დედის დაკრძალვისთვის სომხეთიდან ჩამოსული კოვიდინფიცირებული პირის კონტაქტების ტესტის პასუხები ცნობილია. განმეორებითი ანალიზის შედეგად კორონავირუსი არც ერთ მათგანს დაუდასტურდა.
საკარანტინე სივრცეში მყოფი პირების ნაწილი სახლში დღეს, 27 სექტემბერს დილით გაუშვეს. სამცხე-ჯავახეთის სამხარეო ადმინისტრაციის აპარატის უფროსის თქმით, კარანტინიდან და თვითიზოლაციიდან დაახლოებით, 55-მდე პირი გათავისუფლდა. აქედან 12-მა ბაკურიანის კარანტინი გუშინ დატოვა.
„ამ კონკრეტულ შემთხვევასთან დაკავშირებით, მხოლოდ ოთხი პირი რჩება თვითიზოლაციაში. დანარჩენი ყველა ახალციხელი მოქალაქის ტესტის პასუხი უარყოფითია“, - გვითხრა გიორგი მიქელაძემ.
შეგახსენებთ, რომ ადგილობრივების საკარანტინე სივრცეებში გადაყვანის მიზეზი სომხეთიდან შემოსული პირი გახდა, რომელიც ახალციხეში დედის დაკრძალვაზე ჩამოვიდა. უკან დაბრუნებისას, 18 სექტემბერს, საზღვარზე მას კორონავირუსი დაუდგინდა.