ეკონომიკა
ქართული ლოკოკინები საფრანგეთსა და ესპანეთში გავა
„წარმოება გავზარდეთ 9 ჰექტრამდე. მანამდე გვქონდა 6 ჰექტარი“,- ამის შესახებ შპს „ნადი გრუპის“, ლოკოკინების ფერმის ხელმძღვანელმა მერაბ ნადარაიამ განაცხადა. მისი თქმით, ამ დროისთვის კომპანიის მთავარი საექსპორტო ქვეყანა იტალიაა, თუმცა მოლაპარაკებები მიმდინარეობს საფრანგეთთან და ესპანეთთან, სავარაუდოდ, შემოდგომაზე კი, ქართული პროდუქტი აღნიშნულ ქვეყნებშიც გავა.

ცნობისთვის, ხობის მუნიციპალიტეტის სოფელ ახალ ხიბულაში ლოკოკინების ფერმა„ერთიანი აგრო პროექტის“ ფარგლებში აშენდა. ეს არის ევროპული ჯიშების ლოკოკინები, რომელთა გამრავლებაც საქართველოში ხდება.

„წარმოება გავზარდეთ 9 ჰექტრამდე. მანამდე გვქონდა 6 ჰექტარი. ეს 9 ჰექტარი უკვე ამ გაზაფხულიდან შედის ბრუნვაში. რაც შეეხება 6 ჰექტარს, მოვიყვანთ 50 ტონა. საექსპორტო ქვეყანა ისევ იტალია იქნება.

როგორც იცით, ჩინეთთანაც გვქონდა მოლაპარაკებები, რომელიც ახლაც მიმდინარეობს, თუმცა გაყიდვები არ დაგვიწყია. კონტეინერების უკმარისობის გამო, საკმაოდ ძვირი ჯდება ტრანსპორტირება. ამიტომ, ველოდებით, სასიკეთო ცვლილებებს. აღებული მოსავლის ნაწილი ისევ იტალიაში გავა, ნაწილი რჩება საქართველოში“
, - ამბობს მერაბ ნადარაია.

აღსანიშნავია, რომ ევროკომისიის 2021 წლის 22 დეკემბრის EU 2022/34 რეგულაციით, საქართველო იმ ქვეყნების ნუსხას დაემატა, საიდანაც ევროკავშირის ბაზარზე
ლოკოკინების ექსპორტი დაშვებულია. როგორც მერაბ ნადარაია ამბობს, გადაწყვეტილება ერთმნიშვნელოვნად კარგია და ეს სხვა ფერმერებსაც დაეხმარება, რომ პროდუქტი ევროკავშირში დამოუკიდებლად გაიტანონ.

„ამ საკითხზე ჩვენი კომპანია 2018 წლიდან მუშაობს. ასე ვთქვათ, პოპულარიზაცია ჩვენი დაწყებულია და სოფლის მეურნეობის სამინისტროც შევაწუხეთ. თუმცა, შემდეგ უკვე, სოფლის მეურნეობის სამინისტრომ და სურსათის ეროვნულმა სააგენტომ დიდი სამუშაო გასწიეს იმ მხრივ, რომ ევროკავშირთან ლოკოკინების ექსპორტზე შეთანხმება მიღწეულიყო. დღეს უკვე ეს დაშვებულია და ყველა ფერმერისთვის ძალიან დიდი მნიშვნელობა აქვს ამას, რათა მოყვანილი პროდუქტი დამოუკიდებლად გაიტანონ ევროზონაში. ყველა ფერმერი, რომელიც დააკმაყოფილებს ევროსტანდარტებს, ლოკოკინების ექსპორტი უპრობლემოდ შეუძლია.

რაც შეგვეხება ჩვენ, ვაპირებთ ახალი ქვეყნების ათვისებას. მოლაპარაკება გვაქვს საფრანგეთთან და ესპანეთთან. ჩვენი პარტნიორები არიან ამ ქვეყნებში და ალბათ, წელსვე, შემოდგომის სეზონზე ლოკოკინებს საფრანგეთსა და ესპანეთშიც გავიტანთ“
,- აცხადებს მერაბ ნადარაია.
Facebook Twitter
სხვა სიახლეები
ამინდი
ახალციხე 14 °C
img
ახალქალაქი 11 °C
img
ასპინძა 14 °C
img
ადიგენი 18 °C
img
ბორჯომი 17 °C
img
თბილისი 18 °C
img
აბასთუმანი 12 °C
img
ბაკურიანი 9 °C
img
ნინოწმინდა 11 °C
img
ვალუტა
EUR
EUR
1
3.5859
RUB
RUB
100
3.2024
TRY
TRY
1
0.2316
USD
USD
1
3.2054
AMD
AMD
1000
6.5879
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.