,,პირველად ვხედავ ამ ბრძანებებს და არანაირი მონაწილეობა არ მიმიღია მათ შედგენაში“– ასე განაცხადა ავთანდლ თელიაშვილმა  ახალციხის მუნიციპალიტეტის ყოფილი გამგებლის, ბესიკ ბლიაძის სასამართლო პროცესზე დაკითხვისას. გამგეობის იურიდიული სამსახურის ყოფილი უფროსი ამბობს,  რომ მანუჩარ გოგლაურის, მამუკა მესხის, ქეთევან ინასარიძისა და მანანა ბალიაშვილი დროებით მოვალეობის შემსრულებლებად დანიშვნის ანდა თანამდებობაზე ყოფნის ვადის გაგრძელების შესახებ ბრძნებები არ უნახავს. ,,კერძო პირებზე ბრძნებების მომზადებას არასდროს მავალებდნენ, მე მხოლოდ ზოგად პოლიტიკაზე ვიყავი პასუხისმგებელი“–განმარტა თელიაშვილმა. მისივე  თქმით, აღნიშნული დოკუნეტების შედეგნაზე  მას და გამგეობის ადმინისტრაციული სამსახურის მაშინდელ უფროსს,  მაკა სამსონიძეს ერთობლივად არ უმუშავიათ და მას  სამსონიძისთვის ტექსტის ელექტორნულად აკრეფა არ უთხოვია. თუმცა იმავე საქმეზე 7 ივლისს დაიკითხა მაკა სამსონიძე, რომლემაც პროცესზე განაცხადა, რომ თანამშრომელების იგივე ნომრითა და თარიღით დანიშვნის შესახებ  მან და ავთანდილ თელიაშვილმა გამგებლისგან ბრძანება მიიღეს და შეასრულეს. დღევანდელ სასამრთლო პროცესზე დაკითხვისას, ავთანდილ თელიაშვილმა აღნიშნა, რომ იმ პერიოდში მუნიციპალიტეტის ადმინისტრაციული სამსახური და კადრების განყოფილება ერთ ოთახში იყო განთავსებული, სადაც როგორც თანამშრომლეთა პირადი საქმეები, ასევე ბეჭედი ინახებოდა. დღესვე ცნობილი გახდა, რომ გამგეობის ადმინისტრაციული სამსახურის მაშინდელი უფროსის,  მაკა სამსონიძის მიმართ პროკურატურამ განრიდება გამოიყენა. რაც იმას, ნიშნავს, რომ მაკა სამსონიძე თავს დამნაშავედ სცნობს და ინანიებს, შესაბამისად იგი ნასამართლეობისგან თავისუფლდება. დაცვის მხარის ადვოკატები მიიჩნევენ, რომ განრიდების შემთხვევაში, მოწმის სანდოობის საკითხი დგება. დღევანდელ სასამართლო პროცესიდან საქმეში ჩაერთო ადვოკატი ირაკლი ბარძიმაძე. რომლემაც საქმის დეტალებში გარკვევისათვის, ბესიკ ბლიაძის დაკითხვის მომდევნო სხდომისთვის გადადება მოითხოვა. შეგახსენებთ, რომ ბესიკ ბლიაძეს  მიმდინარე წლის 25 მარტს,  გამოძიებამ ბრალი 341–ე მუხლით  წაუყენა , რაც სამსახურეობრივ სიყალბეს გულისხმობს. გამოძიება მას სხვადასხვა პოზიციებზე 3 თვიანი ვადით დანიშნულ  მოვალეობის 4 შემსრულებლის საქმეს ედავება, რომელთაც, ბესიკ ბლიაძის ბრძანების საფუძველზე უფლება მოვალეობის შესრულების ვადა გაუგრძელდათ. 26 მარტს ახალციხის მუნიციპალიტეტის ყოფილ გამგებელს  სასამართლომ  მას გირაოს სახით 4 000 ლარი შეუფარდა და თანამდებობრივი უფლებამოსილება შეუჩერა. ბრალის დამტკიცების შემთხვევაში ბესიკ ბლიაძეს სასჯელის სახით ჯარიმა  ან ,  2–იდან 4 წლამდე თავისუფლების აღკვეთა  ემუქრება.

მოხე მოხე

 სოფელ მოხეში,  სამართალდამცავების მიერ  დაკავებული 14 პიროვნება, ადიგენის პოლიციის შენობაში გადაიყვანეს. საქმის ძიება საქართველოს სისხლის სამართლის კოდექსის, 353–ე მუხლებითა და ადმინისტრაციულ სამართალდარღვევათა კოდექსის 166–ე და 173–ე მუხლებით მიმდინარეობს. „მეცხრე არხი“–ს გადამღები ჯგუფის ინფორმაციით, მუსლიმმა მრევლმა, ორი მიკრო–ავტობუსით სოფელი დატოვა და დაბა ადიგეში გადაინაცვლა. ისინი ადგილობრივების დაკავებას აპროტესტებენ და მუნიციპალიტეტის პოლიციის შენობასთან აქციის გამართვას გეგმავენ. ამ დროისათვის, სოფელ მოხეში სიმშვიდეა, თუმცა ტერიტორიაზე სამართალდამცავები კვლავ მობილიზებულნი არიან. ადგილზე კრიმინალურ პოლიციასაც ელოდებიან. საქართველოს სისხლის სამართლის კოდექსის 353–ე მუხლის მეორე ნაწილი პოლიციის მიმართ წინააღდეგობის გაწევას ჯგუფურად გულისხმობს. რაც შეეხება ადმინისტრაციული კოდექსის 166–ე მუხლს, იგი, თავის მხრივ, წვრილმან ხულიგნობას ითვალისწინებს, ხოლო 173–ე მუხლი პოლიციისათვის წინააღმდეგობის გაწევასა და კანონიერი მოთხოვისადმი დაუმორჩილებლობას.

ახალციხის მუნიციპალიტეტის საკრებულოში რიგით მე–8 საკრებულოს სხდომა გაიმართა. დღის წესრიგით გათვალისწინებული საკითხებზე საკრებულოში შემავალი  30 დეპუტატიდან 28 მათგანმა იმსჯელა. განსახილველ თემებს შორის, 2014 წლის ბიუჯეტში შესული ცვლილებები, სიახლეები სოციალურ დახმარების წესში და ახალი კომისიების ჩამოყალიბება იყო.

21 ოქტომბერს, ახალციხის  სამ სკვერში  გამწვანების აქცია მოეწყო. მე–5 საჯარო სკოლისა და ადიგენის მუნიციპალიტეტის სოფელ ხევაშენის სკოლის მოსწავლეებმა   9 აპრილისა და თამარაშვილის ქუჩებზე მდებარე სკვერებში 35 ნაძვის ნერგი დარგეს. პროექტი ბავშვთა და ახალგაზრდობის  ეროვნული  ცენტრის მიერ ხორციელდება და მის მიზანს, მოზარდებისათვის გარემოსდაცვითი ინფორმაციის მიწოდება წარმოადგენს.

ახალციხის ცენტრალურ ბიბლიოთეკაში თინათინ მღვდლიაშვილის პოეზიის საღამო გაიმართა. პოეტმა, რომელიც ცნობილი ლექსების: „ხმალი ავლესოთ ქართველებო“, „მარტოხელა, მარტოსულო ქალბატონო“, „აღმაშენებელი თბილისს მობრძანდება“, „ქართველები შეარიგე მერაბ“ და სხვა პოეზიის ნიმუშთა ავტორია, საკუთარი შემოქმედება ახალციხელებს გააცნო. დაახლოებით 2 საათიან საღამოს თინათინ მღვდილიაშვილი  თავად გაუძღვა.

ახალციხის მუნიციპალიტეტის გამგეობაში გამართული ყოველკვირეული თათბირი დღეს მედიისათვის დაიხურა. საზოგადოებასთან ურთიერთობის სამსახურის წარმომადგენელმა ,,მე–9 არხის“ გადამღებ ჯგუფს წინასწარ შეუთანხმა, რომ  რამდენიმე კადრის გადაღების შემდეგ დარბაზი  დაეტოვებინა. ჟურნალისტების  გამოსვლილსას კი სათათბირო ოთახის კარი  დაიხურა და ტერიტორიული გაერთიანების რწმუნებულებთან შეხვედრა გაგრძელდა.  ახალი ხელისუფლების მოსვლის შემდეგ ყოველკვირეული თათბირი მედიის წარმომადგენლებისათვის უკვე მეორედ დაიხურა.

       ხევაშენში გარდაცვლილი ახალგაზრდის ოჯახის წევრები მოწმეებს უნდობლობას უცხადებენ. ბესიკ ენდელაძის მამამ 2 მოწმის წინააღმდეგ საჩივარი დღეს ადიგენის რაიონული სამმართველოში შეიტანა. იური ენდელაძე საქმის მწარმოებლის მიმართ უკმაყოფილებას გამოთქვამს და მიიჩნევს, რომ  გამოძიება არასწორად მიმდინარეობს. ,,იმ ღამეს გორგოძე და მსხვილიძე  ჩემს შვილთან ერთად იმყოფებოდნენ და კარგად იციან რაც მოხდა.  მათ წაშალეს კვალი და მოიტყუეს სასამართლოზე, არადა როცა შემთხვევა მოხდა, ევალებოდათ, რომ პოლიციისათვის დროულად მიეწოდებინათ ინფორმაცია. ამ ორმა მოწმემ გაცილებით მეტი იცის და მათი ქმედებიდან დაიწყო გამოძიებისათვის კვალის არევა“– აცხადებს იური ენდელაძე. ბესიკ ენდელაძის მამა გამოძიების თავიდან დაწყებასა და მოწმეების კიდევ ერთხელ დაკითხვას მოითხოვს. მისივე თქმით, მსგავსი საჩივარით მან  ახალციხის რაიონულ სასამართლოს 10 ოქტომბერსაც მიმართა. შეგახსენებთ, რომ ხევაშენში მცხოვრები 24 წლის ახალგაზრდა, ბესიკ  ენდელაძე სახლიდან 2013 წლის 16 დეკემბერს გავიდა. დაახლოებით 22 საათსა და 30 წუთზე იგი  სოფელ ვარხანში, ცენტრალურ გზაზე, სხეულის მძიმე დაზიანებით, უგონო მდგომარეობაში  ნახეს. 47 დღის განმავლობაში ბესო ენდელაძე თბილისში, ღუდუშაურის კლინიკაში კომატოზურ მდგომარეობაში იმყოფებოდა.  ორთვიანი მკურნალობის შემდეგ  2 თებერვალს იგი მენინგიტით გარდაიცვალა. ოჯახის წევრები შემთხვევას განზრახ დაგეგმილ მკვლელობას უკავშირებენ და ბრალს 4 პიროვნებას სდებენ. შსს–ს ინფორმაციით, ბესო ენდელაძის გარდაცვალებაზე საქმე 276–ე მუხლით მიმდინარეობს. რაც ტრანსპორტის მოძრაობის უსაფრთხოების ან ექსპლოატაციის წესის დარღვევას გულისხმობს.  ისჯება თავისუფლების აღკვეთით ვადით 4–დან 7 წლამდე, თანამდებობის დაკავების ან საქმიანობის უფლების ჩამორთმევით ვადით 3 წლამდე. აღნიშნულთან დაკავშირებით, ბოლო სასამართლო პროცესი, ახალციხის რაიონულ სასამრთლოში  7 ნოემბრისთვის არის ჩანიშნული.

 

ახალციხის რაიონულ სასამართლოში, ხევაშენში გარდაცვლილი ბესო ენდელაძის საქმეზე, მტკიცებულებათა არსებითი განხილვა მოხდა. პროკურორმა სადავო მტკიცებულებები წარმოადგინა და სასამართლო სხდომაზე განიხილა, შემდეგ კი დასკვნითი სიტყვა წაიკითხა. კახა ლეკიშვილმა შემაჯამებელ გამოსვლაში აღნიშნა, რომ ვარხანში მომხდარი შემთხვევის დროს ბრალდებული საჭეს არაფხიზელ მდგომარეობაში მართავდა, რის გამოც ბესო ენდელაძემ სიცოცხლისათვის მძიმე დაზიანებები მიიღო.

    სამცხე–ჯავახეთის საოლქო პროკურატურა ნუგზარ სამარჯიშვილის უკანონოდ დაკავების ფაქტზე გამოძიებას არ დაიწყებს– ამის შესახებ, ადვოკატს უწყებიდან წერილობით აცნობეს. 3 ოქტომბრით დათარიღებული ცნობა, მან 5 დღის შემდეგ მიიღო. საქმე 3 აგვისტოს 00:30 საათზე მომხდარ ფაქტს ეხება, რომლის დროსაც ნუგზარ სამარჯიშვილსა და საპატრულო პოლიციის დეპატრამენტის სამცხე–ჯავახეთის მთავრი სამმართველოს თანამშრომლებს შორის შელაპარაკება მოხდა. შემთხვევის გამო, საპატრულო ეკიპაჟმა ადვოკატი დააკავა. საქმეზე სასამართლო პროცესი მეორე დღეს გაიმართა, რომლის დროსაც ნუგზარ სამარჯიშვილი გამართლდა. სასამართლოს გადაწყვეტილება საპატრულო პოლიციის დეპატრამენტმა 9 აგვისტოს სააპელაციო სასამართლოში გაასაჩივრა, თუმცა ადვოკატი მეორე ინსტანციაშიც გამართლდა. ამის შემდეგ, ადვოკატთა ასოციაციის თავმჯომარემ, ზაზა ხატიაშვილმა ნუგზარ სამარჯიშვილის უკანონოდ დაკავების ფაქტზე, განცხადებით საქრთველოს მთავარ პროკურატურას, შსს–ს საპატრულო პოლიციის დეპარტამენტის, სამცხე–ჯავახეთის მთავარი სამმართველოს უფროსის მოადგილის, მერაბ წურწუმიას მიმართ, გამოძიების დაწყების მოთხოვნით მიმართა. თუმცა მთავრმა პროკურტატურამ საქმე სამცხე–ჯავახეთის საოლქო პროკუტარურას გადაუგზავნა.  ,,ორი სასამართლოს გადაწყვეტილებამ, რომლის გასაჩივრებაც შეუძლებელია, პროკურატურა ფაქტის წინაშე დააყენა, რომ გამოძიება უნდა დაეწყოთ, თუმცა, როგორც ჩანს მერაბ წურწუმიას ჰყავს ძალიან სერიოზული მფარველები, ამის ფიქრის საბაბს მაძლევს ის, რომ პროკურატურამ, გამოძიებაზე უარი თქვა, თუმცა მას ამის ვალდებულება და საჭირო დოკუმენტაცია ჰქონდა.“–ამბობს ნუგზარ სამარჯიშვილი. ადვოკატი მიიჩნევს, რომ იგი 3 აგვისტოს უკანონოდ დააკავეს და ერთი ღამის განმავლოაბში დროებითი მოთავსების იზოლატორში, ასევე უკანონოდ იმყოფებოდა.     ,,საქართველოს კონსტიტუციის მიხედვით, ადამიანის თავისუფლების უფლება ყველაზე აღმატებულია, ამიტომ თავისუფლების აღკვეთა, დაკავება გამოიყენება მხოლოდ უკიდურეს შემთხვევაში, სასამართლოს გადაწყვეტილებით კი ჩემი დაკავებაც და სამართალდარღვევაც უკანონო იყო“. –განმარტავს ადვოკატი. ადვოკატის უკანონოდ დაკავების ფაქტი, აგვისტოდან 2 თვის განმავლობაში სხვადასხვა მედია საშუალებებმა გააშუქეს. საბოლოოდ, სატელევიზიო მასალა ეთერში, ცენტრალური არხის მეშვეობით, 5 ოქტომბერს გავიდა. თუმცა ამ დროისათვის, ადვოკატს პროკურატურის წერილის შესახებ ინფორმაცია არ ჰქონდა. 3 ოქტომბრით დათარიღებული წერილი იურისტმა სამცხე–ჯავახეთის საოლქო პროკურატურისგან 8 ოქტომბერს მიიღო: ,,ადვოკატ ნუგზარ სამარჯიშვილის მიმართ შესაძლო კანონდარღვევებზე, გაცნობებთ, რომ მომართვაში მოყვანილი გარემოებები არ შეიცავს საქართველოს სისხლის სამართლის კოდექსით გათვალისწინებულ დანაშაულის ნიშნებს, რის გამოც სისხლის სამართლის საქმეზე გამოძიება არ იქნა დაწყებული“– ნათქვამია წერილში. მას ხელს საგამოძიებო ნაწილის უფროსი გამომძიებელი, ზურაბ სამადაშვილი აწერს. ნუგზარ სამარჯიშვლი მიიჩნევს, რომ აღნიშნული წერილით პროკურატურამ მერაბ წურწუმიას მისცა ლეგიტიმაცია, რითიც მას ნებისმიერი უდანაშაულო პირის დაკავება შეუძლია. ნუგზარ სამარჯიშვილი ამბობს, რომ იგი შემდეგ ნაბიჯს ადვოკატთა ასოციაციის თავმჯდომარესთან ერთად გადადგამს. თაკო ფეიქრიშვილი

        სამცხე-ჯავახეთის რეგიონში, მიმდინარე კონტროლის ღონისძიების შედეგად, საგადასახადო სამართალდარღვევის 53 ფაქტი გამოვლინდა. შემოსავლების სამსახურის ინფორმაციით, ახალციხეში, ახალქალაქში, ნინოწმინდასა და ბორჯომში საკონტროლო შესყიდვისა და სალარო საკონტროლო აპარატის გამოყენების წესების დაცვის კონტროლის პროცედურების მიხედვით, 68 ობიექტი შემოწმდა. კონტროლის ღონისძიებების შედეგად, სამართალდარღვევის 53 ფაქტი დაფიქსირდა. შემოსავლების სამსახურის ინფორმაციით, აქციზური მარკებით სავალდებულო ნიშანდებას დაქვემდებარებული აქციზური საქონლის აქციზური მარკის გარეშე შენახვა/რეალიზაციის ფაქტის გამოვლენის მიზნით, 8 ობიექტი დათვალიერდა, თუმცა სამართალდარღვევა არ დაფიქსირებულა.

1. რწმუნებულებმა სოფლებში არსებული პრობლემები ახალციხის მუნიციპალიტეტის გამგებელთან ერთად განიხილეს; 2. ბესიკ ბლიაძის სასამართლო პროცესი გრძელდება; 3. რაბათის წმინდა სავარდის სახელობის ეკლესიის მრევლი ტაძარის დღესასწაულს ზეიმობს.

დამტვრეული სკამები, დაზიანებული ქვის ფილები და მოუვლელი მწვანე საფარი – ასე გამოიყურება დღეს ახალციხის ცენტალურ პარკი, რომლის რეაბილიტაციისათვის რამდენიმე წლის წინ მთავრობამ კოლოსალური თანხები დახარჯა. ხელისუფლებაში განმარტავენ, რომ სკვერში მოშლილი ინფრასტრუქტურა ახალგაზრდების უდიერი ქცევის შედეგია.

მუსლიმმა მრევლმა სოციალურად დაუცველ მოსახლეობასა და ახალციხის მეშვიდე საჯარო სკოლის აღსაზრდელებს საქონლის ხორცი გადასცა. როგორც სამცხე-ჯავახეთის მუფთი განმარტავს მათი ამ სახით დახმარება ერთ-ერთ ყველაზე დიდ მუსლიმურ დღესასწაულს, ყურბან ბაირამს უკავშირდება.

ფინანსთა მინისტრი ნოდარ ხადური სამცხე-ჯავახეთის მხარეში სახელმწიფო რწმუნებულ – გუბერნატორთან აკაკი მაჭუტაძესთან და ფინანსთა სამინისტროს მომსახურების სააგენტოს გენერალურ დირექტორთან ზურაბ ახალკაციშვილთან ერთად, ახალციხის მუნიციპალიტეტში მცხოვრებ მრავალშვილიან ოჯახებს ესტუმრა. ფინანსთა სამინისტროს მომსახურების სააგენტოს დახმარებით, მათ საჩუქრად შეშა, საკვები პროდუქტები, საყოფაცხოვრებო ნივთები და ტექნიკა გადაეცათ.

საქართველოს ფინანსთა მინისტრი სამცხე-ჯავახეთს ესტუმრა. ნოდარ ხადურმა შემოსავლების სამსახურის უფროსთან, ირაკლი გვარამაძესთან ერთად, საქართველო-თურქეთის საზღვარზე „კარწახის“ საბაჟო-გამშვები პუნქტის მშენებლობის მიმდინარეობას გაეცნო, რომელიც უკვე დასრულების ეტაპზეა.

შპს .,,კეთილმოწყობის“ თანამშროლებს დღეს ახალი უნი  ფორმები გადაეცათ. საწვიმრები, ხელთათმნები და ქურთუკები 61–მა მეეზოვემ და მძღოლმა მიიღო. აღნიშნულისათვის, შპს ,,კეთილმოწყობის“ ბიუჯეტიდან 1900 ლარი გამოიყო. როგორც სამსახურის თანამშრომლები აცხადებენ, დაახლოებით 6 თვეა, რაც ტანსაცმლის განახლება არ მომხდარა.  უნი ფორმების გადაცემისას, დღესვე, მეეზოვეებს ქალაქის მერი შეხვდა. მისი თქმით, ამ დროისათვის, უკვე შეძენილია ერთი ახალი ნაგვის მანქანა, სამომავლოდ კი შპს ,,კეთილმოწყობის“ ინვენტარით გაახლება კვლავ იგეგმება.

2012 წლის 1 ოქტომბერი, თარიღი, როდესაც საპარლამენტო არჩევნები ოპოზიციური ძალის გამარჯვებით დასრულდა. ახალი მმართველი პარტიის მოსვლიდან დღეს ზუსტად ორი წელი გავიდა. ამ ხნის განმავლობაში ქვეყანაში მიმდინარე მოვლენებს  საზოგადოება,არასამთავრობო ორგანიზაციები, უმცირესობისა და უმრავლესობის წევრები აფასებენ.

სოფელ აგარაში საბავშვო ბაღის აღმზრდელების გათავისუფლებას აპროტესტებენ. ამ წუთებში, დაწესებულებასთან ყოფილი მასწავლებლები იკრიბებიან. მათი თქმით, 5 პედაგოგი სკოლამდელი აღზრდის დაწესებულებათა გაერთიანების ახალმა ხელმძღვანელმა, ლელა ოქრომლიძემ მიზეზის აუხსნელად სამსახურიდან გაათავისუფლა,  მათ ნაცვლად კი ,,ქართული ოცნების” აქტივისტები დანიშნა. თანამშრომელთა მტკიცებით, წინასაარჩენო პერიოდში, პედაგოგების მიმართ გათავისუფლების მუქარა ხშირად ისმოდა. გარდა ამისა, შეიცვალა აგარის საბავშვო ბაღის მენეჯერიც. დილიდან შეკრებილი მოსახლეობა სკოლამდელი აღზრდის დაწესებულებათა გაერთიანების ხელმძღვანელთან შეხვედრას ითხოვდა. თუმცა როგორც ,,მე–9 არხისათვის” გახდა ცნობილი, ლელა ოქრომელიძემ მათთან შეხვედრაზე უარი განაცხადა. ვრცლად პედაგოგთა პროიტესტის შესახებ, მოგვიანებით შემოგთავაზებთ.