რეგიონი
ლენინი უკრაინის ავტორი და არქიტექტორია, უკრაინის ნატოში გაწევრიანება უშუალო საფრთხეს წარმოადგენს რუსეთის უსაფრთხოებისთვის - ვლადიმერ პუტინი
რუსეთის პრეზიდენტმა, ვლადიმერ პუტინმა სატელევიზიო გამოსვლაში განაცხადა, რომ თანამედროვე უკრაინა სრულად შექმნა კომუნისტურმა რუსეთმა.
„თანამედროვე უკრაინა სრულად შექმნა რუსეთმა, უფრო სწორედ, ბოლშევიკურმა, კომუნისტურმა რუსეთმა. ეს პროცესი 1917 წლის რევოლუციის შემდეგ დაიწყო. ლენინმა და მისმა თანამებრძოლებმა ეს ძალიან უხეშად გააკეთეს. მათ ეს რუსეთისთვის ისტორიული ტერიტორიების მოწყვეტის ხარჯზე გააკეთეს. ბოლშევიკური პოლიტიკის შედეგად შეიქმნა საბჭოთა უკრაინა, რომელსაც ვლადიმერ ილიას ძე ლენინის სახელობის უკრაინა შეგვიძლია ვუწოდოთ. ის არის უკრაინის ავტორი და არქიტექტორი. ლენინის დირექტივების თანახმად, დონბასი უკრაინის შემადგენლობაში ჩატენეს“, - აღნიშნა რუსეთის პრეზიდენტმა.
ვლადიმერ პუტინმა ისიც აღნიშნა, რომ უკრაინის ნატოში გაწევრიანება უშუალო საფრთხეს წარმოადგენს რუსეთის უსაფრთხოებისთვის, - განაცხადა რუსეთის პრეზიდენტმა, ვლადიმერ პუტინმა.
რუსეთის პრეზიდენტის თქმით, აღმოსავლეთ უკრაინაში აქტიური საომარი მოქმედებები უკრაინას ნატოში გაწევრიანებაში ხელს არ უშლის.
ვლადიმერ პუტინის თქმით, თითოეულ ქვეყანას უფლება აქვს, სამხედრო კავშირები გააფორმოს, თუმცა დაუშვებელია საკუთარი უსაფრთხოების სხვისი უსაფრთხოების ხარჯზე გაძლიერება.
„უკრაინის შეიარაღებული ძალები უკვე ინტეგრირებულია ნატოს სისტემაში, ხოლო ალიანსმა კი უკვე დაიწყო უკრაინის ტერიტორიის ათვისება“, - აღნიშნა მან.
რუსეთის პრეზიდენტმა, 21 თებერვალს, ოკუპირებული დონეცკისა და ლუგანსკის ე.წ. „დამოუკიდებლობა“ აღიარა.
,,რუსეთს სრული უფლება აქვს, უსაფრთხოებისთვის ყველა ზომას მიმართოს, ასეც მოვიქცევით" - თქვა ვლადიმირ პუტინმა სპეციალურ მიმართვაში. მან დღესვე უკრაინის ოკუპირებული ტერიტორიების, დონეცკისა და ლუგანსკის დამოუკიდებლობა აღიარა.
გააზიარეთ :