ახალციხე–ბორჯომის დამაკავშირებელ გზაზე მოძრაობა ისევ შეფერხებულია. სამაშველო სამსახურის თანამშრომლები, სოფელ აწყურში გზის გათავისუფლებას, დიზელის გადამზიდი ავტომანქანისგან ცდილობენ. შემთხვევა 11 მარტს, 15:40 საათზე მოხდა. საწვავით დატვირთული ,,გალფის“ ავტომანქანა გადაბრუნდა, რის შედეგადაც მძღოლი ადგილზევე გარდაიცვალა. ცხედარი პროზექტურაშია გადასვენებული.
როგორც თვიოთმხილველები ჰყვებიან, ავტომანქანა გადაჭრაბებული სიჩქარით მოძრაობდა, რის გამოც მძღოლმა საჭე ვერ დაიმორჩილა, გადაბრუნდა და სადისტრიბუციო მანქანას დაეჯახა. მიკროავტობუსში მსხდომი პირები არ დაშავებულან. ავტოსაგზაო შემთხვევის შემდეგ, ავზიდან დიზელი გაზაზე გადმოიღვარა.
ადგილზე მობილიზებულია სასწარფო დახმარება, სახანძრო–სამაშველო სამსახური და საპატრულო პოლიციის ეკიპაჟები.
შსს–მ გამოძიება საქართველოს სსკ-ის 276-ე მუხლის მე-5 ნაწილით დაიწყო, რაც ტრანსპორტის უსაფრთხოების ან ექსპლოატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. აღნიშნული ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
