დაავადებათა კონტროლის ეროვნული ცენტრის ინფორმაციით, ბოლო ერთი კვირის მანძილზე, საქართველოში COVID19-ის ახალი შემთხვევებმა 1000–ს გადააჭარბა. ქვეყანაში კორონავირუსის გამოვლენის ყოველდღიური რაოდენობა 100-ზე მეტი 12 სექტემბერს იყო. მას შემდეგ ახალი შემთხვევების რიცხვი მუდმივად რეკორდულად იზრდება.
რატომ არის მზარდი კოვიდინფიცირებულთა რაოდენობა - ეს კითხვა ახალციხეში მოქალაქეებს დავუსვით. მათი უმეტესობა COVID19-ის შემთხვევების მატებას, აკრძალვების მიუხედავად, ხალხმრავალი ღონისძიებების გამართვას უკავშირებს.