სოფლის ამბები
„წინასაარჩევნოდ გვპირდებიან, მაგრამ დაპირება ჰაერში რჩება“ - რაზე ჩივიან ჟდანოვში
საზღვრისპირა სოფელი ჯავახეთში, სადაც ბუნებრივი აირი, გზა, სარწყავი წყალი და საბავშვო ბაღი არ აქვთ, ადგილობრივების ნაწილი კი საქართველოს მოქალაქეობას კარგავს. სოფელ ჟდანოვის მოსახლეობას ამის გარდა, კიდევ არაერთი პრობლემა აწუხებს.
სოფელ ჟდანოვის მოსახლეობას უმთავრეს პრობლემაზე რომ ჰკითხოთ, ერთხმად ბუნებრივ აირს დაასახელებენ. ადგილობრივები ამბობენ, რომ მაღალმთიან დასახლებაში, მკაცრ კლიმატურ პირობებში, წივით თბებიან. ამისთვის კი პირუტყვის ნაკელს მთელი ზაფხული აგროვებენ და აშრობენ. ჯავახეთში წივით გათბობა გაცილებით იაფი ჯდება, ვიდრე შეშით. სოფელში გაზის შეყვანის მოთხოვნით, მოსახლეობამ ადგილობრივ ხელისუფლებას რამდენჯერმე მიმართა. თვითმმართველობა მათ დაპირდა, რომ პროექტის მიხედვით, ჟდანოვი 2023 წლამდე გაზიფიცირდება. მაცხოვრებლებს ამ დაპირების არ სჯერათ.
„გაზი არ გვაქვს და არა მგონია, რომ ოდესმე გვქონდეს. ჯერ სოფელ გორელოვკაშიც არ არის. ჯერ იქ უნდა შეიყვანონ და შემდეგ ჩვენთან. დაპირებებს იძლევიან, მაგრამ დაპირებადვე რჩება“, - გვეუბნება სოფელ ჟდანოვის მკვიდრი ვიქტორ კრმჯიანი.
ჟდანოვის მაცხოვრებლები თავს სოფლის მეურნეობით ირჩენენ. აქ ყველაზე განვითარებული დარგები მეკარტოფილეობა და მეცხოველეობაა. ჯავახეთში მოწეული მოსავლისა და რძის ნაწარმის რეალიზაციას, მარნეულელი ვაჭრები ადგილზე ახდენდნენ. ადგილობრივები ამბობენ, რომ ეს პროცესი ორი თვეა შეჩერებულია. ჟდანოვში ფიქრობენ, რომ ვაჭრობის შეჩერება შესაძლოა, სომხეთ-აზერბაიჯანის კონფლიქტს უკავშირდებოდეს.
„ასე თუ გაგრძელდა, არ ვიცი რა გვეშველება“, - წუხს შოღიკ მნოიანი.
ჟდანოვის, ისევე როგორც ჯავახეთის მოსახლეობის უმეტესობას, ორმაგი მოქალაქეობა ჰქონდა. ეს საშუალებას აძლევდათ, სეზონურ სამუშაოზე რუსეთში წასულიყვნენ. 2013 წელს, კანონში შესული ცვლილების გამო, მათ საქართველოს მოქალაქეობა დაკარგეს. ასეთი ჟდანოვში 25-მდე მამაკაცია. ერთ-ერთი კამო სიმონიანია. მას და ეთნიკურად სომეხ მოქალაქეებს საქართველოს მოქალაქეობის დაბრუნება ქართულ ენაში გამოცდის ჩაბარებით შეუძლიათ. კამო გამოცდაზე ორჯერ გავიდა და ორჯერვე ჩაიჭრა.
„62 წელია საქართველოში ვცხოვრობ, აქ დავიბადე და გავიზარდე. ყველაზე საწყენი ის არის, რომ მარტო ფურცელს აქცევენ ყურადღებას, ადამიანურ გრძნობებს კი არავინ. მე ამ ხნის კაცი ვარ და ქართულს ახლა ვერ ვისწავლი, ძალიან ძნელია შევეგუო იმას, რომ საქართველოს მოქალაქე აღარ ვარ“, - გვითხრა კამო სიმონიანმა.
ჯავახეთის სხვა სოფლების მსგავსად,სარწყავი წყლის პრობლემა ჟდანოვშიცაა. ამის გარდა, სოფელში არ არის საბავშვო ბაღი. ადგილობრივები ახალდაგებულ გზაზეც ჩივიან, რომელიც რამდენიმე თვეში დაზიანდა.
„ძველი გზა დაანგრიეს, ახალიც ნორმალურად ვერ შეაკეთეს. ჟდანოვის ხიდიც უკვე ჩაინგრა“, - წუხს ადგილობრივი სერგეი მნოიანი.
„არც არასოდეს მოგვარებულა და არც მოგვარდება სარწყავი წყლის პრობლემა“, - ამბობს ვიქტორ კრმჯიანი.
2020 წელს, სოფლის მხარდაჭერის პროგრამით, ჟდანოვში საბავშვო ბაღი აშენდება - ამბობს ნინოწმინდის მერის პირველი მოადგილე. მისი თქმით, სამუშაოები მომავალ წელს დასრულდება. ალექსანდრე მიქელაძე ჟდანოვის მოსახლეობას აიმედებს, რომ გაზიფიცირება თუ 2020 წელს ვერ მოესწრო, 2021 წლიდან დაიწყება.
„მომავალი წლიდან, დაახლოებით 1 500 კომლის გაზიფიცირება მოხდება“.
რაც შეეხება საქართველოს მოქალაქეობის დაკარგვას - ალექსანდრე მიქელაძე ამბობს, რომ ახალგაზრდებმა სახელმწიფო ენა უნდა ისწავლონ.
სოფლის ახალგაზრდები თავშესაქცევის გარეშე არიან. მოზარდები ამბობენ, რომ დრო ბურთის თამაშით გაჰყავთ, თუმცა ამისთვის არც გარემო და არც პირობები აქვთ. იმის გამო, რომ სოფელს სტადიონის დანიშნულებით ტერიტორია მოშორებით აქვს, ახალგაზრდებს ფეხბურთის თამაში ცენტრალურ გზაზე უწევთ.
„რაც საზღვარი ჩაიკეტა, გზაზე ცოტა მანქანა დადის და მარტივად ვთამაშობთ. ამ თემას ყოველთვის მეორე პლანზე დებენ, ბოლოს მაინც არ სრულდება ჩვენი ახალგაზრდების მოთხოვნა“, - ამბობს ჟდანოველი სტიოპ დუმანიანი.
მაღალმთიანი სოფელი გორელოვკის თემში, ზღვის დონიდან 2 130 მეტრზე მდებარეობს. დასახლება ნინოწმინდიდან 21 კმ-ით არის დაშორებული. სოფელში 390-მდე ადამიანი ცხოვრობს. სოფელს 1939 წლამდე ეჟოვაკანი ერქვა, მოგვიანებით ჟდანოვაკანს ეძახდნენ, შემდეგ კი ჟდანოვით შეიცვალა.
გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.
სოფელ ჟდანოვის მოსახლეობას უმთავრეს პრობლემაზე რომ ჰკითხოთ, ერთხმად ბუნებრივ აირს დაასახელებენ. ადგილობრივები ამბობენ, რომ მაღალმთიან დასახლებაში, მკაცრ კლიმატურ პირობებში, წივით თბებიან. ამისთვის კი პირუტყვის ნაკელს მთელი ზაფხული აგროვებენ და აშრობენ. ჯავახეთში წივით გათბობა გაცილებით იაფი ჯდება, ვიდრე შეშით. სოფელში გაზის შეყვანის მოთხოვნით, მოსახლეობამ ადგილობრივ ხელისუფლებას რამდენჯერმე მიმართა. თვითმმართველობა მათ დაპირდა, რომ პროექტის მიხედვით, ჟდანოვი 2023 წლამდე გაზიფიცირდება. მაცხოვრებლებს ამ დაპირების არ სჯერათ.
„გაზი არ გვაქვს და არა მგონია, რომ ოდესმე გვქონდეს. ჯერ სოფელ გორელოვკაშიც არ არის. ჯერ იქ უნდა შეიყვანონ და შემდეგ ჩვენთან. დაპირებებს იძლევიან, მაგრამ დაპირებადვე რჩება“, - გვეუბნება სოფელ ჟდანოვის მკვიდრი ვიქტორ კრმჯიანი.
ჟდანოვის მაცხოვრებლები თავს სოფლის მეურნეობით ირჩენენ. აქ ყველაზე განვითარებული დარგები მეკარტოფილეობა და მეცხოველეობაა. ჯავახეთში მოწეული მოსავლისა და რძის ნაწარმის რეალიზაციას, მარნეულელი ვაჭრები ადგილზე ახდენდნენ. ადგილობრივები ამბობენ, რომ ეს პროცესი ორი თვეა შეჩერებულია. ჟდანოვში ფიქრობენ, რომ ვაჭრობის შეჩერება შესაძლოა, სომხეთ-აზერბაიჯანის კონფლიქტს უკავშირდებოდეს.
„ასე თუ გაგრძელდა, არ ვიცი რა გვეშველება“, - წუხს შოღიკ მნოიანი.
ჟდანოვის, ისევე როგორც ჯავახეთის მოსახლეობის უმეტესობას, ორმაგი მოქალაქეობა ჰქონდა. ეს საშუალებას აძლევდათ, სეზონურ სამუშაოზე რუსეთში წასულიყვნენ. 2013 წელს, კანონში შესული ცვლილების გამო, მათ საქართველოს მოქალაქეობა დაკარგეს. ასეთი ჟდანოვში 25-მდე მამაკაცია. ერთ-ერთი კამო სიმონიანია. მას და ეთნიკურად სომეხ მოქალაქეებს საქართველოს მოქალაქეობის დაბრუნება ქართულ ენაში გამოცდის ჩაბარებით შეუძლიათ. კამო გამოცდაზე ორჯერ გავიდა და ორჯერვე ჩაიჭრა.
„62 წელია საქართველოში ვცხოვრობ, აქ დავიბადე და გავიზარდე. ყველაზე საწყენი ის არის, რომ მარტო ფურცელს აქცევენ ყურადღებას, ადამიანურ გრძნობებს კი არავინ. მე ამ ხნის კაცი ვარ და ქართულს ახლა ვერ ვისწავლი, ძალიან ძნელია შევეგუო იმას, რომ საქართველოს მოქალაქე აღარ ვარ“, - გვითხრა კამო სიმონიანმა.
ჯავახეთის სხვა სოფლების მსგავსად,სარწყავი წყლის პრობლემა ჟდანოვშიცაა. ამის გარდა, სოფელში არ არის საბავშვო ბაღი. ადგილობრივები ახალდაგებულ გზაზეც ჩივიან, რომელიც რამდენიმე თვეში დაზიანდა.
„ძველი გზა დაანგრიეს, ახალიც ნორმალურად ვერ შეაკეთეს. ჟდანოვის ხიდიც უკვე ჩაინგრა“, - წუხს ადგილობრივი სერგეი მნოიანი.
„არც არასოდეს მოგვარებულა და არც მოგვარდება სარწყავი წყლის პრობლემა“, - ამბობს ვიქტორ კრმჯიანი.
2020 წელს, სოფლის მხარდაჭერის პროგრამით, ჟდანოვში საბავშვო ბაღი აშენდება - ამბობს ნინოწმინდის მერის პირველი მოადგილე. მისი თქმით, სამუშაოები მომავალ წელს დასრულდება. ალექსანდრე მიქელაძე ჟდანოვის მოსახლეობას აიმედებს, რომ გაზიფიცირება თუ 2020 წელს ვერ მოესწრო, 2021 წლიდან დაიწყება.
„მომავალი წლიდან, დაახლოებით 1 500 კომლის გაზიფიცირება მოხდება“.
რაც შეეხება საქართველოს მოქალაქეობის დაკარგვას - ალექსანდრე მიქელაძე ამბობს, რომ ახალგაზრდებმა სახელმწიფო ენა უნდა ისწავლონ.
სოფლის ახალგაზრდები თავშესაქცევის გარეშე არიან. მოზარდები ამბობენ, რომ დრო ბურთის თამაშით გაჰყავთ, თუმცა ამისთვის არც გარემო და არც პირობები აქვთ. იმის გამო, რომ სოფელს სტადიონის დანიშნულებით ტერიტორია მოშორებით აქვს, ახალგაზრდებს ფეხბურთის თამაში ცენტრალურ გზაზე უწევთ.
„რაც საზღვარი ჩაიკეტა, გზაზე ცოტა მანქანა დადის და მარტივად ვთამაშობთ. ამ თემას ყოველთვის მეორე პლანზე დებენ, ბოლოს მაინც არ სრულდება ჩვენი ახალგაზრდების მოთხოვნა“, - ამბობს ჟდანოველი სტიოპ დუმანიანი.
მაღალმთიანი სოფელი გორელოვკის თემში, ზღვის დონიდან 2 130 მეტრზე მდებარეობს. დასახლება ნინოწმინდიდან 21 კმ-ით არის დაშორებული. სოფელში 390-მდე ადამიანი ცხოვრობს. სოფელს 1939 წლამდე ეჟოვაკანი ერქვა, მოგვიანებით ჟდანოვაკანს ეძახდნენ, შემდეგ კი ჟდანოვით შეიცვალა.
გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე. 
ამავე კატეგორიაში
კვირის პოპულარული
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
21
°C
ახალქალაქი
17
°C
ასპინძა
17
°C
ადიგენი
26
°C
ბორჯომი
22
°C
თბილისი
21
°C
აბასთუმანი
19
°C
ბაკურიანი
17
°C
ნინოწმინდა
17
°C
ვალუტა
AMD
1000
6.9171
EUR
1
2.8804
RUB
100
2.9145
TRY
1
0.0827
USD
1
2.6859
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
