რეგიონი
ვალეში ერთი წლის დამონტაჟებული ტროტუარები დაზიანდა
ახალციხის ქალაქ ვალეში, ტროტუარების მოწყობის სამუშაოები 2018 წელს დასრულდა, თუმცა რკინის კონსტრუქცია უკვე დაზიანებულია. სამუშაოები ადგილობრივ ბიუჯეტს 95 289 ლარი დაუჯდა.

სტალინისა და თამარ მეფის ქუჩებზე საფეხმავლო ბილიკები სულ უფრო მეტ ადგილზე ზიანდება. ვალეში ხარვეზები თავს თანდათან იჩენს.

„შარშან გააკეთეს და ზედ რომ დავდიოდით, მაშინვე ემჩნეოდა რომ კარგი გაკეთებული არ იყო, მოძრაობდა“.

„ამძვრალია დადუღების ადგილები. მხოლოდ სიცხეში კი არა, შარშან ზამთარშიც აძვრა. ახლა მოძრაობაში უფრო აიწია“.

„ტროტუარი, რომელიც დაზიანდა, შარშანდელი გაკეთებულია. მთლიანი, შვიდმეტრიანი „ლისტი“ დადეს და თავიდანვე არ იყო კარგად. წელს რაც გააკეთეს ის კარგადაა. ამჯერად „ლისტები“ 2.5 მეტრად დაჭრეს და მყარადაა“,
- ამბობენ ვალეში.

საფეხმავლო ბილიკების მოსაწყობად ახალციხის გამგეობამ ტენდერი 2017 წლის 22 სექტემბერს გამოაცხადა. ელექტრონული ვაჭრობის შედეგად შპს „საგზაო სამშენებლო სამმართველო №2“ შეირჩა. პროექტი, რომლის ღირებულებაც 95 289 ლარია, 2017-2018 წლებში განხორციელდა. სამუშაოებს ორწლიანი საგარანტიო ვადა აქვს, ეს პერიოდი კი ჯერ არ ამოწურულა. ახალციხის მერი ამბობს, რომ დაზიანებული ტროტუარის შესახებ იცის. თვითმმართველობაში ირწმუნებიან, რომ ხარვეზების არსებობის შესახებ კომპანიასთან შეთანხმებულები არიან.

"მშენებელი გაფრთხილებულია, კომპანია ხარვეზის გამოსწორებაზე, საგარანტიო ვადების ფარგლებში მუშაობს. გასწორდება ყველა წერტილი", - ამბობენ მერიაში.

საფეხმავლო ბილიკების დაზიანების შესახებ "მეცხრე არხისგან" შეიტყო კომპანიის დირექტორმა. ავთო კაჭკაჭაშვილის თქმით, ვალეში ტროტუარები ერთხელ უკვე შეაკეთეს, ახლა კი თვითმმართველობას ხარვეზების გამოსწორების მოთხოვნით, მისთვის არ მიუმართავს.

"ეგ ინფორმაცია არ მაქვს. არც არავის მოუმართავს, რომ დაზიანებებია. სამუშაოების დაწყება ჩემს გარეშე ვერ გადაწყდება. თავიდანვე ვუთხარი გამგეობას, რომ ამ კონსტრუქციაზე, შედუღების ადგილებში სიცხე-სიცივე ძალიან მოქმედებს. მზეში რკინა ფართოვდება, საღამოს კი იკუმშება. ვუთხარი ყველა ვარიანტში გატეხავსთქო, იცოდნენ, მაგრამ ეს იყო მხოლოდ სიტყვიერი საუბარი. თუ პრობლემა რეალურად არის და საგარანტიო ვადა არ ამოწურულა, ხარვეზი აღმოფხვრილი იქნება“, - გვითხრა ავთო კაჭკაჭაშვილმა.

მოსახლეობა საფეხმავლო ბილიკების მოწყობას წლების განმავლობაში ითხოვდა. იმის გამო, რომ დასახლებაში ტროტუარები არ იყო, ადგილობრივებს სიარული სამანქანო გზაზე უწევდათ.
Facebook Twitter
პარტნიორი მედიასაშუალებების მასალები
ამინდი
ახალციხე 10 °C
img
ახალქალაქი 7 °C
img
ასპინძა 10 °C
img
ადიგენი 14 °C
img
ბორჯომი 11 °C
img
თბილისი 14 °C
img
აბასთუმანი 6 °C
img
ბაკურიანი 5 °C
img
ნინოწმინდა 7 °C
img
ვალუტა
EUR
EUR
1
3.2860
RUB
RUB
100
4.6659
TRY
TRY
1
0.5225
USD
USD
1
2.9759
AMD
AMD
1000
6.2519
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.