ქალაქ ახალციხის  მერიას, მომავალი წლის ბიუჯეტის პროექტი დღეს, 25 ნოემბერს, ბიუროს სხდომაზე განხილვის შემდეგ, შენიშვნებთან ერთად დაუბრუნდა. დეპუტატებმა, აღმასრულებელი ხელისუფლებისგან, უფრო დეტალური ინფორმაცია მოითხოვეს, რა თანხაა გათვალისწინებული ამა თუ იმ პროექტზე. 2016 წლის პროექტის მიხედვით, ქალაქ ახალციხის ბიუჯეტი, 9 მილიონ 31 ათას ლარს შეადგენს. ეს თანხა მიმდინარე წლის პროექტზე, 2 მილიონით ნაკლებია. მიუხედავად ამისა, ქალაქის მერი ირწმუნება, რომ მომავალ წელს, ქალაქის ბიუჯეტი 2015–თან შედარებით, ბევრად მეტი იქნება. ახალციხის მერიაში, რეგიონული განვითარების ფონდიდან, 1 მლნ 700 ათას ლარს ელიან. გამოთანაბრებითი ტრანსფერით კი, ქალაქი ახალციხე 6 მილიონამდე ლარს მიიღებს. გიორგი კოპაძე,  ინფრასტრუქტურის კუთხით, 5 მლნ. ლარზე მეტის დახარჯვას აპირებს.

ტერიტორიული მთლიანობა– საკითხი, რომელიც ქვეყნის ყველა რეგიონისათვის მნიშვნელოვანი და მტკივნეულია. 2008 წელს,  ორი დაპირისპირებული მხარის ინტერესებმა  ყველაზე მეტად ე.წ ,,საზღვრისპირა  ზონაში“ მცხოვრები ადგილობრივები დააზარალა. როგორ ცხოვრობს მოსახლოება  კონფლიქტის ზონაში და აქვთ თუ არა მათ ცენტრალური ხელისუფლების მხარდაჭერა– საზღვრისპირა სოფლებს ,,მე–9 არხის „ გადამღები ჯგუფი მედიატურის ფარგლებში ესტუმრა.

ახალციხის მუნიციპალიტეტის 2016 წლის ბიუჯეტის პროექტის საჯარო განხილვა საკრებულოში; რა პრობლემების წინაშე დგანან ე.წ. საზღვრისპირა სოფლების მაცხოვრებლები;

ვალეში, სტალინის ქუჩის მაცხოვრებლებს უსახლკაროდ დარჩენა ემუქრებათ. 208 ადამიანს ცხოვრება ავარიულ შენობაში უწევს  და ყოვლდღიურად საცხოვრებლის დანგრევას ელოდება. ისინი დახმარებისათვის ხელისუფლების წარმომადგენლებს მიმართავენ, და მათგან საკითხით დაინტერესებას მოითხოვენ. ციცინო მიგრიაულის მსგავსად, დახმარებას, სტალინის 26 ნომერში მცხოვრები ყველა მოსახლე ითხოვს. ვალელები ხელისუფლებას ავარიული კორპუსის შეკეთებას ან  მოსახლეობის ახალი საცხოვრებელი ფართით დაკმაყოფილებას სთხოვენ.

სოფელ ურაველში 40 წლის მამაკაცმა თავი ჩამოიხრჩო. შემთხვევა 23 ნოემბერს, დაახლოებით, სამ საათზე მოხდა.  ბ.მ. ჩამომხრჩვალი სახლთან ახლოს შვილმა გამთენიისას იპოვა. ურაველში სუიციდის გამომწვევ სავარაუდო მიზეზად სოციალურ პრობლემებს ასახელებენ. გარდაცვლილს მეუღლე და ოთხი შვილი დარჩა. ფაქტი ცნობილია შინაგან საქმეთა სამინისტროსთვის. საზოგადოებასთან ურთიერთობის სამსახურში აცხადებენ, რომ გამოძიება სისიხლის სამართლის კოდექსის 115–ე მუხლით მიმდინარეობს, რაც თვითმკვლელობამდე მიყვანას გულისხმობს.

აგრარული დარგის განვითარებაში შეტანილი წვლილისათვის, საქართველოს სოფლის მეურნეობის სამინისტრომ, ქვეყანაში ყველაზე წარმატებული ფერმერები, შპს და კოოპერატივები დააჯილდოვა. მათ შორის მოხვდა ახალციხის მუნიციპალიტეტიდან  მკრტჩ მოვსესიანი და ასპინძიდან ნანი დათაშვილი. მკრტიჩ მოვსესიანი სოფლის მეურნეობის სამინისტროს მიერ დაჯილდოვებულ წარმატებულ ფერმერთა სიაში მოხვდა. იგი სოფელ  სხვილისში ფერმერულ მეურნეობას 30 წელია მისდევს. ახალციხის მუნიციპალიტეტის მაშტაბით, ახალი სათესლე კარტოფილის გამოცდა პირველმა სწორედ მან დაიწყო. მეკარტოფილეობის გარდა, ფერმერი სხვადასხვა კულტურისგან ყოველწლიურად მაღალ მოსავალს იღებს. გაწევრიანებულია  სოფლის მეურნეობის მიმართულებით მომუშავე არასამთავრობო ორგანიზაციებში. ბოლო პერიოდში კი სამი კოოპერატივი ჩამოაყალიბა, რომელიც მეკარტოფილეობის, მეფუტკრეობისა და მესაქონლეობის კუთხით მუშაობს. მკრტიჩ მოვსესიანი „მეცხრე არხთან“ მინისტრის მიერ გადაცემულ ჯილდოზე საუბრობს.

სერაპიონ ზარზმელის ხსენების დღისადმი მიძღვნილ ღონისძიებაზე, მოწვეული სტუმრების გამასპინძლება, ადიგენის მუნიციპალიტეტს, 5 400 ლარი დაუჯდა – ინფორმაციას ვებ–გვერდი ,,ადიგენის ხმა” ავრცელებს. გამოქვეყნებულ აქტს, 11 ნოემბერსვე, ხელს აწერენ ინდ. მეწარმე გივი გავაშელიშვილი და ადიგენის მუნიციპალიტეტის კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურის უფროსი იმედა სირბილაძე. დოკუმენტის თანახმად, ინდ.მეწარმეს წმ. სერაპიონ ზარზმელის ხსენების დღისადმი მიძღვნილ დღესასწაულზე მრევლისთვის ტრაპეზის მომზადება და მოწვეული სტუმრების რესტორანში გამასპინძლების ორგანიზება ევალებოდა. აღნიშნულ საკითხზე კომენტარი არ გააკეთეს ადიგენის მუნიციპალიტეტის პირველმა პირებმა. მხოლოდ ღონისძიება, მუნიციპალიტეტს, 2 000 ლარი  დაუჯდა.

ვალეში, საცხოვრებელი სახლების რეაბილიტაციას ამ დრომდე ელიან; კონფლიქტის ზონის სამ სოფელს რეგიონული მედიის წარმომადგენლები სტუმრობდნენ; მართლმადიდებელი სამყარო დღეს გიორგობის დღესასწაულს აღნიშნავს.

     ქართული მართლმადიდებელი ეკლესია  წმინდა გიორგის ბორბალზე წამების დღეს აღნიშნავს. ამ დღესთან დაკავშირებით, საზეიმო წირვა–ლოცვა ყველა მოქმედ ტაძარში აღევლინა. საკვირველთმოქმედი და ძლევაშემოსილი გიორგი ქართველი ერის მფარველად მიიჩნევა და საქართველოში განსაკუთრებულად უყვართ. წმიდა გიორგი 30 წლის ასაკში ეწამა. 303 წელს, მას რომის იმპერატორ დიოკლიტიანეს ბრძანებით თავი მოკვეთეს. წმინდა გიორგი მხედართმთავარი იყო და დიოკლიტიანეს ქრისტიანებზე დევნის გამო განუდგა. უფლის შეწევნითა და გამხნევებით მან მრავალი სატანჯველი დაითმინა, მათ შორის – ბორბალზე გაკვრა. ეკლესია წმიდა გიორგის ხსენებას ორჯერ აღნიშნავს: 6 მაისს – წმიდანის აღსრულების დღეს და 23 ნოემბერს – მისი ბორბალზე წამების დღეს. ამ უკანასკნელ დღესასწაულს ქართული ეწოდება, რადგან სხვა ეკლესიებში მისი აღნიშვნა საქართველოდან გადავიდა. დღესასწაული სამცხე–ჯავახეთში ყველა მოქმედ ტაძრში აღინიშნა.

„ადრეული ქორწინება ტვირთია“, „თანასწორობა ოჯახიდან იწყება“, „სახლი სადაც ძალადობას განიცდი სახლი არ არის“–ამ სახლწოდების სტენსილები, ახლციხელმა ახალგაზრდებმა, ქალაქის ქუჩებში განათავსებს. აქციის მიზანს,გენდერული საკითხების კუთხით საზოგადოების ინფორმირებულობა წარმოადგენდა. ღონისძოიება  პროექტ “ერთად გენდერული თანასწორობისათვის” ფარგლებში გაიმართა, რომელსაც  არასამთავრობო ორგანიზაცია  სამცხე–ჯავახეთის მედიაცენტრი ახორცილებეს.

პარიზში განხორციელებული ტერაქტებიდან ერთი კვირა გავიდა, თუმცა მოქალაქეები ქუჩაში მოძრაობას მაინც ერიდებიან. ახალციხელი გურამ გელაშვილი, რომელიც საფრანგეთში, ქალაქ ნიცაში, 3 თვეა სწავლობს, ამბობს, რომ უნივერსიტეტის ადმინისტრაციამ სტუდენტები გააფრთხილა, თავი შეიკავონ ქალაქში გადაადგილებისგან. გელაშვილის თქმით, ხალხმრავალ ადგილებსა და სადგურებში ყველა მგზავრს  ჩხრეკენ. კონტროლი გამკაცრებულია უნივერსიტეტშიც. ტერორიზმის გლობალური საფრთხიდან გამომდინარე, უსაფრთხოების ზომები საქართველოს მასშტაბით კიდევ უფრო გამკაცრდა.

გადატენილი იარაღის პირში ჩადება და მუქარა,  პოლიეთილენის პარკით მოგუდვის იმიტაცია და ეთნიკური ნიშნით შეურაცხყოფა_დანაშაულის შეუტყობინებლობაში ბრალდებულმა არტურ იგიტიანმა, დღეს სასამართლო პროცესზე კიდევ ერთი პირი ამოიცნო, რომელიც მისივე თქმით, სასურველი ჩვენების მიღებას, აღნიშნული  მეთოდებით ცდილobs. sამცხე–ჯავახეთის სამხარეო მთავარი სამმართველოს  თანამშრომელმა ლევან ზარიძემ, სასამართლო პროცესზე იგიტიანის ბრალდებები კატეგორიულად უარყო და განაცახადა, რომ მსგავს ფაქტს ადგილი არ ჰქონია.

ახალციხის მუნიციპალიტეტის გამგეობის საფინანსო–საბიუჯეტო სამსახურმა 2016 წლის ბიუჯეტის პროექტი საკრებულოს უკვე გადაუგზავნა, რამდენიმე დღეში, მუნიციპალიტეტის წარმომადგენლობითი ორგანო დოკუმენტის  საჯარო განხილვას დაიწყბს. მანამდე კი თემის მოსახლეობა იმ პრობლემებზე საუბრობს, რაც სურთ, რომ ადგილობრივმა ხელისუფლებამ მომავალი წლის ბიუჯეტით მოუგვაროს. https://youtu.be/yIL-4V5T9qw გამგეობის საფინანსო–საბიუჯეტო სამსახურის უფროსი „მეცხრე არხთან“ განმარტავს, რომ 2015 წელთან შედარებით, მომავალი წლის ბიუჯეტი ნახევარი მილიონი ლარით გაიზარდა. პროექტის მიხედვით, ინფრასტრუქტურის კუთხით თანხის მატება არ ფიქსირდება. მიუხედავად ამისა, გელა ლომიძე  ირწმუნება, რომ  საგზაო ინფრასტრუქტურას 55 ათასი ლარი შეემატება, მელიორაციის სამსახურის ბიუჯეტი კი 50  ათასი ლარით გაიზრდება.

ვალე გაზის მილებით 3 წელია დაქსელილია, თუმცა მოსახლეობას ბუნებრივი აირი არ მიეწოდება. ,,სოკარის“ პასუხი მოსახლეობას; საქართველოში, სასაზღვრო კონტროლი გამკაცრდა. საფრანგეთში კი, უსაფრთხოების გამო დაწესებული აკრძალვები არ მოხსნილა. რას უყვება ახალციხელი სტუდენტი ,,მე–9 არხს“ ნიცადან; ნინოწმინდელების გახმაურებული სასამართლო პროცესი დღეს არსებითი განხილვით გაგრძელდება;

სამშენებლო კომპანია „სამცხე XXI” დირექტორს ახალციხის რაიონულმა სასამართლომ განაჩენი გამოუტანა. პროცესი რამდენიმე წუთის წინ დასრულდა, სადაც მოსამართლე გიორგი ლონდარიძემ, გურამ ფარცახაშვილი ყველა წარდგენილ ბრალდებაში დამნაშავედ ცნო და 8 წლით თავისუფლების აღკვეთა მიუსაჯა. კომპანიის დირექტორი სასამართლო დარბაზში დააკავეს. შეგახსენებთ, რომ შპს “სამცხე XXI“ დირექტორს, გამოძიება 33 400 ლარის ოდენობით, თანხის უკანონოდ  მითვისებას ედავებოდა. გამოძიების ინფორმაციით, ასპინძის ქუჩის 28–ე კორპუსის გადახურვის დროს, ტენდერში გამარჯვებულმა კომპანიამ, ხე–მასალა უკანონოდ გამოიყენა, რომელიც გამგეობას უსასყიდლოდ ფინანსთა სამინისტრომ გადასცა. გარდა ამისა, სამუშაოებზე გაცილებით ნაკლები მასალა დაიხარჯა, ვიდრე  პროექტში იყო  მითითებული.

ბორჯომის სოფელ ყვიბისში საბავშვო ბაღის რეაბილიტაცია განხორციელდა. ადგილობრივი ბიუჯეტიდან გამოყოფილი 102 ათასი ლარის ფარგლებში, შენობა კეთილმოეწყო და ინვენტარით აღიჭურვა. რეაბილიტირებული შენობა ოფიციალურად სამცხე–ჯავახეთის გუნერნატორმა და ადგილობრივი თვითმმართველობის წარმომადგენლებმა გახსნეს. მათი განმარტებით, ბაღში სამშენებლო სამუშოები შპს ,,წყარომ“  ორი თვის წინ დაიწყო. ინფრასტრუქტურის შეკეთებასთან ერთად, აქ ცენტრალური გათბობაც დამონტაჟდა. ამ ეტაპზე საბავშვო ბაღების რეაბილიტაცია მიმდინარეობს სოფელ ახალდაბასა და ბაკურიანში. შენობები ექსპლუატაციაში წლის ბოლოს შევა.

ახალციხის მუნიციპალიტეტის 2016 წლის ბიუჯეტის პროექტი უკვე საკრებულოშია. რა წერია თემის მთავარ ფინანსურ დოკუმენტში; საქართველოში, სასაზღვრო კონტროლი გამკაცრდა. საფრანგეთში კი, უსაფრთხოების გამო დაწესებული აკრძალვები არ მოხსნილა. რას უყვება ახალციხელი სტუდენტი ,,მე–9 არხს“ ნიცადან; შპს ,,სამცხე XXI–”ს დირექტორი დღეს, სასამართლო განაჩენს ელოდება.

ვალეში კომბოსტოს მოსავალი  უკვე აიღეს. ფერმერები წელს რაოდენობასა და ხარისხს არ უჩივიან. ადგილობრივების ერთ–ერთი მნიშვნელოვანი პრობლემა ბოსტნეულის რეალიზაციაა. მოახერხებენ თუ არა ფერმერები მოსავლის სრულ რეალიზებას, ეს მეზობელი ქვეყნებიდან შემოტანილი კომბოსტოს რაოდენობასა და ფასზეა დამოკიდებული. აქედან გამომდინარე, ხშირია შემთხვევები, როდესაც ვალელებს ბოსტნეული ულპებათ და ზარალი დიდია. რაში ხედავენ ვალელები გამოსავალს და რა შეთავაზებები აქვს სახელმწიფოს? – “ფერმერის საათის” კითხვებს ახალციხის სასოფლო–საკონსულტაციო სამსახურის აგროკონსულტანტი პავლე გიქოშვილი პასუხობს.

ტონობით მიღებული მოსავალი და დაუფასებელი შრომა–ვალელები კომბოსტოს რეალიზაციის პრობლემაზე საუბრობენ. ისინი ამბობენ, რომ გვალვიანი ზაფხულის მიუხედავად, დიდი ხარჯი გაწიეს და მოსავალი მოიყვანეს, თუმცა ქვეყანაში სტაბილური ბაზარი არ არსებობს იმისთვის, რომ ბოსტნეული ყოველწლიურად ნორმალურ ფასად გაყიდონ. ვალეში მცხოვრები დალი კაჭკაჭაშვილი კომბოსტოს სარდაფში გაზაფხულამდე ასაწყობებს. ბოსტნეულს ამ ეტაპზე  ვერ გაყიდის, რადგან  მისი ღირებულება დაბალია. ფერმერის თქმით, ამ პერიოდში 1 კილოგრამი კომბოსტოს ფასი 20 თეთრია.

ჰერალდიკის  საბჭომ, ახალციხის სიმბოლოები შეარჩია. როგორც, საქრთველოს პარლამენტთან არსებული ჰერალდიკის საბჭოს მიერ გამოგზავნილ განცხადებაშია ნათქვამი, ქალაქის საკრებულოს მიერ წარდგენილი შვიდი გერბისა და ერთი დროშის ნიმუშს უპირატესობა ენიჭება, თუმცა საბოლოო დამტკიცებამდე, ყველა მათგანი  სწორად დალაგებასა და ჰერალდიკურ გამართვას  საჭიროებს. ქალაქის ჰერალდიკის კომისიის თავმჯდომარემ  დღეს  წევრებსა და ჟურნალისტებს, შერჩეული სიმბოლოების ავტორის ვინაობა  გააცნო. გერბი და დროშა, რომელიც ახალციხის სიმბოლოდ იქცევა, სამხატვრო სკოლის დირექტორს ნანა ნათენაძეს ეკუთვნის.