სამართალი
ახალციხის ბაღიდან აღმზრდელის გათავისუფლება სასამართლომ უკანონოდ ცნო
ახალციხის რაიონულმა სასამართლომ, სკოლამდელი აღზრდის დაწესებულებათა გაერთიანების დირექტორის ორი ბრძანება გააბათილა. პირველის საფუძველზე პირველი ბაგას აღმზრდელ მარინე ლალუაშვილს საყვედური გამოუცხადეს, მეორე ბრძანებით კი სამსახურიდან გაათავისუფლეს. მოსამართლის გადაწყვეტილებით, დირექტორს თანამშრომლის სამსახურში აღდგენა და განაცდურის ანაზღაურება დაევალა. მარინე ლალუაშვილი აღმზრდელად 35 წელი მუშაობდა. ამ ხნის განმავლობაში მას პირველი საყვედური მიმდინარე წლის მარტში დაუწერეს, ივნისში კი კონფლიქტური სიტუაციების შექმნის მიზეზით გაათავისუფლეს.

მის ინტერესებს ადვოკატი ნინო დემეტრაძე იცავს.

„მოპასუხე მხარის არგუმენტი გახლდათ ის, რომ კოლექტივში არასასიამოვნო ურთიერთობებისთვის, პრობლემური სიტუაციების შექმნისთვის, შინაგანაწესის დარღვევისთვის მიიღეს გადაწყვეტილება, რომ გათავისუფლებულიყო მარინე ლალუაშვილი. მე სასამართლოს წინაშე დავაყენე საკითხი, რომ თუ არსებობდა რამე მტკიცებულება, რომ ამ წლების განმავლობაში ქალბატონი მარინა ბავშვის ან თანამშრომლების მიმართ ფიზიკურ ან ფსიქოლოგიურ ზეწოლას ახორციელებდა, მხარეს წარმოედგინა, მაგრამ მტკიცებულება ვერ წარმოადგინა, რადგან არც არსებობდა“, - ამბობს ნინო დემეტრაძე.

სკოლამდელი აღზრდის დაწესებულებათა გაერთიანებაში ამბობენ, რომ ახალციხის რაიონული სასამართლოს გადაწყვეტილებას სააპელაციო სასამართლოში გაასაჩივრებენ.

„სასამართლო გადაწყვეტილება ჯერ არ ჩაგვბარებია, რა თქმა უნდა არ ვეთანხმებით და აუცილებლად გავასაჩივრებთ“, - ამბობს დირექტორი მარინა მერაბიშვილი.

ახალციხის რაიონული სასამართლო სკოლამდელი აღზრდის დაწესებულებათა გაერთიანებიდან გათავისუფლებული კიდევ ერთი თანამშრომლის საქმეს განიხილავს. იურისტი მარინე აბულაძეც სამსახურში აღდგენას და განაცდურის ანაზღაურებას ითხოვს. ის ამბობს, რომ სამსახურიდან შვილის პოლიტიკური შეხედულებების გამო, დასთან ერთად გაათავისუფლეს, რომელიც საკრებულოს აპარატის უფროსი იყო.

დები 24 აგვისტოს მხარის გუბერნატორმა დაიბარა და სამსახურიდან წასვლა მოსთხოვა, უარის მიღების შემდეგ კი,მეორე დღეს ორივე დას გათავისუფლების ბრძანებები გაუგზავნეს.

მარინა მერაბიშვილი უარყოფს, რომ იურისტი ამ მიზეზით გაათავისუფლა, თუმცა რა გახდა სამსახურიდან გაშვების საფუძველი, არ აკონკრეტებს. სასამართლომ კი მიიღო განჩინება, რომელიც დავის საბოლოო გადაწყვეტამდე, სკოლამდელი აღზრდის დაწესებულებათა გაერთიანებას, მუდმივ შტატზე თანამშრომლის დანიშვნას უკრძალავს.

Facebook Twitter
ამინდი
ახალციხე -2 °C
img
ახალქალაქი -6 °C
img
ასპინძა -2 °C
img
ადიგენი 6 °C
img
ბორჯომი -1 °C
img
თბილისი 1 °C
img
აბასთუმანი -3 °C
img
ბაკურიანი -7 °C
img
ნინოწმინდა -6 °C
img
ვალუტა
EUR
EUR
1
3.4661
RUB
RUB
100
3.9081
TRY
TRY
1
0.2269
USD
USD
1
3.0720
AMD
AMD
1000
6.3834
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.