ახალციხის მომხმარებელთა დახმარების ცენტრმა გაყინული პროდუქტის მიკროორგანიზმებით დაბინძურების ახალი შემთხვევები გამოავლინა. ცენტრის ინფორმაციით,  მომხმარებელმა „ბარაქის“ ხინკლისა და „კავთურას“ პელმენის შემოწმების თხოვნით მიმართა. 31 მარტს მათ კოსტავას ქ. #7-ში მდებარე მარკეტში შპს „რაბათელი“ შეიძინეს ხინკალი “ბარაქა”. ასევე, იაძის ქ. #7-ში მდებარე ი.მ. დუშნეკ მალხაზიანის კუთვნილ მინიმარკეტში – პელმენი „კავთურა“. ლაბორატორიული კვლევებით, ორივე ნიმუშში  ნაწლავის ჩხირის ჯგუფის ბაქტერიებისა (კოლიფორმები) და ლისტერია მონოციტოგენოზის არსებობა დადასტურდა, რაც საქართველოში მოქმედი სანიტარული ნორმებით, დაუშვებელია. “აღმოჩენილმა ბაქტერიებმა შეიძლება ადამიანის სერიოზული მოწამვლა გამოიწვიოს. თუმცა, საქართველოში მოქმედ აკრედიტებულ ლაბორატორიებს ამ ბაქტერიებზე სურსათის უფრო ზუსტი კვლევები არა აქვთ დანერგილი, რაც არ გვაძლევს საშუალებას, ცალსახად დავასკვნათ, რომ შემოწმებული სურსათის ნიმუშები მავნეა. აღმოჩენილი მიკრობები საკვებში სხვადასხვა გზით შეიძლება მოხვდეს, დაწყებული დაბინძურებული ინგრედიენტებიდან, დამთავრებული საკვების მომზადების, შენახვისა და/ან დისტრიბუცია/რეალიზაციის დროს ჰიგიენის პირობების დაუცველობით. ამავდროულად, ისინი იოლად ნადგურდებიან საკვების თერმული დამუშავებისას (მოხარშვა, შეწვა)” – ნათქვამია ახალციხის მომხმარებელთა დახმარების ცენტრის მიერ გავრცელებულ განცხადებაში. დარღვევის შესახებ მომხმარებელს, მწარმოებლებს, მაღაზიის მეპატრონეებსა და სურსათის ეროვნული სააგენტოს სამცხე-ჯავახეთის რეგიონულ სამმართველოს ეცნობა.

საქართველოს პრემიერ–მინისტრი ირაკლი ღარიბაშვილი ათასწლეულის ინოვაციის კონკურსში გამარჯვებულ ახალციხელ მოსწავლეებს –  ირაკლი კაპანაძესა და კარლო ხუციშვილს შეხვდა, რომლებიც 9-11 აპრილს NASA-ს კენედის კოსმოსურ ცენტრში, კონრადის ფონდის მიერ ორგანიზებულ ყოველწლიურ საერთაშორისო სამიტში მიიღებენ მონაწილეობას. პრემიერ–მინისტრმა წარმატება უსურვა მათ და სამახსოვრო საჩუქრები გადასცა. მანვე დახმარებისთვის მადლობა გადაუხადა ამერიკის საელჩოს და ხაზგასმით აღნიშნა „ათასწლეულის გამოწვევის ფონდის“ წვლილი საქართველოში ინოვაციების, საბუნებისმეტყველო, ტექნოლოგიების და საინჟინრო განათლების პოპულარიზაციაში.

სამოქალაქო განათლების პროგრამა “მომავლის თობა”-ს ფარგლებში ახალციხის კერძო სკოლა შპს ხერხემი “მზექა”-ს მოსწავლეები შეუერთდნენ აქციას : “განვდევნოთ ქართული ენიდან ბარბარიზმები”.

ახალციხეში 30 წლამდე ასაკის ქალს ეძებენ. ორი შვილის დედა, რომლის ოჯახიც რაბათის უბანში ცხოვრობს, სახლიდან ერთი კვირის წინ გავიდა და უკან აღარ დაბრუნებულა. ოჯახის წევრები მას ვერ უკავშირდებიან. შინაგან საქმეთა სამინისტროს ინფორმაციით, ძებნის საქმე ახალციხის რაიონულ სამმართველოშია შექმნილი. მათთან დაკარგვის თაობაზე განცხადება 20 მარტს შევიდა. სამართალდამცველები ახალგაზრდა ქალს მუნიციპალიტეტის მასშტაბით ეძებენ.

„ეროვნული ინტეგრაციის გაძლიერება საქართველოში“ – ასე ჰქვია პროექტს, რომლის შემაჯამებელი ღონისძიებაც ახალციხეში 20 მარტს გაიმართა. არასამთავრობო ორგანიზაცია „დემოკრატ მესხთა კავშირის“ ახალგაზრდული ცენტრის წევრებმა, სამ წლიანი მუშაობის პროცესი გაიხსენეს და  საკუთარი მუშობის შედეგებზე ისაუბრეს. მათი ინფორმაციით, პროექტში  ახალციხესა და ახალქალაქიდან 700–მდე ახალგაზრდა იყო ჩართული. სტუდენტებსა და მოსწავლეებს საშუალება ჰქონდათ სამოქალაქო განათლება მიეღოთ და კიდევ უფრო მეტად გააქტიურებულიყვნენ.

ახალციხის დემოკრატიული ჩართულობის ცენტრში „სამცხე-ჯავახეთის სამხარეო განვითარების პროგრამის“ ფარგლებში  რეგიონული დებატები გაიმართა. ახალციხისა და ადიგენის მუნიციპალიტეტების 3 სასკოლო კლუბი პირველობის მოსაპოვებლად სამი დღის განმავლობაში  იბრძოდა.  რეგიონის მასშტაბით, გამარჯვება მოხის სასკოლო კლუბმა მოიპოვა, რომელიც საირმეში, ეროვნულ დებატებში მონაწილეობის მისაღებად გაემგზავრება. „გენდერული თანასწორობა გამართლებულია“ – ამ თემაზე ახალციხეში საჯარო დებატები გაიმართა. საერთაშორისო ორგანიზაცია „ვოლდ ვიჟენის“ ათი სასკოლო გუნდიდან რეგიონულ ფინალში ერთმანეთს  ურავლისა და   მოხის სკოლების მოსწავლეები  შეხვდნენ. 

ორი სხვადასხვა სარწმუნოებისა და სხვადასხვა კუთხის შვილების ურთიერთობები მესხურ მიწაზე.  მართმადიდებლებისა და მუსლიმების მეზობლობა და ადამიანური დამოკიდებულება  –  როგორ გრძელდება სხვასახვა სარწმუნოების მქონე თანასოფლელების ურთიერთობა მოხესა და ჭელაში მომხდარი დაპირისპირების შემდეგ? არის თუ არა  ზარზმა მისაბაძი სოფელი და რატომ თვლიან ადიგენის მუნიციპალიტეტში მცხოვრებლები, რომ მათ მხარეში რელიგიური კუთხით დაპირისპირება ხელოვნურადაა გამოწვეული? –  რეპორტაჟი სოფელ ზარზმიდან. ეს ორი ქალბატონი სოფელ ზარზმაში ცხოვრობს. ისინი   კარის  მეზობლები არიან. ამიტომ, ერთმანეთს ყოველდღიურად  ხვდებიან და სხვადასხვა საჭირბოროტო საკითხს ერთად განიხილავენ, გამოსავალსაც ერთად ეძებენ და ერთამენთს დახმარების ხელსაც უწვდიან. ერთადერთი რამ, რაც მათ განასხვებს, აღმსარებლობაა.

საქართველოს პრემიერ მინისტრის ახალციხეში ვიზიტის მიზანი სამცხე–ჯავახეთის ეკონომიკური განვითარების პერსპექტივების გაცნობა იყო. ირაკლი ღარიბაშვილი მინისტრთა კაბინეტის სხვა წევრებთან ერთად ადგილობრივი თვითმართველობების ხელმძღვანელ პირებსა და ბიზნენსმენებს შეხვდა. პრემიერრმა მათ ის მიმართულებები გააცნო, რომელის  მიხედვითაც რეგიონის განვითარება  იგეგმება. მეწარმეობა, სოფლის მეურნეობა და ტურიზმი – ეს ის სამი ძირითადი მიმართულებაა, რომლის გაძლიერებაშიც საქართველოს პრემიერ მინისტრი სამცხე–ჯავახეთის განვითარებას ხედავს.

1. საქართველოს პრემიერ-მინისტრმა რეგიონების ეკონომიკური პოტენციალის პრეზენტაცია სამცხე-ჯავახეთიდან დაიწყო; 2. მართმადიდებლებისა და მუსლიმების ურთიერთობები სოფელ ზარზმაში.

ახალციხის მუნიციპალიტეტიდან რეგიონული განვითარებისა და ინფრასტრუქტურის სამინისტროში 13 პროექტი გადაიგზავნა, აქედან ექვსი  გამგეობიდან , ხოლო  7  ქალაქ ახალციხის მერიიდან. 7 პროექტიდან სამინისტრომ ქალაქის 7–ვე პროექტი დააფინანსა. აღნიშნულის ფარგლებში ახალციხეში 18 ქუჩაზე ასფალტო ბეტონის საფარის დაგება და სანიაღვრე არხების მოწყობა იგეგმება. სამუშაოების განხორციელებისათვის ორ მილიონ ნახევარი ლარი დაიხარჯება.

საქართველოს პრემიერ-მინისტრი ირაკლი ღარიბაშვილი თვითმმართველი მუნიციპალიტეტების ხელმძღვანელობას ადმინისტრაციული ხარჯების დაზოგვისკენ მოუწოდებს. შესაბამისი მოწოდებით, მთავრობის თავმჯდომარემ მერებს გამგებლებსა და გუბერნატორებს, სასტუმრო “ქორთიარდ მარიოტში” მიმდინარე შეხვედრაზე მიმართა, სადაც სამცხე–ჯავახეთის წარმომადგენლებიც იმყოფებოდნენ. “ჩვენ მივიღეთ გადაწყვეტილება, რომ მაქსიმალურად დავზოგოთ ხარჯები. ყველა მუნიციპალიტეტის ხელმძღვანელმაც უნდა მიიღოს ზომები, რათა ადმინისტრაციული ხარჯები მაქსიმალურად დაიზოგოს. მინდა ხაზგასმით აღვნიშნო, რომ საუბარია ადმინისტრაციული ხარჯის დაზოგვაზე და შემცირება არც ერთ შემთხვევაში არ უნდა შეეხოს სოციალურ და ინფრასტრუქტურულ პროექტებს. გთხოვთ, ყველამ გაითვალისწინოს, რომ ჩვენი რეგიონის მოსახლეობის თითოული თეთრი არის მნიშვნელოვანი და ჩვენ ვალდებული ვართ მაქსიმალურად ვიზრუნოთ იმისთვის, რომ მათ ყოფას არ დაეტყოს დღევანდელი პრობლემები”, – განაცხადა პრემიერ-მინისტრმა. ირაკლი ღარიბაშვილის განმარტებით, საქართველოს დღევანდელი მთავრობის მიზანი სწორედ ადამიანზე ზრუნვაა. “ჩვენ უკვე არაერთი სოციალური პროექტი განვახორციელეთ რეგიონებში, მაგრამ ეს საკმარისი არ არის. ჩვენი მთავარი მიზანი სწორედ ადამიანია. ჩვენ ვართ ადამიანზე ორიენტირებული მთავრობა ცენტრალურ და ადგილობრივ დონეზე. მინდა რომ ეს იყოს მთავარი გზავნილი დღევანდელი შეხვედრის”, – აღნიშნა ღარიბაშვილმა შეხვედრაზე. წყარო: http://www.interpressnews.ge/ge/sazogadoeba/320801-irakli-gharibashvili-gubernatorebsa-da-gamgeblebs-administraciuli-kharjebis-dazogvisken-moutsodebs.html

ამ წუთებში საქართველოს პრემიერ-მინისტრი ირაკლი ღარიბაშვილი რეგიონული ხელისუფლების წარმომადგენლებს ხვდება. შეხვედრა სასტუმრო “ქორთიარდ მარიოტში” დახურულ კარს მიღმა მიმდინარეობს. შეხვედრას გუბერნატორები, მერები და გამგებლები ესწრებიან. თბილისში იმყოფებიან სამცხე-ჯავახეთის რეგიონის პირველი პირები. აღნიშნული შეხვედრა გასულ კვირას დაანონსდა. შეხვედრას ცენტრალური მთავრობის რამდენიმე წევრი ესწრება. მათ შორის- ფინანსთა მინისტრი ნოდარ ხადური.

გამართული იდეა, პრობლემატური საკითხი და სწორად გაწერილი ბიუჯეტი–ამ კრიტერიუმების გათვალისწინებით,  world vision–მა მცირე საგრანტო კონკურსის ფარგლებში,  პროექტების შერჩევა დაიწყო. ახალციხისა და ადიგენის მუნიციპალიტეტების  საჯარო სკოლების მოსწავლეების მიერ  დაწერილ პროექტებს, ორგანიზაცია მხოლოდ იმ შემთხევაში დააფინანსებს თუ ზემოთ ჩამოთვლილ კრიტერიუმებს დააკმაყოფილებს.

ახალციხის ციხეში აქტიური ტურისტული სეზონი იწყება,  ციხის დირექტორის პოსტი კი ისევ ვაკანტურია.  თუმცა დანიშნულია  ისტორიული კომპლექსის დირექტორის მოადგილე. ახალციხის ციხის დირექტორის პოზიცია ისევ ვაკანტურია. ამ დრომდე ადგილობრივი ხელისუფლების მიერ სასურველი კანდიდატურა ვერ შეირჩა.

ლევან ლობჯანიძე ადიგენის მუნიციპალიტეტის საკრებულოს უკვე ყოფილი თავმჯდომარე თანამდებობიდან მის გადაყენებას სამცხე–ჯავახეთის გუბერნატორს უკავშირებს. ლევან ლობჯანიძე ირწმუნება, რომ ავთანდილ კაჭკაჭაშვილმა მას “ნაციონალური მოძრაობის” წევრებთან ახლობლობლობა დასწამა და მოთხოვა თანამდებობიდან გადამდგარიყო. გარდა ამისა, ლოჟანიძე მედიასთან აცხადებს, რომ გუბერნატორის მოადგილეს მისი კანდიდატურის წარდგენა საკრებულოს თავმჯდომარის პოსტზე თავიდანვე არ მოეწონა.  მისივე თქმით, დეპუტატების მიერ თავმჯდომარედ არჩევის შემდეგ, ავთანდილ კაჭკაჭაშვილმა მას მიუთითა, ვინ რა თანამდებობაზე უნდა დაენიშნა. “გუშინ მისი ბრძანებით დაიარეს დეპუტატები და ჩემი გადაყენების მოთხოვნის დოკუმენტს ხელი მოაწერინეს” – აცხადებს ლევან ლობჯანიძე. ავთანდილ კაჭკაჭაშვილი საკრებულოს ყოფილი თავმჯდომარის ბრალდებებს უარყოფს სამცხე–ჯავახეთის გუბერნატორის მოადგილე. ავთანდილ კაჭკაჭაშვილი აცხადებს, რომ მსგავს შეხვედრებს მათ შორის ადგილი არ ჰქონია. მისივე თქმით, დეპუტატებთან გუშინ სატელეფონო საუბარი ჰქონდა. “დავალება იყო პარტიიდან, რომ იქნებ შეგვეჩერებინა ეს საკითხი. მე ვთხოვე დეპუტატებს შეაჩერეთ–მეთქი, მე თბილისში ჩავალ, შევათანხმებ, გადავწყვეტ, იქნებ იქიდანაც უკეთესი რანმე გვირჩიონ. ჩამოვალ და მერე გადაწყვიტეთ–მეთქი. მაგრამ დეპუტატებმა მეც აღარ მომისმინეს. მე ვიცოდი, რომ უნდა შეეჩერებინათ საკითხი, მაგრამ მაინც ასე მოხდა. თქვენც კარგად იცით, რომ  საკრებულოს საქმიანობაში ჩარევის უფლება მე არ მაქვს” – განაცხადა ავთანდილ კაჭკაჭაშვილმა “მეცხრე არხთან”. გუბერნატორის მოადგილის თქმით, დეპუტატები გაღიზიანებულები იყვენენ, იმის გამო, რომ მათ მიერ შეტანილ საკითხებს არ ითვალისწინებდა და “ნაციონალური მოძრაობის” დეპუტატებზე იყო დამოკიდებული. შეგახსენებთ, რომ ლევან ლობჯანიძე დღეს, 4 მარტს გამართულ სხდომაზე საკრებულოს თავმჯდომარის თანამდებობიდან გადააყენეს. აღნიშნული მოთხოვნით, წარმომადგენლობით ორგანოს “ქართული ოცნების” 15–მა დეპუტატმა მიმართა. მის გადაყენებას ფარული კენჭისყრით, 21 დეპუტატიდან მხარი 17–მა მათგანმა  დაუჭირა.

ახალციხის რაიონულ სასამართლოსთან ყარათუბნელებმა პროტესტი შეწყვიტეს. მათი თქმით, პროცესს ხვალაც დაესწრებიან. იმ შემთხვევაში, თუ სასამართლო სხდომები ისევ გაჭიანურდება, სამი გარდაცვლილი ახალგაზრდის თანასოფლელები უზენაეს სასამართლოში ჩივილით იმუქრებიან. ისინი ასევე, მოითხოვენ, ბრალდებულს სამუდამო პატიმრობა მიესაჯოს. ადიგენის მუნიციპალიტეტის სოფელ ყარათუბნის მოსახლეობამ, ახალციხის რაიონულ სასამართლოსთან პროტესტი მას შემდეგ გამოთქვა, რაც გაირკვა, რომ დავით კუბლაშვილი სხდომაზე არ გამოცხადდა. სამი ახალგაზრდის მკვლელობაში ბრალდებულის სასამართლო პროცესი დღეს, 13:00 საათზე იყო ჩანიშნული. გარდაცვლილების ოჯახის წევრები სასამართლოში მოკლული შვილების ფოტოებით მივიდნენ. პროცესზე იმყოფებოდა შემთხვევით გადარჩენილი ბექა სირბილაძეც. სასამართლო სხდომა 24 თებერვლამდე გადაიდო. შეგახსენებთ, რომ დავით კუბლაშვილმა 28 აგვისტოს ღამეს, შვილთან შელაპარაკების გამო, სამი ახალგაზრდა ვაჟა ნარიმანიშვილი, გიორგი სირბილაძე და ბორის სირბილაძე, ცეცხლსასროლი იარაღით მოკლა.  ბექა სირბილაძე კი ფეხისა და გულ–მკერდის არეში დაჭრა.

ახალციხის მუნიციპალიტეტის გამგეობის კულტურის სამსახურის ორგანიზებით, ადმინისტრაციული შენობის საკონფერენციო დარბაზში ნორჩი პოეტების შემოქმედებითი საღამო გაიმართა.  11 საჯარო სკოლის 19-მა მოსწავლემ საკუთარი ლექსები შეკრებილ  საზოგადოებას წაუკითხა.  ღონისძიების დასასრულს ისინი  გამგეობისგან ფასიანი საჩუქრებით დაჯილდოვდნენ. კულტურის სამსახურის უფროსის თქმით, ახალგაზრდა პოეტების საუკეთესო ლექსები შემდეგში კრებულის სახით გამოიცემა.

ახალციხეში, ე.წ. „თვალის წყალში“  ნაწლავის ჩხირის ჯგუფის ბაქტერიები აღმოჩნდა. ინფორმაციას ,,ახალციხის მომხმარებელთა დახმარების ცენტრი” ავრცელებს. მათი თქმით, მ. იაძის ქუჩაზე არსებული წყარო, რომლითაც მოსახლეობა ყოველდღიურად სარგებლობს, ადგილობრივთა თხოვნით შემოწმდა. აღნიშნულ წყალს მოსახლეობა იმ პერიოდში იყენებს, როცა მუნიციპალური წყალმომარაგების ქსელით წყლის მიწოდება უწყდება. ,,ახალციხის მომხმარებელთა დახმარების ცენტრის”  წარმომადგენლებმა წყლის ნიმუში  2015 წლის 28 იანვარს აიღეს. მათი განმარტებით, ლაბორატორიული შემოწმების შედეგად დადგინდა, რომ წყალი სასმელად უვარგისია.

  ვალის მაცხოვრებელს, ვიტალი წინწკალაძეს დახმარება სჭირდება. 24 წლის ახალგაზრდა მძიმე სენით არის დაავადებული. პირველი ონკოლოგიური ოპერაცია და ქიმიოთერაპიის კურსი მან უკვე ჩაიტარა, თუმცა გამოჯანმრთელებისათვის მას სასწრაფოდ მეორე ოპერაცია ესაჭიროება, რისთვისაც 3000 ევროა აუცილებელი. აღნიშნული ოპერაცია საზღვარგარეთიდან მოწვეულმა მაღალკვალიფიცირებულმა ექიმმა უნდა ჩაატაროს. ვიტალი წინწკალაძის სახელზე გახსნილია საბანკო ანგარიში. დახმარების მსურველებმა თანხა შემდეგ ანგარიშზე უნდა ჩარიცხონ: ანგარიშის მფლობელი(მიმღები): ვიტალი წინწკალაძე ანგარიშის ნომერი: GE33LB0288870150523809 ანგარიშის ვალუტა: GEL / USD / EUR – მულტისავალუტო ანგარიში მფო: 220101476 მიმღები ბანკის დასახელება და მისამართი: ს.ს. “ლიბერთი ბანკი” მიმღები ბანკის SWIFT კოდი: LBRTGE22 ავადმყოფის პირადი ნომერია: 47001037199