Covid19 -ის გავლენა საქართველოზე - ახალციხეში დისკუსია გაიმართა
17:03 / 31.07.2020
Covid19 -ით გამოწვეული ეპიდემიის გავლენა ადგილობრივ ეკონომიკაზე - თემაზე ახალციხის მედიის, სამთავრობო და საზოგადოებრივი სექტორის წარმომადგენლებმა იმსჯელეს.
მონაწილეებს შორის დისკუსია ნეგატიური შედეგების გადალახვის გზების კონკრეტულმა ვერსიებმა გამოიწვია. ეკონომისტმა კახა დაუშვილმა სხვადასხვა საერთაშორისო ორგანიზაციების კვლევის შედეგები გააცნო აუდიტორიას.
,,OCED -ის წინასწარი შეფასებით საოჯახო მეურნეობების დანახარჯები 30-35%, წარმოება - 20/25%, ხოლო კორპორატიული და პირდაპირი ინვესტიციები 40 %-ით შემცირდება.
საქართველოს მთავრობის მონაცემზე დაყრდნობით, 2020 წლის საქართველოს ეკონომიკა 7 მლრდ ლარს დაკარგავს და საერთაშორისო პარტნიორებისგან 4.7 მილიარდი ლარის კრედიტს მიიღებს.
PMCG-ის შეფასებით ეკონომიკის შეზღუდვამ ყველაზე მეტად შემდეგი სექტორები დააზარალა:
ტრანსპორტი და დასაწყობება ( -13%)
გართობა და კულტურა (-27%)
საბითუმო და საცალო ვაჭრობა (-13%)
სხვა სახის მომსახურება (-13%)
პოზიტიური გავლენა კი იქონია შემდეგ სექტორებზე:
ინფორმაციისა და კომუნიკაციის (+7%)
ჯანდაცვა და სოციალური მომსახურება (+7%).
დისკუსიაზე მონაწილეებმა, კორონავირუსის მიერ ახალციხისთვის მიყენებულ ზარალზეც იმსჯელეს.