დაავადებათა კონტროლის ეროვნულმა ცენტრმა, ბაქტერიოლოგიური კვლევა დაასრულა. ახალციხის საზოგადოებრივი ჯანდაცვის ცენტრში ვარაუდობენ, რომ რამდენიმე დღის წინ გამოვლენილი ნაწლავური ინფექციის შემთხვევები, სავარაუდოდ, ნოროვირუსული ინფექციის ეპიდაფეთქება იყო. რამდენიმე სახის ანალიზი სკოლამდელი ასაკის პაციენტების  30–ზე მეტ ბავშვს აუღეს. კვლევის შედეგად, პათოგენური ბაქტერიები არ გამოვლენილა. ჯანდაცვის ცენტრში ვარაუდობენ, რომ ინფექცია ბაგა–ბაღის აღსაზრდელებში, საყოფაცხოვრებო გზით გავრცელდა. ბავშვების დაავადებას კვებით ან წყლით, სპეციალისტები  გამორიცხავენ. ამ დროისთვის, ახალციხის რეფერალური საავადმყოფოს ინფექციურ განყოფილებაში, ნაწლავური ინფექციის დიაგნოზით არც ერთი ბავშვი აღარ იმყოფება. შეგახსენებთ, რომ ახალციხის რეფერალური საავადმყოფოს ინფექციური განყოფილებაში დაახლოებით, ერთი კვირის განმავლობში, პალატებში ადგილი აღარ  იყო. ამიტომ სამედიცინო დაწესებულებაში, ნაწლავური ინფექციის დიაგნოზით მოთავსებულ ბავშვებს, მკურნალობას დერეფანში უტარებდენ. პაციენტები, ძირითადად 3–დან 6 წლამდე ასაკის ბავშვები იყვნენ. რუსუდან გვარამაძე

ექვს აპრილს, დაახლოებით, ღამის 12 საათზე, ახალციხის რაიონულ სამმართველოში რამდენიმე ათეული ქალი მიიყვანეს. თვითმხილველების თქმით, ძალოვან უწყებაში ქალებთან ერთად, მცირე სასტუმროს მეპატრონეებიც იმყოფებოდნენ. ქალებმა, ახალციხის რაიონული სამმართველოს შენობა, რამდენიმე საათის განმავლობაში, პერიოდულად დატოვეს. შსს–ს საზოგადოებასთან ურთიერთობის სამსახურში ამბობენ, რომ სამმართველოში შეყვანილი ქალებიდან, ათი მათგანი პოლიციელებისთვის წინააღმდეგობის გაწევისთვის, ადმინისტრაციულ სამართალდარღვევათა კოდექსის 173–ე მუხლით დააკავეს.

ადგილობრივი ბაზრების კონტროლი და მასთან დაკავშირებული პრობლემები – ახალციხეში მცხოვრები ფერმერები და მცირე მეწარმეები რეალიზაციის პირობებზე საუბრობენ.  კონტროლდება თუ არა ადგილობრივი ბაზრები, ვის მიერ და როგორ? – თემით “მეცხრე არხი” დაინტერესდა.   სოფელ მინაძეში მცხოვრები გიორგი ზედგინიძე ახალციხის ცენტრალურ ბაზარს კვირაში ორჯერ სტუმრობს და ბოსტნეულს აბარებს.  ამბობს, რომ მის სათბურში მოყვანილი პროდუქტი ეკოლოგიურად უსაფრთხოა, რადგან პრეპარატებსა და ქიმიურ დანამატებს იშვიათად აძლევს. სარეველების სააწინააღმდეგო ჰერბიციდს კი საერთოდ არ იყენებს, რადგან მიაჩნია, რომ ამ პროცედურის შემდეგ ნიადაგი ზიანდება და რამდენიმე მოსავლის მოყვანა რთულდება. ამიტომ ურჩევნია ერთ ჰექტრამდე ტერიტორია სარეველებისგან ხელით გამარგლოს. შესაბამისად მოწეული პროდუქტიდან მოგებაც ბევრად მეტი რჩება. ერთ მოსავალში დაახლოებით, სამიათას ლარამდე თანხას იღებს, აქედან მისი დანახარჯი ათას ლარს არ აღემატება.

„ოჯახში ძალადობის შემთხვევაში სახელმწიფოს ჩარევა გამართლებულია“ – თემაზე დღეს, 4 აპრილს კარლ პოპერის სტილის დებატატების რეგიონული ჩემპიონატის ფინალი გაიმართა. მასში მონაწილეობა ახალციხისა და ადიგენის სასკოლო კლუბების მოსწავლეებმა მიიღეს. დებატების ორგანიზატორის ნინო ლომიძის თქმით,  შეჯიბრი 3 აპრილს დაიწყო. მასში თავდაპირველად 6 გუნდი ჩაერთო.

ხმაური ახალციხის მუნიციპალიტეტის საკრებულოს სხდომაზე სოფლის მხარდაჭერის პროგრამის ფარგლებში დაგეგმილი პროექტების გაცნობას მოჰყვა. დეპუტატთა ნაწილი ირწმუნება, რომ სოფლებში პრობლემები მხოლოდ აღნიშნული პროგრამით გვარდება და ადგილობრივი ხელისუფლება სხვა თანხებს ტერიტორიული ერთეულებისთვის არ ხარჯავს. 31 მარტის საკრებულო სხდომაზე ოპოზიციური პარტიის წარმომადგენლის პროტესტი მოჰყვა სოფლის მხარდაჭერის პროგრამის ფარგლებში პრიორიტეტების შერჩევისთვის ჩატარებულ შეხვედრებს. მაკა სუდაძის თქმით, ტერიტორიულ ერთეულებში კანონით გათვალისწინებული კრებები არ ჩატარებულა და შერჩეული პროექტები რეალურად გამგეობის წარმომადგენლებისა და ადგილობრივი ხელისუფლების ინტერესებზეა მორგებული.

,,იძულებით დაწყებული ბედნიერება“ – რეგიონის მასშტაბით, აქტიურმა ქალებმა, ოჯახში ძალადობასა და იძულებით ქორწინებაზე იმსჯელეს. დასკვნითი შეხვედრა არასამთავრობო ორგანიზაცია ,,დემოკრატ ქალთა საზოგადოების“ ორგანიზებით გაიმართა. მომხსენებლები იურისტი, ფსიქოლოგი, გინეკოლოგი, სამოქალაქო განათლების პედაგოგი და არასამთავრობო ორგანიზაციის წარმომადგენლები იყვნენ. შეხვედრის მიზანი ნაადრევი ქორწინების შედეგების შესახებ, საზოგადოებამდე ინფორმაციის მიტანა იყო. ,,დემოკრატ ქალთა საზოგადოების“ წარმომადგენლებმა, რეგიონში, ამ მხრივ არსებულ მდგომარეობას საგანგაშო უწოდეს. ისინი სახალხო დამცველის კვლევის შედეგებსაც შეეხნენ, რომლის მიხედვითაც, ოჯახში ძალადობის შემთხვევების გამოვლენის მხრივ, სამცხე–ჯავახეთი პირველ ადგილზეა.

20-23 მარტს, ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის, საქართველოში ნატოს სამეკავშირეო ოფისისა და ნატოს სახალხო დიპლომატიის განყოფილების ორგანიზებით, საქართველოს ყველა რეგიონის, ასევე, აჭარის ავტონომიური რესპუბლიკის ადგილობრივი თვითმმართველობების წარმომადგენლებისათვის ბელგიაში, ქალაქ ბრიუსელში ვიზიტი შედგა. სამუშაო შეხვედრას ახალციხიდან, ქალაქის მერის მოადგილე ზაზა გელაძე და სამცხე–ჯავახეთის სამხარეო ადმინისტრაციის წარმომადგენელი გიორგი მიქელაძე დაესწრნენ. მერიის ადმინისტრაციის ინფორმაციით, ვიზიტის ფარგლებში, ნატოს შტაბ-ბინაში, შეხვედრები გაიმართა ნატოს გენერალური მდივნის სპეციალურ წარმომადგენელთან კავკასიასა და ცენტრალურ აზიაში ჯეიმს აპატურაისთან. შეხვედრებზე საქართველოს ევროატლანტიკურ სტრუქტურებში ინტეგრაციის მიმართულებით მიმდინარე რეფორმები, არსებული ვითარება და პერსპექტივები, ასევე, მოსახლეობის ინფორმირების კუთხით სტრატეგიული კომუნიკაციის მხრივ მიმდინარე და დაგეგმილი ღონისძიებები განიხილეს.

“ფერმერის საათი” ამჯერად სოფელ სხვილისს სტუმრობს, სადაც მოსახლეობის ძირითადი ნაწილი მიწათმოქმედებას მისდევს.

პოლიტიკური გაერთიანება “თავისუფალი დემოკრატები” ახალციხეში შეხვედრას გამართავს. მოსახლეობას ირაკლი ალასანია, საპარლამენტო ფრაქციის წევრები და სხვა ლიდერები შეხვდებიან. შეხვედრა დემოკრატიული ჩართულობის ცენტრში 30 მარტს, 16:00 საათზეა დაგეგმილი. დასწრება ნებისმიერ მსურველს შეუძლია.

ახალციხის საკრებულომ ქალაქის სიმბოლოები დაამტკიცა. ახალი გერბისა და დროშის ავტორი სამხატვრო სკოლის დირექტორი ნანა ნათენაძეა. ჰერალდიკის საბჭომ უპირატესობა სწორედ მის ნამუშევარს მიანიჭა და პროექტის საბოლოო დახვეწაში დაეხმარა. შეგახსენებთ, რომ ქალაქის ჰერალდიკის კომისიამ, სიმბოლოების შესარჩევად კონკურსი სამჯერ გამოაცხადა. იმის გამო, რომ წარმოდგენილმა ესკიზებმა შესაბამისი კრიტერიუმები ვერ დააკამყოფილა, პირველი ორი კონკურსი ჩაიშალა. ქალაქ ახალციხის საკრებულოს რიგით მეოთხე სხდომაზე, სიმბოლოების დამტკიცების გარდა,  კიდევ ექვსი საკითხი განიხილეს.

23 მარტს დაწყებული საპოლიციო კონტროლი დღესაც გრძელდება. საპატრულო პოლიციის თანამშრომლები ყველა ავტომობილს აჩერებენ, საბუთებს ამოწმებენ, მგზავრებით ინტერესდებიან და საბარგულს ათვალიერებენ. ძალოვანი უწყების ეკიპაჯები ყველა გზაჯვარედინზე არიან მობილიზებულნი. როგორც “მეცხრე არხის” კორესპონდენტი იუწყება, შემოწმება მიმდინარეობს, ვალის, ადიგენისა და არლის გადასახვევთან. შინაგან საქმეთა სამინისტროში აცხადებენ, რომ ეს საპოლიციო კონტროლია, რომელიც პერიოდულად საქართველოს მასშტაბით ცხადდება.

ტელეკომპანია “მეცხრე არხი” მწუხარებას გამოთქვამს ოთო მერაბიშვილის გარდაცვალების გამო და უსამძიმრებს გარდაცვლილის ოჯახს. ოთოს ტელეკომპანია “მეცხრე არხთან” მრავალწლიანი ურთიერთობა აკავშირებდა. იგი იყო საბავშვო გადაცემა მხიარული ნოტები”–ს პირველი სეზონის ფინალისტი. ეს მის მუსიკალურ კარიერაში პირველი ნაბიჯები იყო. მოგვიანებით, ოთო ახალგაზრდული გადაცემის “ტოპ 9″–ს წამყვანი გახდა. მას მეგობრებთან ერთად, ორი სეზონის განმავლობაში, შუადღის პირდაპირ ეთერში, გადაცემა მიჰყავდა. 2014 წელს კი ოთომ ტელეკომპანიის მიერ ორგანიზებული “მესხური ფესტივალი”–ს ორსაათიანი პროგრამა მეგობრებთან ერთად წაიყვანა… ოთოს კადრები “მეცხრე არხის” არქივიდან. ოთო არ გარდაცვლილა! ტელეკომპანია “მეცხრე არხი”.  

20 მარტს, კათოლიკურმა და სომხურმა სამოციქულო ეკლესიამ ბზობის ბრწყინვალე დღესასწაული – იერუსალიმში, მაცხოვრის დიდებით შებრძანება იზეიმეს. დღეს ყველა მოქმედ ტაძარში სადღესასწაულო ლიტიურგია აღესრულა. ახალციხის, გრიგოლ განმანათლებლის სახელობის ეკლესიაში, ტრადიციისამებრ, მრევლს ნაკურთხი ბზა და მოხარშული სიმინდი დაურიგეს. ზობა, ანუ ბაიაობა ქრისტიანული ეკლესიის ერთ–ერთი საუფლო დღესასწაულია. იგი მოძრავია და აღდგომამდე ერთი კვირით ადრე აღინიშნება.

    შემთხვევა გუშინ, 18 მარტს, თბილისში, გვიან ღამით მოხდა. ოჯახის ახლობლების ინფორმაციით, ცხედარს ექსპერტიზა სამხარაულის სახელობის ექსპერტიზის ბიუროში ჩაუტარდა. ო.მ–ს მშობლიურ ქალაქში დღესვე გადმოასვენებენ. ვრცელდება გარდაცვალების რამდენიმე ვერსია. ახლობლების თქმით, შესაძლოა ო.მ–მ თავი მოიკლა. ცნობილია ისიც, რომ მან თვითმკვლელობა ადრეც სცადა. მიმდინარეობს საქმის გამოძიება. ახალციხელი ო.მ. 19 წლის იყო. ის დედაქალაქში, კავკასიის უნივერსიტეტში სწავლობდა და ბებიასთან ერთად ცხოვრობდა.  

    აწყურში, დიზელის  გადამზიდი ტრაილერი გადაბრუნდა, რის შედეგადაც მძღოლი გარდაიცვალა. “მეცხრე არხის” გადამღები ჯგუფი ადგილზე იმყოფება. როგორც  რუსუდან გვარამაძე იუწყება, გადაბრუნებული ცისტერნიდან დიზელი გაზაზე იღვრება, რის გამოც მოძრაობა შეფერხებულია. ავტოსაგზაო შემთხვევამ, ახალციხეში მომავალი სოფლის მეურნეობის მინისტრის ესკორტიც შეაფერხა, ადგილზე ოთარ დანელიაც იმყოფება. ადგილზე მობილიზებულია სასწარფო დახმარების ბრიგადები და საპატრულო პოლიციის ეკიპაჟები. როგორც თვიოთმხილველები ჰყვებიან, ტრაილერი გადაჭრაბებული სიჩქარით მოძრაობდა, რის გამოც მძღოლმა საჭე ვერ დაიმორჩილა, გადაბრუნდა და სადისტრიბუციო მანქანას დაეჯახა. მიკროავტობუსში მსხდომი პირები არ დაშავებულან.   არიან თუ არა დაშავებულები ამ დროისთვის უცნობია. “მეცხრე არხი” დამატებით ინფორმაციას მოგვიანებით მოგაწვდით.

ახალციხეში პროექტის ,,ახალგაზრდული საკრებულოების“ მეორე ეტაპი დაიწყო. მის ფარგლებში ქალაქისა და მუნიციპალიტეტის მასშტაბით, ახალგაზრდები შეირჩნენ. ისინი იმავე სისტემის მიხედვით დაკომპლექტდნენ, როგორც საკრებულოებში დეპუტატთა პოსტებია გადანაწილებული. პროექტის ორგანიზატორებისაგან ახალგაზრდული საკრებულოების წევრებმა სამოქმედო გეგმის შესახებ ინფორმაცია მიიღეს. სამომავლოდ, წევრები სოციალურ აქციასა და საგანმანათლებლო პროექტებს გეგმავენ. ახალციხის თემსა და ქალაქში ახალგაზრდული საკრებულოები 9 თვის წინ შეიქმნა. პროექტი ქვეყნის 64 მუნიციპალიტეტში მიმდინარეობს. ამ დრიოსათვის მისი პირველი, 6 თვიანი ეტაპი დასრულდა. ახალი საკრებულოსათვის გაიზარდა ასაკობრივი ზღვარი. ამიერიდან, ახალგაზრდული საკრებულოს წევრი შეიძლება 16–დან 25 წლამდე ახალგაზრდა გახდეს.

სოფელ სვირში სასოფლო–სამეურნეო სავარგულების 90% უკვე დამუშავებულია.

მსხვილფეხა რქოსანი პირუტყვის კვებისა და მოვლის პირობები, მის გაუმჯობესების გზები

ახალციხის  დემოკრატიული ჩართულობის ცენტრის  ინიციატივით, ისტორიული ქალი მოღვაწეების შესახებ,  საჯარო დისკუსია მოეწყო. შეხვედრის მიზანი საზოგადოებისთვის  მესხეთის  მკვიდრი ქალბატონების შესახებ, ინფორმაციის მიწოდება წარმოადგენდა, რომლებმაც მნიშვნელოვანი წვლილი შეიტანეს თავიანთი თემის, თუ ქვეყნის განვითარებაში. შხვედრას ქალთა კლუბის წევრი თათია კოტაძე გაუძღვა. მან დამსწრე საზოგადოებას ცნობილი ქალების – ელენე დიდიმამიშვილის, მარიამ ბაღდოშვილის, თერეზინა ხუციშვილის, კონსტანცია მეფისაშვილის, როზა მეფისაშვილისა და  მარიამ გამრეკელის მოღვაწეობის შესახებ, ინფორმაცია მიაწოდა.