaceBook
14:36 / 25.04.2023
IRI-ის ახალი კვლევის ერთ-ერთი ქვეთავი ადგილობრივი მთავრობების, საკრებულოების და მერიების მუშაობის შეფასებას ეთმობა.

კვლევის თანახმად, საკრებულოების მუშაობით ყველაზე მეტად უკმაყოფილო მცხეთა-მთიანეთის რეგიონში არიან, ხოლო ყველაზე კმაყოფილები იმერეთისა და ქვემო ქართლის რეგიონებში.

IRI-ის კვლევის მიხედვით, საკრებულოების მუშაობას რეგიონების მიხედვით შემდეგნაირად აფასებენ:
  • თბილისი – კმაყოფილია 35%, არ არის კმაყოფილი 43%
  • კახეთი – კმაყოფილია 45%, არ არის კმაყოფილი 39%
  • შიდა ქართლი – კმაყოფილია 47%, არ არის კმაყოფილი 39%
  • ქვემო ქართლი – კმაყოფილია 72%, არ არის კმაყოფილი 23%
  • სამცხე-ჯავახეთი – კმაყოფილია 56%, არ არის კმაყოფილი 43%
  • აჭარა – კმაყოფილია 69%, არ არის კმაყოფილი 27%
  • გურია – კმაყოფილია 65%, არ არის კმაყოფილი 34%
  • სამეგრელო – კმაყოფილია 59%, არ არის კმაყოფილი 40%
  • იმერეთი – კმაყოფილი 72%, არ არის კმაყოფილი 23%
  • მცხეთა-მთიანეთი – კმაყოფილია 32%, არ არის კმაყოფილი 59%.
IRI-ის კვლევაში ასევე შეფასებული მერიების მუშაობაც, რომლის მიხედვითაც თბილისის მერიის მუშაობით 34% კმაყოფილია, 47% არ არის კმაყოფილი. რეგიონების მიხედვით კი მერიების მუშაობას შემდეგნაირად აფასებენ:
  • კახეთი – კმაყოფილია 52%, არ არის კმაყოფილი 46%
  • შიდა ქართლი – კმაყოფილია 59%, არ არის კმაყოფილი 32%
  • ქვემო ქართლი – კმაყოფილია 69%, არ არის კმაყოფილი 26 %
  • სამცხე-ჯავახეთი – კმაყოფილია 55 %, არ არის კმაყოფილი 40 %
  • აჭარა – კმაყოფილია 70%, არ არის კმაყოფილი 28%
  • გურია – კმაყოფილია 63%, არ არის კმაყოფილი 37 %
  • სამეგრელო – კმაყოფილია 63%, არ არის კმაყოფილი 36%
  • იმერეთი – კმაყოფილი 62%, არ არის კმაყოფილი 27%
  • მცხეთა-მთიანეთი – კმაყოფილია 39%, არ არის კმაყოფილი 50 %.
კვლევის საველე სამუშაოები ჩაატარა „გამოკითხვისა და მარკეტინგის“ ინსტიტუტმა, დააფინანსა – USAID-მა. მონაცემები შეგროვდა 2023 წლის 4-23 მარტს, რესპონდენტთა სახლში პირისპირი ინტერვიუებით. გამოკითხვაში მონაწილეობა მიიღო საქართველოს სრულწლოვანმა, 1500-მა მუდმივმა მაცხოვრებელმა. გამოკითხულთა ასაკი, საცხოვრებელი ადგილი და დასახლების სიდიდე მთლიანი მოსახლეობის რეპრეზენტაციულია. კვლევაში მონაწილეობაზე თანხმობა განაცხადა 63-მა პროცენტმა. ცდომილების ზღვარი ±2.5 პროცენტს შეადგენს.
| Print |
თეგები: მოსახლეობა / საკრებულოს მუშაობა / უკმაყოფილო /
ავტორი:
მეცხრე არხი