ტელეკომპანია „მეცხრე არხის“ კორესპონდენტის მიერ მომზადებულმა სიუჟეტმა კონკურსში გაიმარჯვა. ნინო ბერიძე “ნატოსა და ევროკავშირის შესახებ საინფორმაციო ცენტრმა” პროექტის “საქართველოს ევროპული ინტეგრაცია და ასოცირების შეთანხმების მნიშვნელობა ქვეყნის განვითარებისთვის” ფარგლებში დააჯილდოვა. სიუჟეტი ევროკავშირის ბაზარზე პროდუქციის გატანის თაობაზე, მესხი ფერმერების მზადებას შეეხება.

25 ნოებერს wordpress-ზე განთავსებული ქართული საიტების ერთდღიანი დაბლოკვის შემდეგ, მათზე წდომა აღდგენილია, ხოლო ისლამური სახელმწიფოს ქართულ ბლოგი კვლავ დაბლოკილია, თუმცა ის სხვა ქვეყნებიდან ჩვეულებრივად იხსნება.

პროფესიონალი ვიდეოჩამწერები, მიქშერები, სამონტაჟო კომპიუტერი – ტელეკომპანია ,,მე–9 არხმა“ ტექნიკა განაახლა. ციფრულ მაუწყებლობაზე გადასავლასთან დაკავშირებით, ტელევიზია მუშაობას HD ხარისხის თამედროვე აპარატურით განაგრძობს. აღნიშნული ძვირადღირებული ტექნიკა მაუწყებელმა გადაცემა ,,ფერმერის საათის“ პროექტის ფარგლებში შეიძინა.

თბილისის საქალაქო სასამართლოს გადაწყვეტილებას ახალციხეში მოქმედი იურისტები და არასამთავრობო ორგანიზაციები აფასებენ. მოსამართლე თამაზ ურთმელიძის 5 ნოემბრის განჩინებას, მათი უმრავლესობა არაკანონიერად მიიჩნევს, ნაწილს კი მიაჩნია, რომ პროცესი კანონის სრული დაცვით წარიმართა. გადაწყვეტილება ტელეკომპანია რუსთავი ორის ხელმძღვანელი პირების უფლებამოსილების შეჩერებისა და მათ ნაცვლად დროებითი მმართველების დანიშვნასთან დაკავშრებით, ახალციხეში მოქმედი იურისტების უმრავლესობისათვის მიუღებელი აღმოჩნდა.

ტელეკომპანია რუსთავი 2-ის ირგვლივ მიმდინარე მოვლენებს აფასებენ რიგითი ახალციხელები. საქალაქო სასამართლოს მიერ გამოტანილ  გადაწყვეტილებისა და ამ გზით არხის ხელმძღვანელობის შეცვლის მიმართ, ადგილობრივების ნაწილი უარყოფითად არის განწყობილი და ამბობს, რომ აღნიშნული ქვეყნის დემოკრატიას საფრთხეს უქმნის,  ისინი არ გამორიცხავენ, რომ რუსთავი 2-ის შემდეგ, იგივე ბედი, შესაძლოა, სხვა მედიასაშუალებებმაც გაიზიარონ. თუმცა, ადგილობრივების ნაწილს განსხვავებული პოზიცია აქვს.

ზეწოლის შემთხვევები რეგიონულ მედიაზე და „საერთაშორისო გამჭვირვალობა -საქართველოს“ კვლევა, სადაც ხელისუფლების მხრიდან, ჟურნალისტების ხელშეშლის 15-ზე მეტი ფაქტია ასახული. სამსახურეობრივი მოვალეობის შესრულებისას შექმნილ წინააღმდეგობებზე „მეცხრე არხთან“, სამცხე-ჯავახეთში მომუშავე ჟურნალისტებიც საუბრობენ. ტელეკომპანია „მეცხრე არხი“ სამცხე-ჯავახეთში ერთ-ერთი მედიასაშუალებაა, რომელიც ადგილობრივი ხელისუფლების კრიტიკის ობიექტი ხშირად ხდება. საინფორმაციო სამსახურის პროდიუსერი განმარტავს, რომ ბოლო პერიოდში, თანამდებობის პირების მხრიდან, ჟურნალისტებზე  სიტყვიერ და ფიზიკურ  შეურაცხყოფასაც ჰქონდა  ადგილი.  თიკო კურტანიძე  არაერთ შემთხვევას იხსენებს, როდესაც კრიტიკული მასალის ეთერში გასვლის შემდეგ, ხელისუფლების წარმომადგენლები არხის სარედაქციო პოლიტიკაში ჩარევას ცდილობდნენ.

რა არის თქვენთვის საუკეთესო გზა ადგილობრივი ხელისუფლებისა  და მისი საქმიანობის შესახებ ინფორმაციის მისაღებად  – NDI -ის ამ კითხვის საპასუხოდ,  გამოკითხულთა 48%-მა რეგიონული  მაუწყებლები დაასახელა. რეგიონულ მედიისადმი არსებულ ნდობას მოსახლეობა ჩვენს გამოკითხვაშიც ადასტურებს.

,,დამპლებო“, ,,უნამუსოებო“, ,,წაეთრიეთ აქედან“, ,,პროვოკაციას აგდებთ“– ამ სიტყვებით ახალციხის მერიის ინფრასტრუქტურის სამსახურის თანამშრომელმა ალექსანდრე ჭაღიაშვილმა ჟურნალისტებს მიმართა. მისი გაღიზიანება იმ ფაქტმა გამოიწვია, რომ ტელეკომპანია ,,მე–9 არხისა“ და  გაზეთ „სამხრეთის კარიბჭეს“ კორესპონდენტები ახალციხელის ქუჩაზე გაჩენილ ხანძარს აშუქებდნენ. საჯარო მოხელე ხელით შეეხო ჟურნალისტებს და მათგან ადგილის დატოვება მოითხოვა. მისი თქმით, მედიის წარმომადგენლებს არ ქონდათ უფლება კითხვები თავად დაზარალებული მოხუცისათვის დაესვათ. ,,თქვენ გაქვთ სინდისი რომ ეკითხებით ცეცხლი საიდან გაჩნდაო? რა იცის საიდან გაჩნდა“ – ყვიროდა ალექსანდრე ჭაღიაშვილი. ,,მე–9არხის“ ინფორმაციით, აღნიშნული პიროვნება დაზარალებული მიშა მამუკაშვილის სიძეა. ჟურნალისტის შენიშვნაზე, რომ იგი მედიის წარმომადგენლებს მუშაობაში ხელს უშლიდა, ჭაღიაშვილმა ასე უპასუხა: ,,თქვენ მერე დაგელაპარაკებით!“. ხანძარი ახალციხეში, 9 ოქტომბერს 20:00 საათზე გაჩნდა. ახალციხელის ქუჩის #15–ში საცხოვრებელი სახლის სათავსო დაიწვა.

“გასაოცარი დემოკრატიის მეოთხე წელი, რომელიც ბიძინა ივანიშვილის დაპირებით უნდა ყოფილიყო საუკეთესო, ხელისუფლებამ დაიწყო სამარცხვინო ნაბიჯით – მან თავისი გადაწყვეტილებით “რუსთავი 2” დახურა.– ეს განცხადება დღეს არხის გენერალურმა დირექტორმა ნიკა გვარამიამ სპეციალურა გამართულ პრესკონფერენციაზე გააკეთა. მისი თქმით, ტელეკომპანია, გამოუვალი მდგომარეობის გამო, წილის გასხვისებით ექვს მილიონ დოლარიანი ინვესტიციის მოზიდვას გეგმავდა, პროცესი კანონის სრული დაცვით მიმდინარეობდა და წილის ყიდვას კეზერაშვილის ნათესავი მართლაც აპირებდა, თუმცა ტელეკომპანიას ამის საშუალება კონკრეტული მიზნების გამო შეუზღუდეს. რუსთვი 2 –თან დაკავშირებით მიმდინარე მოვლენებს აფასებენ ახალციხეში მაცხოვრებლები. ადგილობრივთა უმრავლესობა მიიჩნევს, რომ ხელისუფლება  ტელეკომპანიაზე ზეწოპლას ახდენს, რასაც მათი აზრით დაყადარებული ქონება და სხვადასხვა ქალაქებში არხის მიერ ორგანიზებული ფესტივალისათვის ხელის შეშლის მცდელობები მეტყველებს. ნაწილი კი აღნიშნულს პოლიტიკურ სვლას უწოდებს და ამბობს, რომ არხზე შეზღუდვები არ ხორციელდება.

სამცხე–ჯავახეთი ციფრულ მაუწყებლობაზე გადადის. 18 აგვისტოს, 10:00 საათზე ანალოგური მიწისზედა საეთერო სიგნალი გაითიშება და მოსახლეობა მხოლოდ ციფრული სიგნალის მიღებას შეძლებს. რეფორმის შესახებ დღეს ახალციხესა და ბორჯომში,  ადგილობრივი ხელისუფლების წარმომადგენლებთან და მოსახლეობასთან საინფორმაციო სახის შეხვედრა გაიმართა.

სამცხე–ჯავახეთი ციფრულ მაუწყებლობაზე 2015 წლის 18 აგვისტოს გადადის. ამასთან დაკავშირებით, რეგიონში მოსახლეობასთან შეხვედრა გაიმართება. 17 აგვისტოს 13:00 საათზე სამხარეო ადმინისტრაციის სააქტო დარბაზში ადგილობრივებს, ეკონომიკის სამინისტროს, სსიპ „საქართველოს ციფრული მაუწყებლობის სააგენტოს“, შპს „საქართველოს ტელერადიო ცენტრის,“ ასევე, საქართველოს კომუნიკაციების ეროვნული კომისიისა და ინფორმაციის თავისუფლების განვითარების ინსტიტუტის წარმომადგენლები შეხვდებიან. ამავე დღეს 15:00 საათზე შეხვედრა გაიმართება ბორჯომში, გამგეობის სააქტო დარბაზში. რეფორმის პროცესში ჩართული მხარეები ადგილობრივ მოსახლეობას ციფრულ მიწისზედა მაუწყებლობაზე გადასვლასთან დაკავშირებით დეტალურ ინფორმაციას კონკრეტულ რეგიონში ანალოგური სიგნალის გათიშვამდე რამდენიმე დღით ადრე აცნობენ. შეგახსენებთ, რომ ციფრული მაუწყებლობის მისაღებად მოსახლეობას დასჭირდება DVB-T2 სტანდარტის მხარდაჭერის მქონე სეთ-თოფ ბოქსი ან ტელევიზორი. ასევე, სიგნალის გარანტირებულად მისაღებად საჭიროა შენობის სახურავზე დამონტაჟებული მეტრულ-დეციმეტრული ანტენა. თუმცა, ცალკეულ შემთხვევებში შესაძლებელია, სატელევიზიო ანძისკენ მიმართული ოთახის ანტენის გამოყენებაც. მოსახლეობის მხარდასაჭერად, საქართველოს ეკონომიკისა და მდგრადი განვითარების სამინისტრომ საბანკო სექტორთან მოლაპარაკების შედეგად, მიაღწია შეთანხმებას, რის შედეგადაც უკვე შემუშავდა და ამოქმედდა სეთ-თოფ ბოქსების განვადებით შესყიდვის შეღავათიანი პირობები. მთავრობამ ასევე შეიმუშავა სუბსიდირება, რომლის ფარგლებში სოციალურად დაუცველ ოჯახებს (70 000 და ნაკლები სარეიტინგოქულით) ციფრული სიგნალის მიმღები აპარატურა უფასოდ გადაეცათ. საქართველოს მასშტაბით, ანალოგური მიწისზედა საეთერო სიგნალის გათიშვა 25 აგვისტოს დასრულდება.

ადიგენის მუნიციპალიტეტისა და ,,ეტალონ–მედიას“ შესახებ ,,მე–9 არხში“ გასულ მასალას, საინფორმაციო სააგენტო ეხმაურება. ,,ეტალონის“ პროექტების მთავარი მენეჯერის, მანანა ღოღობერიძის თქმით, ადიგენის საკრებულოს დეპუტატმა თემურ ფეიქრიშვილმა მათ ბრალი დასდო, რომ სარეკლამო მომსახურებაში კოლოსალური თანხა აიღეს.მისივე თქმით, თანხა ყოველთვიურად 100 ლარს შეადგენს და ეს მუნციპალიტეტის მიერ განხორციელებული სამუშოების წარმოსაჩენად მნიშვნელოვანია. გარდა ამისა, ეტალონ–მედიას წარმომადგენელი ,,მედიის განვითარების ფონდის“ კვლევის შედეგს ეჭვქვეშ აყენებს და ამბობს, რომ ადიგენის მუნიციპალიტეტისაგან გადაცემის ჩაწერისათვის მიღებული თანხა, 2960 ლარის ოდენობით ტელეკომპანია ,,ობიექტივის“ ბიუჯეტში არ შესულა და იგი მხოლოდ გადაცემის ჩაწერისათვის ტექნიკური მხარის უზრუნველყოფას მოხმარდა. რასაც არ ეთანხმება MDF-ს მედიამკვლევარი. გელა ბოჩიკაშვილი აღნიშნავს, რომ კვლევა ზუსტია და ტელეკომპანია ,,ობიექტივისათვის” თანხის გადარიცხვა ირიბად ხდება. ტელეკომპანია ,,მე–9 არხი“ თემით მას შემდეგ დაინტერესდა, როცა ადიგენის საკრებულოს სხომაზე, სარეკლამო თანხის არამიზნობრივი ხარჯვა დეპუტატმა თემურ ფეიქრიშვილმა გააპროტესტა, რასაც თან დაერთო ,,მედიის განვითარების ფონდის“ მიერ გამოქვეყნებული კვლევა. სიუჟეტი MDF -ს კვლევის დოკუმენტის, ასევე ეტალონსა და ადიგენის მუნციპალიტეტებს შორის გაფორმებული ხელშეკრულების საფუძველზე მომზადდა. გარდა ამისა, საკრებულოს დეპუტატის ბრალდებებს ადგილობრივი თვითმმართველობის წარმომადგენელმა სიუჟეტში მოცემულ მონაცემებს რეიტინგთან დაკავშირებით პასუხი გასცა. შესაბამისად, სატელევიზიო მასალა ბალანსსა და რეალობას მოკლებული არ არის.

ადიგენის მუნიციპალიტეტისა და ,,ეტალონ–მედიას“ შესახებ ,,მე–9 არხში“ გასულ მასალას, საინფორმაციო სააგენტო ეხმაურება. ,,ეტალონის“ პროექტების მთავარი მენეჯერის, მანანა ღოღობერიძის თქმით, ადიგენის საკრებულოს დეპუტატმა თემურ ფეიქრიშვილმა მათ ბრალი დასდო, რომ სარეკლამო მომსახურებაში კოლოსალური თანხა აიღეს.მისივე თქმით, თანხა ყოველთვიურად 100 ლარს შეადგენს და ეს მუნციპალიტეტის მიერ განხორციელებული სამუშოების წარმოსაჩენად მნიშვნელოვანია. გარდა ამისა, ეტალონ–მედიას წარმომადგენელი ,,მედიის განვითარების ფონდის“ კვლევის შედეგს ეჭვქვეშ აყენებს და ამბობს, რომ ადიგენის მუნიციპალიტეტისაგან გადაცემის ჩაწერისათვის მიღებული თანხა, 2960 ლარის ოდენობით ტელეკომპანია ,,ობიექტივის“ ბიუჯეტში არ შესულა და იგი  მხოლოდ გადაცემის ჩაწერისათვის ტექნიკური მხარის უზრუნველყოფას მოხმარდა. რასაც არ ეთანხმება  MDF-ს მედიამკვლევარი. გელა ბოჩიკაშვილი აღნიშნავს, რომ კვლევა ზუსტია და   ტელეკომპანია ,,ობიექტივისათვის” თანხის გადარიცხვა ირიბად ხდება. ტელეკომპანია ,,მე–9 არხი“ თემით მას შემდეგ დაინტერესდა, როცა ადიგენის საკრებულოს სხომაზე, სარეკლამო თანხის არამიზნობრივი ხარჯვა  დეპუტატმა თემურ ფეიქრიშვილმა გააპროტესტა, რასაც თან დაერთო ,,მედიის განვითარების ფონდის“ მიერ გამოქვეყნებული კვლევა.  სიუჟეტი MDF -ს კვლევის დოკუმენტის, ასევე  ეტალონსა და ადიგენის მუნციპალიტეტებს შორის გაფორმებული ხელშეკრულების საფუძველზე მომზადდა. გარდა ამისა, საკრებულოს დეპუტატის ბრალდებებს ადგილობრივი თვითმმართველობის წარმომადგენელმა სიუჟეტში მოცემულ მონაცემებს რეიტინგთან დაკავშირებით პასუხი გასცა. შესაბამისად, სატელევიზიო მასალა ბალანსსა და რეალობას  მოკლებული არ არის.

საქართველო ციფრულ მაუწყებლობაზე პირველი ივლისიდან გადადის.  მიწისზედა ანალოგური საეთერო სატელევიზიო გადამცემი სადგურები დედაქალაქის შემდეგ ქვეყნის მთელ ტერიტორიაზე ეტაპობრივად, ექვსი კვირის განმავლობაში გაითიშება. ანალოგიური სატელევიზო გადამცემი სადგურების გათიშვის გრაფიკი კი შემდეგია: 2015 წლის 9 ივლისს 10:00 საათზე _ გორში, ბეკამში, დუშეთში, ხაშურში მოქმედი მიწისზედა ანალოგური საეთერო სატელევიზიო გადამცემი სადგურები გაითიშება; 2015 წლის 18 ივლისს 10:00 საათზე _ ქუთაისში, ტყიბულში, ცაგერში, ფოთში, ჩოხატაურში, ოზურგეთში, ზესტაფონში, მარტვილში, სამტრედიაში, ხონში, სენაკში; 2015 წლის 30 ივლისს 10:00 საათზე _ ბათუმში, ხულოში, ქედაში და შუახევში; 2015 წლის 6 აგვისტოს 10:00 საათზე _ ზუგდიდში, წალენჯიხაში, ჩხოროწყუში და ჯვარში. 2015 წლის 18 აგვისტოს 10:00 საათზე _ ბორჯომში, ბაკურიანში, აბასთუმანში, ახალციხეში, ასპინძაში, ახალქალაქში და ნინოწმინდაში; 2015 წლის 25 აგვისტოს _ 10:00 საათზე დმანისში, ბოლნისში, წალკაში, ყაზბეგში, თიანეთში, ონში, ამბროლურში, ლენტეხში, მესტიაში, ჭიათურაში და საჩხერეში. კომუნიკაციების ეროვნული კომისიის ინფორმაციით,  ტელემაუწყებლობის გავრცელებისა და მიღების რეჟიმი, რომელიც დღეს მოქმედებს, არსებითად იცვლება. ციფრულ მაუწყებლობაზე გადასვლის რეფორმა მოსახლეობის იმ კატეგორიას ეხება, რომელიც მაუწყებლობას ღია ეთერით ე.წ. სახლის სახურავზე დამონტაჟებული ანტენით იღებს და მის ტელევიზორს DVB-T2 სტანდარტის მხარდაჭერა არ აქვს. საზოგადოების ამ ნაწილს ციფრულ ფორმატში ღია სიგნალის მისაღებად სპეციალური მოწყობილობა – სეტ-ტოპ-ბოქსი დასჭირდება. სეტ-ტოპ-ბოქსი უერთდება ძველ ტელევიზორებსაც. ულტრათანამედროვე ტელევიზორებს ციფრული სიგნალის მისაღებად სპეციალური მოწყობილობა უკვე ჩამონტაჟებული აქვს. მოსახლეობის ის ნაწილი კი, რომელიც მაუწყებლობის ტრანზიტის (საკაბელო ოპერატორის) მომსახურებით სარგებლობს, ან თანამგზავრულ მაუწყებლობას სპეციალური მოწყობილობების საშუალებით იღებს, რეფორმა არ ეხება და მათ სეტ-ტოპ-ბოქსი არ დასჭირდება, თუ ტელემაუწყებლობის ღია ეთერით მიღება არ ენდომებათ. როგორც კომისიაში განმარტავენ, სახელმწიფომ სოციალურად დაუცველი ოჯახებისთვის სეტ-ტოპ-ბოქსები უკვე შეიძინა და ყველა სოციალურად დაუცველის სტატუსის მქონე პირი, რომელსაც 70 000 და ნაკლები სარეიტინგო ქულა აქვს მინიჭებული, მის კუთვნილ სეტ-ტოპ-ბოქს რეგისტრაციის მისამართის მიხედვით, “საქართველოს ფოსტის” შესაბამის სერვის ცენტრში პირადობის დამადასტურებელი საბუთის წარდგენის შემდეგ მიიღებს. მოსახლეობის იმ ნაწილმა კი, რომელიც მაუწყებლობას ღია ეთერით, სახლის სახურავზე დამონტაჟებული ანტენით იღებს და არ წარმოადგენს სოციალურად დაუცველთა კატეგორიას და ასევე, არ აქვს DVB-T2 სტანდარტის სიგნალის მიმღები ტელევიზორი, სეტ-ტოპ-ბოქსი უნდა შეიძინოს, რომელიც საყოფაცხოვრებო ტექნიკის მაღაზიებში იყიდება.

13 ივნისს, თბილისში მომხდარი სტიქიის შესახებ ამბებს აქტიურად აშუქებდნენ, როგორც ცენტრალური არხები, ასევე რეგიონული  და მსოფლიო მედიასაშუალებები. საზოგადოების ერთ–ერთი ყველაზე  მთავარი და მნიშვნელოვანი წყარო ჟურნალისტები იყვნენ.

საქრთველო ციფრულ მაუწყებლობაზე 17 ივნისიდან აღარ გადავა. აღნიშნულის შესახებ ეკონომიკის მინისტრმა განაცხადა. ვადის გადაწევის მიზეზი, დედაქალაქში მომხდარი სტიქიური მოვლენა გახდა. დადგენილ ვადებში ციფრულ მაუწყებლობაზე გადასვლისათვის ემზადება ტელეკომპანია „მეცხრე არხიც“. ტელეკომპანია „მეცხრე არხი“ ანალოგურიდან ციფრულ მაუწყებლობაზე გადასვლისათვის მზად არის. არხის გენერალური დირექტორის განმარტებით,  ტელევიზიები ახალ მაუწყებლობაზე, ეტაპობრივად  გადავლენ.  პროცესი, იმ გრაფიკით წარიმართება, რომელსაც ეკონომიკის სამინისტრო,  ციფრულ სააგენტოსთან ერთად და რეგიონულ მაუწყებელთა ასოციაციასთან შეთანხმებით  შეადგენს.

შინაგან საქმეთა სამინისტროს „112“-ის დეპარტამენტმა 2015 წლის 27-28 მაისს, ქალაქ თბილისში, სასტუმრო „ჰოლიდეი ინნში“ მედიატური გამართა. მედიატურში მონაწილეობა საქართველოს რეგიონალური მედიის 20-ზე მეტმა წარმომადგენელმა მიიღო. „112“-ის მიერ მედიატურის ჩატარების მიზანი იყო მედიის წარმომადგენლებს მაქსიმალური ინფორმაცია ჰქონოდათ გადაუდებელი დახმარების უნიკალური ნომრის შესახებ და „112“-ის წარმომადგენლებისაგან დასრულებული, მიმდინარე თუ სამომავლო პროექტების შესახებ, დეტალური ინფორმაცია მიეღოთ. მედიატურის ფარგლებში რეგიონალური მედიის წარმომადგენლები „112“-ის მუშაობის სპეციფიკას გაეცნენ, გაიგეს თუ რა სიახლე დანერგა „112“-მა იმისათვის, რომ ყრუ და სმენადაქვეითებულ პირებს შეეძლოთ გადაუდებელი დახმარების ნომერთან დამოუკიდებლად წვდომა. ასევე შეიტყვეს, რა ღონისძიებები ჩატარდა „112“-ის ცნობადობის გაზრდისა და მოქალაქეთათვის უკეთესი სერვისის შეთავაზების კუთხით. დეტალურად განიხილეს თუ რა ცვლილებები შევიდა კანონში და რა კუთხით გამკაცრდა სასჯელი არამიზნობრივი და ცრუ ზარის განხორციელების შემთხვევაში. მედიატურის მეორე დღეს ჟურნალისტები „112“-ს ესტუმრნენ, ქოლ-ცენტრი დაათვალიერეს, ადგილზე გაეცნენ ოპერატორების მუშაობის სპეციფიკას და ზარის მიღებისა და შეტყობინების დამუშავების პროცესს დააკვირდნენ. შეხვედრის დასასრულს, შინაგან საქმეთა სამინისტროს საზოგადოებასთან ურთიერთობის დეპარტამენტის დირექტორმა ნინო გიორგობიანმა და შსს-ს „112“-ის დეპარტამენტის დირექტორის მოადგილე თეა გზირიშვილმა „112“-ის მიერ ორგანიზებული მედიატურის ყველა მონაწილეს სერტიფიკატები გადასცეს.

ადგილობრივი ხელისუფლებისა და მასმედიის ურთიერთობას საკრებულოს სხდომაზე  დეპუტატები განიხილავენ. მერიის მაღალი თანამდებობის პირები რეგიონში მოქმედ მედიას  სარედაქციო პოლიტიკას უწუნებენ და ურთიერთობის საკუთარ პირობებს უწესებენ. ახალციხის მერიიდან და საკრებულოდან საჯარო ინფორმაციის გამოთხოვაში ფულს როგორც ჟურნალისტები, ასევე რიგითი მოქალაქეებიც გადაიხდიან. დეპუტატების უმრავლესობამ ამ ინიციატივას მხარი დაუჭირა. აღნიშნული გადაწყვეტილებით, თუ გამოთხოვილი ინფორმაცია 40 გვერდს აღემატება, მაშინ განმცხადებელს თითო ფურცელში 5 თეთრის გადახდა მოუწევს.

ახალციხის დემოკრატიული ჩართულობის ცენტრში ახალი ვებ-პორტალის პრეზენტაცია გაიმართა. ShenMarTav.ge – არის დამოუკიდებელი ინტერნეტ საიტი, რომელიც მოქალაქეთა გააქტიურების მიზნით შეიქმნა.  მომხმარებლებს საშუალება აქვთ ოთხი თვითმმართველი ერთეულის: ახალციხის, გორის, ბათუმისა და რუსთავის მუნიციპალური საკრებულოების საქმიანობას დააკვირდნენ.  ვებ–გვერდზე განთავსებულია მუნიციპალიტეტებში მიმდინარე სიახლეები,  ინფორმაცია წარმომადგენლობითი და საკანონმდებლო ორგანოების წევრების შესახებ, დეპუტატების სხდომებზე დასწრების სიხშირე და სხვა. პორტალი ვიზიტორს, ასევე, საშუალებას აძლევს  საკრებულოსა და პარლამენტის წევრებს კითხვები ონლაინ რეჟიმში დაუსვას და  შესაბამისი პირისგან პასუხიც მიიღოს.

საქართველო 2015 წლის 17 ივნისიდან ციფრულ მაუწყებლობაზე გადადის. პროცესში ქვეყანა ერთი წელია ჩაერთო. აღნიშნულისთვის განსაკუთრებულად ემზადებიან ტელეკომპანიები. თვეზე ნაკლები რჩება იმ  დრომდე, როდესაც საქართველო ანალოგური სიხშირიდან  ციფრულ მაუწყებლობაზე გადავა. მოსახლეობის ნაწილმა პროცესისთვის მზადება  უკვე დაიწყო და ტექნიკის მაღაზიებს მიმართა,  ნაწილი კი  აღნიშნულის შესახებ ინფორმაციას ამ დრომდე არ ფლობს.