ახალციხისა და ტაო–კლარჯეთის ეპარქია მოხის სადავო შენობასთან დაკავშირებით განცხადებას ავრცელებს. მიტროპოლიტმა თეოდორემ პრესკონფერენციაზე შენობაში მუსლიმი მრევლის თვითნებურად შესვლაზე ისაუბრა და შესაბამის სტრუქტურებს მოხესა და მიმდებარე სოფლებში მართლმადიდებელი მრევლის უფლებების დაცვა სთხოვა. 

14 ოქტომბერს მართლმადიდებელი სამყარო  სვეტიცხოვლობის დღესასწაულს აღნიშნავს. ამ დღეს ასევე აღინიშნება მეფე მირიანისა  და დედოფალ ნანას, სიდონიასა და აბიათარის ხსენებაც.

რომის პაპის დასახვედრად კათოლიკე მრევლმა მზადება უკვე დაიწყო. კათოლიკე მრევლი ემზადება ახალციხეშიც.

ართლმადიდებელი სამყარო 27 სექტემბერს, ჯვართამაღლების დღესასწაულს აღნიშნავს. რაბათის წმინდა მარინეს სახელობის ტაძარში საზეიმო წირვა ახალციხისა და ტაო–კლარჯეთის მიტროპოლიტმა აღავლინა.

მართლმადიდებლური სამყარო 21 სექტემბერს ყოვლადწმინდა ღვთისმშობლის შობის დღეს აღნიშნავს. დღესასწაულთან დაკავშირებით ტაძრებში წირვა-ლოცვა შესრულდა. 

ბორჯომისა და ბაკურიანი ყოფილი მიტროპოლიტი საბერძნეთში,  ათონის მთაზე მიემგზავრება. 18 სექტემბერს, მრევლი მეუფე სერაფიმეს გასაცილებლად თბილისის სამების საკათედრო ტაძარში შეიკრიბა.

საქართველოს კათოლიკოს-პატრიარქის ილია II ლოცვა-კურთხევით ბორჯომისა და ბაკურიანის ეპარქიის დროებით მმართველად, გორისა და ატენის ეპარქიის მიტროპოლიტი ანდრია (გვაზავა) დაინიშნა. ინფორმაცია დღეს, 12 სექტემბერს, ეპარქიის ოფიციალურ გვერდზე გავრცელდა.

მართლმადიდებელი ეკლესია წმ. იოანე ნათლისმცემლის თავისკვეთის დღეს აღნიშნავს. დღესასწაულს განსაკუთრებულად ზეიმობენ ასპინძის მუნიციპალიტეტში სოფელ მირაშხანთან მდებარე ტაძარში,  სადაც  მრევლი ყოველი წლის 11 სექტემბერს, საქართველოს სხვადასხვა ეპარქიიდან იკრიბება.

28 აგვისტოს მართლმადიდებლები მარიამობას ზეიმობენ. დღესასწაული აღინიშნა ივლიტის ღვთისმშობლის შობის სახელობის ტაძარში.

მართლმადიდებლური სამყარო 28 აგვისტოს ღვთისმშობლის მიძინების დღესასწაულს აღნიშნავს. ამასთან დაკავშირებით, ტაძრებში სადღესასწაულო წირვა-ლოცვა შესრულდება.

მართლმადიდებლური სამყარო 19 აგვისტოს ფერიცვალებას აღნიშნავს. იმ დღეს, როდესაც თაბორის მთაზე, იესო ქრისტემ სამი მოწაფის – პეტრეს, იაკობისა და იოანეს წინაშე ფერი იცვალა და თავისი ღვთაებრივი დიდებულება აჩვენა. 

მართლმადიდებლური სამყარო 30 ივლისს წმინდა მარინეს ხსენების დღეს აღნიშნავს. დღესასწაულს განსაკუთრებულად აღნიშნავენ რაბათში, წმინდანის სახელობის ტაძარში. 

28 ივლისს მართლმადიდებლური სამყარო წმინდა ივლიტასა და კვირიკეს ხსენების დღეს აღნიშნავს. დღესასწაული განსაკუთრებულად იზეიმეს ახალციხეში,  სოფელ ივლიტაში.

28 ივლისს მართლმადიდებლები წმინდა ივლიტასა და კვირიკეს ხსენების დღეს აღნიშნავენ. დღესასწაულისთვის მზადება უკვე დაიწყეს ახალციხეში, სოფელ ივლიტის ღვთისმშობლის შობის სახელობის ტაძარში.

მართლმადიდებლურმა სამყარო წმინდა მოციქულების პეტრესა და პავლეს ხსენების დღე აღნიშნა. 

მართლმადიდებელი სამყარო დღეს პეტრე-პავლობას აღნიშნავს. დღესასწაულთან დაკავშირებით ტაძრებში წირვა-ლოცვა სრულდება.

აწყურში არქეოლოგიური გათხრების შედეგად, კარგად შემონახული, აქამდე უცნობი ეკლესიის ნაშთები აღმოაჩინეს. სპეციალისტები ვარაუდობენ, რომ ღვთისმშობლის სახელობის საკათედრო ტაძრის ეზოში აღმოჩენილი ნატაძრალი საკმაოდ დიდი ზომისაა და სავარაუდოდ, IX-X საუკუნეებს მიეკუთვნება. ნაგებობის გარდა, არქეოლოგებმა სამდღიანი მუშსაობის პერიოდში მნიშვნელოვან არტეფაქტებსსაც მიაკვლიეს.

ადიგენის მუნიციპალიტეტის სოფელ უდეში სახალხო–საეკლესიო დღესასწაული “ანთიმოზობა” აღინიშნება. ღვთისმშობლის მიძინების სახელობის ტაძარში საზეიმო წირვა მიმდინარეობს, რომელსაც ახალციხისა და ტაო–კლარჯეთის მიტროპოლიტი თეოდორე აღავლენს. წირვას მომლოცველები საქართველოს სხვადასხვა კუთხიდან ესწრებიან.  სადღესასწაულო ლიტურგიის შემდეგ, ტაძრის მიმდებარე ტერიტორიაზე დაგეგმილია კულტურული ღონისძიებები, რომელიც 13:00 საათზე გაიმართება. მასში მონაწილეობას ადგილობრივები და თბილისიდან მოწვეული ფოლკლორული ანსამბლები მიიღებენ. მოეწყობა ხალხური რეწვის ოსტატთა ნამუშევრების გამოფენა. დღესასწაული საზეიმო ტრაპეზით დასრულდება. “ანთიმოზობა” წმინდა ანთიმოზ ივერიელის სახელთანაა დაკავშირებული. ადგილობრივ მოსახლეობაში გავრცელებული გადმოცემის თანახმად, იგი სოფელ უდიდან იყო და თურქთა ერთ–ერთი შემოსევის დროს საქართველოდან გაუტაციათ. ინფორმაცია, რომ ანთიმოზ ივერიელი უდის მკვიდრი იყო,  ისტორიულ წყაროებში არ დასტურდება თუმცა არსებობს მოსაზრება, რომ იგი წარმოშობით მესხეთიდან იყო და მისი გატაცებაც სწორედ აქედან მოხდა. “ანთიმოზობის” აღნიშვნას სოფელ უდეში, „წმიდა ანთიმ ივერიელის რუმინეთ-საქართველოს მეგობრობის საზოგადოების“ ინიციატივით 2005 წელს ჩაეყარა საფუძველი. წელს დღესასწაულს მეთორემეტედ ზეიმობენ. “რუმინეთ-საქართველოს მეგობრობის საზოგადოების”ინფორმაციით, 2016 წლის 27 სექტემბერს წმიდა ანთიმ (ანთიმოზ) ივერიელის მოწამებრივად აღსრულებიდან 300 წელი სრულდება. ტრადიციის თანახმად, მართლმადიდებელი ეკლესია წმინდანთა აღსრულების თარიღებს განსაკუთრებულად აღნიშნავს. რუმინეთში  საერო და საეკლესიო ხასიათის ღონისძიებები, უკვე მიმდინარეობს,  რომელის კულმინაციაც 27 სექტემბერს, რუმინეთში წმინდანის ხსენების დღეს დაემთხვევა. თიკო კურტანიძე

უფლის ამაღლებიდან მეათე დღეს, მართლმადიდებელი სამყარო სულთმოფენობის დღესასწაულს აღნიშნავს. ამ დღესთან დაკავშირებით, ტაძრებში საზეიმო წირვა-ლოცვა ტარდება. წმინდა წერილების მიხედვით, ამაღლებიდან მეათე დღეს, დილის 9:00 საათზე ზეციდან გარდამოვიდა სულიწმიდა და მოწაფეებს ცეცხლის ენების სახით თავზე დაადგა.  მოციქულებმა, სხვადასხვა ენაზე ქადაგება დაიწყეს.

უფლის ამაღლებიდან მეათე დღეს მართლმადიდებლები სულთმოფენობას ზეიმობენ. წელს დღესასწაული 19 ივნისს აღინიშნება. ამ დღესთან დაკავშირებით, ტაძრებში საზეიმო წირვა-ლოცვა ტარდება. წმინდა წერილების მიხედვით, ქრისტეს ამაღლების შემდეგ მოციქულები იერუსალიმში სულიწმინდის მოლოდინში დაბრუნდნენ, რომლებიც რწმენით აღსავსენი ელოდნენ დაპირებული ნუგეშინისმცემლის მოვლინებას – ერთად იყვნეს “ყოველნი განკრძალულ ლოცვასა და ვედრებასა ერთბამად დედებითურთ და მარიამ დედით იესუისით და ძმებითურთ მისით”. ამაღლებიდან მეათე დღეს, დილის 9:00 საათზე ზეციდან გარდამოვიდა სულიწმიდა და მოწაფეებს ცეცხლის ენების სახით თავზე დაადგა.  მოციქულებმა, რომლებიც მანამდე ებრაელების შიშით კარჩაკეტილ და დარაბებდაგმანულ სახლში იკეტებოდნენ და ებრაელებთან შეხვედრას ერიდებოდნენ, საოცარი ძალით,  სხვადასხვა ენაზე ქადაგება დაიწყეს. ატეხილი ხმაურის გამო უამრავი ადამიანი შეიკრიბა სახლთან, სადაც ქრისტეს მოწაფენი ცხოვრობდნენ. უსმენდნენ მოციქულებს და უკვირდათ, რადგან ყველას საკუთარ ენაზე ესმოდა ხარება ღვთაებრივი განკაცებისა და ხსნის შესახებ. პირველივე დღეს მარტო წმ. პეტრე მოციქულის ქადაგებამ 3 000 ადამიანი მოაქცია. ასე აღსრულდა სიტყვები უფლისა, მოციქულებს ელეონის მთაზე რომ უთხრა ამაღლების წინ: “მოიღოთ ძალა მოსლვისა სულისა წმიდისასა თქუენ ზედა, და იყვნეთ ჩემდა მოწამე ვიდრე დასასრულამდე ქუეყანისა”. სულთმოფენობის დღესასწაულზე ეკლესიები მწვანით იმოსება, რაც ადამიანის სულიერი განახლების მიმანიშნებელია. ტაძრებს რთავენ ყვავილებით, ფოთლებით, აყვავებული ტოტებით. მორწმუნეები წირვაზე ყვავილების თაიგულებში ჩამაგრებული ანთებული სანთლებით მიდიან. მათ სჯერათ, რომ სულიწმიდის მადლი ყვავილებზეც გადმოდის, რის გამოც მორწმუნეები მას მთელი წლის განმავლობაში ინახავენ და სურვილისამებრ გამოიყენებენ. სულთმოფენობის დღესასწაულის შემდეგი კვირა მსგეფსია – ხსნილია ოთხშაბათი და პარასკევი. შემდეგ კი იწყება მარხვა, რომელსაც პეტრე-პავლობის მარხვა ეწოდება. თიკო კურტანიძე