Լուրեր
Ռուսները Վրաստանը ներառել են «համեմատաբար բարեկամական» պետության կատեգորիայի մեջ
16:28 / 15.02.2023
Ռուսաստանում Վրաստանը Մոլդովայի հետ միասին համարվում է «համեմատաբար բարեկամ պետություն»։ Այս մասին ասվում է Մոսկվայի Հաղորդակցության զարգացման ազգային հետազոտական ինստիտուտի զեկույցում, որը որոշում է հարեւան երկրների հաղորդակցության ռեժիմի բարեկամականության վարկանիշը։ Տվյալները տարածում է «Կոմերսանտ»-ը։
Մոսկվայի ինստիտուտը ամեն տարի վերահսկում է Ռուսաստանի հետ հարևանների բարեկամական հարաբերությունները։ Ուսումնասիրված 14 երկրներից 8-ը ճանաչվել են բարեկամ, չորսը՝ Էստոնիան, Լատվիան, Լիտվան և Ուկրաինան, հայտնվել են բացահայտ թշնամիների կատեգորիայի մեջ, իսկ Վրաստանը և Մոլդովան համարվել են համեմատաբար բարեկամ պետություններ։ Ռուս փորձագետները շեշտում են Վրաստանի հետ հարաբերությունների բարելավումը, քանի որ «երկիրը չի միացել Ռուսաստանի դեմ պատժամիջոցներին և ընդլայնում է տնտեսական համագործակցության հնարավորությունները Դաշնության հետ»։ Այնուամենայնիվ, հետազոտության հեղինակները Մոլդովային նույն կերպ չեն գնահատում և ասում են, որ երկիրը ընտրել է հաղորդակցության պայմանների վատթարացման ճանապարհը։
Բնականաբար, Ռուսաստանի դաշնակից պետությունը՝ Բելառուսը, եղել և մնում է վարկանիշի անվիճելի առաջատարը, որն ամենաբարձր վարկանիշն է ստացել հաղորդակցության բոլոր տեսակներում։ Հարաբերությունների դինամիկայի բարելավում է նկատվել նաև Ռուսաստանի բարեկամ երկրների՝ Ղրղզստանի, Ուզբեկստանի, Տաջիկստանի և Թուրքմենստանի հետ։ Սակայն Հայաստանն ու Ղազախստանն ընդգրկված են «տատանվող ռեժիմների» խմբում:
Հետազոտության հեղինակները նշում են, որ նախորդ տարվա համեմատ վարկանիշի բոլոր մասնակիցները մնացել են իրենց տեղում, թեև Ուկրաինայի պատերազմը և արևմտյան հակառուսական պատժամիջոցներն ուժեղացրել են «բարեկամության» և «անբարյացակամության» բևեռացումը։
Մոսկվայի ինստիտուտը ամեն տարի վերահսկում է Ռուսաստանի հետ հարևանների բարեկամական հարաբերությունները։ Ուսումնասիրված 14 երկրներից 8-ը ճանաչվել են բարեկամ, չորսը՝ Էստոնիան, Լատվիան, Լիտվան և Ուկրաինան, հայտնվել են բացահայտ թշնամիների կատեգորիայի մեջ, իսկ Վրաստանը և Մոլդովան համարվել են համեմատաբար բարեկամ պետություններ։ Ռուս փորձագետները շեշտում են Վրաստանի հետ հարաբերությունների բարելավումը, քանի որ «երկիրը չի միացել Ռուսաստանի դեմ պատժամիջոցներին և ընդլայնում է տնտեսական համագործակցության հնարավորությունները Դաշնության հետ»։ Այնուամենայնիվ, հետազոտության հեղինակները Մոլդովային նույն կերպ չեն գնահատում և ասում են, որ երկիրը ընտրել է հաղորդակցության պայմանների վատթարացման ճանապարհը։
Բնականաբար, Ռուսաստանի դաշնակից պետությունը՝ Բելառուսը, եղել և մնում է վարկանիշի անվիճելի առաջատարը, որն ամենաբարձր վարկանիշն է ստացել հաղորդակցության բոլոր տեսակներում։ Հարաբերությունների դինամիկայի բարելավում է նկատվել նաև Ռուսաստանի բարեկամ երկրների՝ Ղրղզստանի, Ուզբեկստանի, Տաջիկստանի և Թուրքմենստանի հետ։ Սակայն Հայաստանն ու Ղազախստանն ընդգրկված են «տատանվող ռեժիմների» խմբում:
Հետազոտության հեղինակները նշում են, որ նախորդ տարվա համեմատ վարկանիշի բոլոր մասնակիցները մնացել են իրենց տեղում, թեև Ուկրաինայի պատերազմը և արևմտյան հակառուսական պատժամիջոցներն ուժեղացրել են «բարեկամության» և «անբարյացակամության» բևեռացումը։