ტელეკომპანია ,,მეცხრე არხის“ თანამშრომლებმა  2015 წელს მუშაობა დაასრულეს. წლის განმავლობაში არსებულ გამოწვევები, პრობლემები, მიღწევები და წარმატებებ – ისინი დღეს გაიხსენებენ. როგორ აფასებს არხის შემოქმედებითი ჯგუფი განვლილ წელიწადს და რა მოლოდინებით ხვდება 2016 წელს? გასული წლის ანალიზი და მომავალი წლის გეგმები – “მეცხრე არხის” ობიექტივში.

2016 წელს ,,მე–9 არხის“ მაყურებელს ,,მესხური ფესტივალის“ მონაწილეებიც ულოცავენ. იმისთვის, რომ საკუთარი თავი უკეთ წარმოაჩინონ, მოცეკვავეები, მომღერლები, სპორტსმენები თუ ხელოვანები მზადებას უკვე იწყებენ. 2016-სთვის არაერთი სურპრიზი აქვთ ფესტივალის ორგანიზატორებს. მე–9 არხის სავიზიტო ბარათი –,,მესხური ფესტივალი“ ჩვენს ობიექტივში.

“მეცხრე არხის” ერთგულ მაყურებელს შობა–ახალ წელს, მომავალი  თაობა ულოცავს. ტელეკომპანიის თანამშრომელთა ოჯახის პატარა წევრები საქართველოს, 2016 წელს მშვიდობასა და კეთილდღეობას უსურვებდნენ.

უცხოელების გამოცდილება და თანამედროვე ტექნოლოგიები

უცხოელების გამოცდილება და თანამედროვე ტექნოლოგიები – ეს არის “ფერმერის საათის” დღევანდელი გადაცემის თემა. ქართველი ფერმერები ცდილობენ, რომ თანამედროვეობას ფეხი აუწყონ და სოფლებში ახალი ტექნოლოგიები დანერგონ. ისინი ფიქრობენ, რომ აუცილებელია თანამედროვე ტექნოლოგიების დანერგვის პროცესში უშუალოდ ჩაერთონ.  რა გეგმები აქვს სახელმწიფოს ტექნოლოგიების განვითარებასთან დაკავშირებით და რა როლი ეკისრება თავად ფერმერებს – “ფერმერის საათის” კითხვებს სოფლის მეურნეობის სამინისტროს სამცხე–ჯავახეთის რეგიონული სამმართველოს უფროსი პასუხობს. 2015 წლის 30 დეკემბერი    

ავტოსაგზაო შემთხვევა მოხდა ახალციხეში. თაბუკაშვილის ქუჩაზე „მიცუბიშ აირტეკის“ მარკის ავტომობილი ელექტრო გაყვანილობის ბოძს შეეჯახა. ავტომანქანა დამტვრეულია, თუმცა დაშავებული არავინ არა არის. ავტომობილის მძღოლი ქალბატონია, მან „მეცხრე არხთან“ კომენტარი არ გააკეთა. თუმცა ამბობს, რომ მანქანაში მარტო იჯდა და საჭე ვერ დაიმორჩილა, სავალი გზიდან გადავიდა, რა დროსაც ელექტროგაყვანილობის ბოძს შეეჯახა.

 ახალციხის რაიონული სასამართლოს გადაწყვეტილებით, ადიგენის მუნიციპალიტეტის გამგებელსა და ორ თანამშრომელს, 11 თვის განაცდური სრულად აუნაზღაურდებათ. გადაწყვეტილება, რომლის მიხედვითაც, ადიგენის მუნიციპალიტეტის გამგეობას 50 ათასი ათასი ლარის გადახდა მოუწევს, დღეს, მოსამართლე მარიკა ჩიტაშვილმა გამოიტანა. რატი ტატალაშვილისა და ჯემალ იაკობაძის მოთხოვნა, რომ ისინი თანამდებობაზე აღედგინათ, მოსამართლემ არ დააკმაყოფილა. გაასაჩივრებენ თუ არა გამგეობის ყოფილი თანამშრომლები აღნიშნულს, ჯერ  არ გადაუწყვეტიათ. არც ისაა ცნობილი, მიმართავს თუ არა მაღალ ინსტანციას ადიგენის მუნიციპალიტეტის გამგეობა.  

31 დეკემბერს, 1-ელ და 2 იანვარს მარხვა თევზით ხსნილია – აღნიშნულზე კურთხევა მრევლს  სრულიად საქართველოს კათოლიკოს-პატრიარქმა, უწმიდესმა და უნეტარესმა ილია მეორემ მისცა. შობის მარხვა 28 ნოემებრს დაიწყო. მორწმუნეებისვის 25 დეკემბრამდე მარხვა თევზით ხსნილი, ოთხშაბათისა და პარასკევის გარდა, ყოველდღე იყო. პარტიარქი ახალი წლის დღეებში მორწმუნეებს თევზის მირთმევის კურთხევას ყოველწლიურად აძლევს. შობის მარხვა 7 იანვარს, უფლის შობის ბრწყინვალე დღესასწაულზე დასრულდება. საშობაო წირვა–ლოცვა, ტაძრებში, უმეტესწილად, ღამით ტარდება.  

კლიმატის ცვლილებები და ენერგოეფექტურობა – ეს თემა ახალციხის ახალგაზრდულ ცენტრში, სამოქალაქო სექტორის წარმომადგენლებმა და პროექტის ავტორებმა, ახალგაზრდებთან და ადგილობრივი ხელისუფლების წევრებთან ერთად განიხილეს. შეხვედრაზე იმ პრობლემებისა და გამოწვევების შესახებ იმსჯელეს, რომლის წინაშეც დღეს საქართველო დგას. პროექტის ფარგლებში, ავტორებმა შეიძინეს ხელსაწყო, რომლის საშუალებითაც შესაძლებელია იმის დადგენა, თუ საიდან და რამდენი პროცენტით იკარგება ტემპერატურა შენობიდან. ორგანიზატორები, ადგილობრივ თვითმმართველობას სთავაზობენ, რომ აღნიშნული ხელსაწყო პრაქტიკაში, მათაც გამოიყენონ.