ოთხი დღეა, რაც მთავრობის ახალი შემადგენლობა დამტკიცდა. საკადრო ცვლილებები მინისტრთა კაბინეტში პრემიერ-მინისტრ მამუკა ბახტაძის გადადგომის შემდეგ განხორციელდა, თუმცა განახლებულ მთავრობაში ახალი სახეები არ გამოჩენილან. სამინისტროები უმეტეს შემთხვევაში ისევ მოქმედმა მინისტრებმა ჩაიბარეს. მთავრობის განახლებული შემადგენლობა ახალციხეში მოსახლეობამ შეაფასა. ადგილობრივების ნაწილი, ბოლო დროს განხორციელებული ცვლილებების შესახებ დადებითადაა განწყობილი, ნაწილი კი მიიჩნევს, რომ ამით ქვეყანაში არაფერი შეიცვლება.