საინფორმაციო გამოშვება "ექოს" საახალწლო გამოშვება 31.12.2021
16:34 / 04.01.2022
მესხეთში, ძველად, ყველა ოჯახს საკუთარი ფურნე ჰქონდა. ახლა უბანში ერთი ინთება და რამდენიმე ოჯახი სარგებლობს. ასპინძის მუნიციპალიტეტის სოფელ საროში ფურნე, აუცილებლად ხურდება თვეში ერთხელ და ყველა დღესასწაულის წინ.
ჭობარეთში, ჯვარიძეების ოჯახში ახალ წელს მესხური ტრადიციით ითენებენ. ცხვრის ფორმის ნამცხვარი, ქადა, ტენილი ყველი, ტყლაპი, კაკალი, ჰალვა და სანთელი საახალწლო სუფრის აუცილებელი ატრიბუტია. ჯვარიძეებში ოდის გვერდით ფურნე დილიდან აინთო.
არუთუნიანების ოჯახში შობა-ახალ წელს შერეული ტრადიციით ხვდებიან. იმის გამო, რომ ოჯახის დიასახლისის დედა ქართველია, სადღესასწაულო სუფრაზე ტოლმასთან ერთად საცივსაც შეხვდებით.
ეს და სხვა საინტერესო ამბები საახალწლო გამოშვებაში.