"სამყოფი რძე საქართველოში არასდროს ყოფილა" - გურამ ჯინჭველაძე
17:38 / 09.03.2022
საქართველოს ბაზარზე რძისა და რძის პროდუქტების დეფიციტია, ამიტომ სოფლის მეურნეობის სპეციალისტებს უკვირთ, რა უნდა გაიტანონ საქართველოდან მწარმოებელმა კომპანიებმა.
გურამ ჯინჭველაძე ამბობს, რომ გაუგებარია, იმპორტზე დამოკიდებულმა საქართველომ როგორ უნდა აითვისოს რუსეთის ბაზარი. სასოფლო საკონსულტაციო სამსახურის უფროსი თვლის, რომ ეს ნაბიჯი არა ეკონომიკის, არამედ პოლიტიკის ნაწილია.
შეგახსენებთ, რომ მოლაპარაკების შედეგად, რუსეთმა ქართულ საწარმოებს რძის პროდუქტების ექსპორტის ნება დართო. რუსეთში რძის ნაწარმის შეტანის უფლება 15-მა ქართულმა საწარმომ მიიღო.
ეს ინფორმაცია რუსულ სახელმწიფო მედიაში 6 მარტს გავრცელდა. მოგვიანებით ამ ცნობას სურსათის ეროვნული სააგენტო გამოეხმაურა და აღნიშნა, რომ ამ საკითხზე რუსეთთან მოლაპარაკებას 2020 წლიდან აწარმოებს.