ახალციხეში ფეხბურთში გამარჯვებას ზეიმობენ. მესხი გულშემატკივარი, რომელიც ისტორიული მატჩის მსვლელობას დიდ ეკრანთან ადევნებდა თვალს, გამარჯვების შემდეგ ქალაქში გამოვიდა და ხმამაღალი შეძახილებითა და მსვლელობით სკანდირებდა.
საქართველოს ნაკრებმა ევრო 2024-ის საკვალიფიკაციო ეტაპის ფინალურ შეხვედრაში საბერძნეთის ეროვნულ ნაკრებს სძლია.
საქართველოს ნაკრებმა 4 პენალტი გაიტანა. მატჩის ძირითადი და სათადარიგო დრო ფრედ, 0:0 დასრულდა. თამაშის ბედი გადაწყვიტა პენალტების სერიამ, რომელშიც ქართველმა ფეხბურთელებმა ანგარიშით 4:3 გაიმარჯვეს. მატჩი „დინამო არენაზე“ მიმდინარეობდა. დიდ ეკრანზე თამაშის ყურება გულშემტკივრებს ახალციხეში, ადიგენსა და ბორჯომში ცენტრალურ პარკში შეეძლოთ. საქართველოს ეროვნულმა საფეხბურთო ნაკრებმა ისტორიაში პირველად მოიპოვა ევროპის ჩემპიონატის საგზური.