ბორჯომში დღეს, 29 აგვისტოს “ბორჯომობა”  აღინიშნა. ტრადიციულ სახალხო დღესასწაულთან დაკავშირებით, სხვადასხვა კულტურული და სპორტული ღონისძიება გაიმართა. მოეწყო სოფლის კუთხეების ფანჩატურები, სადაც სტუმრებს ქართული კერძების დაგემოვნება შეეძლებათ. წარმოდგენილი იყო, ხალხური რეწვის ოსტატებისა და ადგილობრივ ხელოვანთა ნამუშევრების გამოფენა-გაყიდვა. ასევე მოეწყო ჯომარდობა მტკვარზე, მკლავჭიდი, ქართული ჭიდაობა, კოსტუმირებული ზღაპრის გმირების მსვლელობა-კარნავალი, თოჯინების თეატრი, სიმფონიური ორკესტრის კონცერტი, ადგილობრივი შემოქმედებითი ჯგუფების წარმოდგენა.  ბორჯომის მუნიციპალიტეტის ადმინისტრაციის ინფორმაცით, “ბორჯომობა 2015″– ს ესტრადის ცნობილი მომღერლების მონაწილეობით გალა–კონცერტი დაასრულებს”. სახალხო დღესასწაულს ორგანიზება ადგილობრივმა ხელისუფლებამ გაუწია.

ახალგაზრდობის საერთაშორისო დღეს ქალაქ ახალციხის მერიაც შეუერთდა. აღნიშნულთან დაკავშირებით ტბის ტერიტორიაზე ველორბოლა გაიმართა. რომელშიც  მონაწილეობა სხვადასხვა ასაკობრივ კატეგორიაში  16 –მა ახალგაზრდამ მიიღო. საუკეთესო სამი  მონაწილე, რომლებმაც ფინიშის ხაზი ყველაზე მოკლე დროში გადაკვეთა, ერთმანეთს ფინალში დაუპირისპირდა. პირველ, მეორე და მესამე ადგილზე გასულებს   მერიისაგან სიგელები, თასები და ფასიანი საჩუქრები გაედაეცა.

ახალციხის ჯავშანსატანკო ცენტრში ტანკისტის დღისადმი მიძღვნილი ცერემონიალი გაიმართა. ტანკისტებს პროფესიული დღესასწაული გენერალური შტაბის უფროსმა, გენერალ-მაიორმა ვახტანგ კაპანაძემ და საქართველოს თავდაცვის მინისტრის მოადგილეებმა დავით ებრალიძემ და ანა დოლიძემ მიულოცეს. ღონისძიებას სამცხე-ჯავახეთის გუბერნატორი აკაკი მაჭუტაძე, ახალციხისა და ტაო-კლარჯეთის მიტროპოლიტი თეოდორე, ქალაქ ახალციხის მერი გიორგი კოპაძე და საკრებულოს თავმჯდომარის მოადგილე თამარ გოგოლაძე დაესწრნენ. საზეიმო ღონისძიების დასრულების შემდეგ წარმატებული სამხედრო მოსამსახურეების დაჯილდოების ცერემონიალი გაიმართა. სტუმრებმა ასევე, ჯავშან და საავტომობილო ტექნიკა, სასწავლო კლასები, ყაზარმები დაათვალიერეს და სამხედრო მოსამსახურეების სასწავლო და საცხოვრებელ პირობებს გაეცნენ.

ახალციხის რაიონულმა სასამართლომ, ადიგენის მუნიციპალიტეტის სოფელ ბოლაჯურის საბავშვო ბაღის ყოფილი მენეჯერის სარჩელი დააკმაყოფილა.

ბორჯომის ტყეში ხანძარი ლოკალიზებულია. აღნიშნულის შესახებ ინფორმაციას საგანგებო სიტუაციების მართვის სააგენტო ავრცელებს. მეხანძრე-მაშველები მეორე დღეა ბორჯომის ტყეში გაჩენილი ხანძრის სალიკვიდაციო სამუშაოებში არიან ჩართულნი.

ბორჯომში სოფელ დვირის მიმდებარე ტყეში ხანზარი ლოკალიზებულია, ინფორმაციას საგანგებო სიტუაციების მართვის სააგენტოში ადასტურებენ. სამუშაოები დვირში მთელი ღამის განმავლობაში მიმდინარეობდა. ადგილზე მობილიზებული იყო 20 სახანძრო-სამაშველო ერთეული და 150-ზე მეტი მეხანძრე-მაშველი ბორჯომისა და საქართველოს სხვადასხვა რეგიონებიდან. ხანძრის სალიკვიდაციო ოპერაციაში ჩართული იყო სასაზღვრო პოლიციის დეპარტამენტის ორი ვერტმფრენი. წინასწარი ინფორმაციით, ხანძრის შედეგად დაახლოებით 6 ჰექტარი ტყის მასივი დაიწვა. ხანძრის შედეგად არავინ დაშავებულა. უცნობია ხანძრის გამომწვევი მიზეზიც. წყარო: ტელეკომპანია “ბორჯომი”

ახალციხეში საიათნოვა გაიხსენეს. ერევნიდან ჩამოსულმა 24 კაციანმა ჯგუფმა 19 ივლისს მესხეთის სახელმწიფო თეატრში ღონისძიება გამართა. მუსიკოსებმა სომეხი პოეტისა და მომღერლის შემოქმედება წარმოადგინეს, საღამო ორ ნაწილად წარიმართა. აღნიშნული კონცერტი ახალციხეში რუსეთში მოღვაწე სომეხმა ბიზნესმენმა, შუშანიკ სარქისიანმა დააფინანსა. სომხეთის ეროვნული ანსამბლის სახელწოდებით ,,საიათნოვა“ კონცერტების გამართვას ახალციხის იმ სოფლებშიც გეგმავს,

ახალციხის მოსახლეობა საყოფაცხოვრებო ნარჩენების შესახებ ჩივის. დასუფთავების პრობლემა ყველაზე მეტად შევჩენკოსა და ახალციხის კიდევ რამდენიმე ქუჩის მოსახლეობას აწუხებს.  ამ ტერიტრიებზე  ადგილობრივები ნაგავს ყრიან, თუმცა მისი გატანა წლებია არ მომხდარა. ახალციხეში  შევჩენკოს ქუჩის მოსახლეობა მყარი ნარჩენებით ტერიტორიის დაბინძურებაზე ჩივის. ადგილობრივები ამბობენ, რომ წლების განმავლობაში დასახლებიდან ნაგავი არ გატანილა. აქ არც ნარჩენების კონტეინერები დაგას. მათივე თქმით,   ხელისუფლებას დახმარებისთვის არაერთხელ მიმართეს, თუმცა უშედეგოდ.  მაცხოვრებლები განმარტავენ, რომ საავტომობილო გზა ამორტიზებულია, რაც ნარჩენების გადამტანი ტარანსპორტის მისვლას ხელს უშლის.

ახალციხის ციხის ადმინისტრაციამ ექვსი თვის განმავლობაში კომპლექსში დაფიქსირებული ვიზიტორების რაოდენობა გამოაქვეყნა.   2015 წლის იანვარ – ივნისში, ციხეზე 49 855 დამთვალიერებელი დაფიქსირდა. ექვსი თვის განმავლობაში ციხის ბიუჯეტში 206 275 ლარი შევიდა. 2015 წლის ცალკეული თვის მონაცემები კი ასეთია: იანვარი – 1705 ვიზიტორი.  თანხა 8 403 ლარი; თებერვალი – 1 277 ვიზიტორი.  თანხა 6 246 ლარი; მარტი – 2 062 ვიზიტორი.  თანხა 10 937 ლარი; აპრილი-3 906. თანხა 21 742 ლარი; მაისი-15 210. თანხა 64 945 ლარი; ივნისი-25 695. თანხა 93 992 ლარი.

ასპინძის ქუჩაზე სასმელი წყლის მილი გასკდა. ადგილობრივები ამბობენ, რომ სისტემა მწყობრიდანაა გამოსული და წყლის წნევას ვეღარ უძლებს. მათი თქმით, სასმელი წყლის მილები, დაახლოებით, 15 წლის წინ გამოიცვალა. თუმცა, მსგავსი შემთხვევა ქუჩაზე პირველია. ახალციხის გაერთიანებული წყალმომარაგების კომპანიის სამცხე–ჯავახეთის ფილიალში აცხადებენ, რომ სამუშაოები მას შემდეგ დაიწყება, რაც წყლის რეზერვუარი მთლიანად დაიცლება.ტექნიკური სამსახურის უფროსის განმარტებით, შესაძლოა, სამუშაოები დღესვე ვერ დასრულდეს, ამიტომ მოსახლეობა ხვალ, 25 ივნისს სასმელ წყალს მოგვიანებით მიიღებს.

პარკირებისთვის გამოყოფილი ადგილები  ახალციხეში  – მძღოლები ამ კუთხით არსებულ პრობლემებზე საუბრობენ. ისინი ირწმუნებიან, რომ ქალაქში ავტომობილის გასაჩერებელი ადგილი არ არის და ამ კუთხით წინააღმდეგობებს ხშირად აწყდებიან. გარდა ამისა, მძღოლები პარკინგისთვის სპეციალური მინიშნებების არარსებობაზეც საუბრობენ. როგორია აღნიშნულზე ადგილობრივი ხელისუფლების პოზიცია –  ნახეთ დღეს, 24 ივნისს, მთავარ საინფორმაციო გამოშვებაში  21:30 საათზე.

პროგრამა „მომავლის თაობის“ ფარგლებში სკოლის მოსწავლეები საზაფხულო ბანაკში გაემგზავრნენ. ახალციხის ახალგაზრდული ცენტრის ხელმძღვანელის განმარტებით, ხუთ დღიანი ტრენინგები ახალგაზრდებს ბაკურიანში ჩაუტარდებათ. მაკა სუდაძის თქმით, რეგიონის მასშტაბით შვიდი ყველაზე აქტიური მოსწავლე შეირჩა.

სამცხე-ჯავახეთიდან, თბილისში მომხდარი სტიქის შედეგად დაზარალებულთა დახმარება გრძელდება. ახალციხის ახალგაზრდული ცენტრის ორგანიზებით, პროგრამა „მომავლის თაობის“ ფარგლებში რეგიონის სხვადსხვა მუნიციპალიტეტებში შეგროვებული პროდუქტი, პირველადი მოხმარების  ნივთები, ტანსაცმელი და თანხა 1000 ლარამდე,  დაზარალებულებს უკვე გადაეგზავნათ.

სახელმწიფო უსაფრთხოებისა და კრიზისების მართვის საბჭო აქვეყნებს ბოლო ინფორმაციას, სტიქიის შედეგად დაღუპულ და უგზო-უკვლოდ დაკარგულ პირთა შესახებ. მათი ინფორმაციით, უკანასკნელი მონაცემებით, ექსპერტიზა დასრულდა და იდენტიფიცირებულია სტიქიის შედეგად გარდაცვლილი 17 ადამიანი, ხოლო დაკარგულად ითვლება 5 ადამიანი. გარდაცვლილ პირთა სია: 1. მალხაზ შოთას ძე ჭიტაძე, დაბ: 12.06.1956წ. პ/ნ: 01019007061 მცხ: ზოოპარკის ტერიტორია 2. გულიკო გურამის ასული ჭიტაძე დაბ: 13.09.1958წ. პ/ნ: 01019007062 მცხ: ზოოპარკის ტერიტორია 3. გივი ვალერიანის ძე დვალი დაბ: 23.01.1938წ. პ/ნ: 01008005546 მცხ: ზოოპარკის ტერიტორია 4. მარიამ ქუთელია დავითის–ასული დაბ. 10.09.1990წ. პ/ნ 19001084785 მცხ: ზუგდიდი სანქტ-პეტერბურგის ქ. N 57 5. ნანა რუბენის ასული ფილიშვილი დაბ: 12.10.1971წ. პ/ნ 01008044197 მცხ: სვანიძის ქ. N11(ვაკის პირველი) 6. ჟანა ეგიაზაროვა რუბენის ასული დაბ: 27.10.1967წ. პ/ნ: 01008017984 მცხ: სვანიძის ქ. N11(ვაკის პირველი) 7. სვეტლანა ანდროს ასული ეგიაზაროვა პ/ნ 01008026331დაბ: 07.04.1948წ. მცხ: სვანიძის ქN11(ვაკის პირველი) 8. ლიანა ანდროს ასული ეგიაზაროვა პ/ნ 01708066150 დაბ: 16.07.1950წ. მცხ: სვანიძის ქN11(ვაკის პირველი) 9. ინდირა ზარანდია მალხაზის ასული დაბ: 04.07.1992წ. პ/ნ: 58001029927 რეგ: ხობი ს. მეორე გურიფული წმინდა გიორგის ქ. N 1. ნანახი იქნა ვერის ხეობაში, მომავლის სკოლის მ/ტერიტორიაზე (ვაკის პირველი) 10. ნატა ნიკოლოზის ასული ნინაშვილი დაბ: 31.01.1973წ. პ/ნ: 45701037255 რეგ: ყვარელი ს. ახალსოფელი მე–8 ქ. N 8. ნანახი იქნა სანაპიროს ქN10-ის მიმდებარედ. 11. ნუგზარ ზურაბის ძე ბუაძე დაბ: 11.11.1979წ. პ/ნ: 01004003595 მცხ: ლიბანის ქN5, ბN63 კოჯორი-წყნეთის საავტომობილო გზაზე მოხვდა მეწყერში. 12. ნინა ალექსის ასული შუტკოვა დაბ: 16.08.1955წ. პ/ნ: 01027011790 მცხ: თბილისი III მასივი X კვ. კორ. ა ბ. 16. ნანახი იქნა გმირთა მოედანზე არსებულ რესტორან მატრიოშკას მიმდებარედ. 13. პეტრიაშვილი გურამ ალექსანდრეს ძე დაბ:17.09.1937 წ. პ/ნ: 01008032474 მცხ: ქ.თბილისი სვანიძის #5 ნაპოვნი იქნა საკუთარ სახლში.(ვაკის პირველი) 14. ენუქიძე კარპო მამიას ძე 23/08/1956წ. პ/ნ: 18001059184 ზესტაფონი მაღლაკელიძის N 9 ბ. 37 (აღმოჩენილია მზიურთან გარდაცვლილი) 15. მუზაშვილი ზურაბ გიორგის ძე (მაშველი) 29/08/1977წ. პ/ნ : 24001001184 კასპი ს. აღაიანი მე–6 ქ. N 937 (აღმოჩენილია მზიურთან გარდაცვლილი) 16. ივლიტა ჯიბუტი რაჟდენის ასული 19/07/1991 პ/ნ N 01019063585 თბილისი თ.ერისთავის I ჩიხი N 17(აღმოჩენილია მზიურთან გარდაცვლილი) 17. გაბიტაშვილი დავით ხვთისოს ძე 29/01/1975 პ/ნ N 01003001128 თბილისი, სულხან ცინცაძეს ქუჩა, N 38(აღმოჩენილია მზიურთან გარდაცვლილი) უგზო-უკლოდ დაკარგულ პირთა სია: 1. ელიზა მალხაზის ასული ზარანდია, დაბ.: 16/10/1989 2. ელიზბარ შოთას ძე ბაღაშვილი, დაბ.: 16/08/1961 3. ბექა თეიმურაზის ძე ბუთურიშვილი, დაბ.: 28/08/1981 4. სერგო ავთანდილის ძე კაპანაძე, დაბ.: 01/03/1984 5. სულიკო დიმიტრის ძე ნოზაძე, დაბ.: 06/12/1959 მუდმივ რეჟიმში ხორცილდება ინფორმაციის გადამოწმება.

1. თბილისში სტიქიით დაზარალებულთა დასახმარებელ აქციაში ახალციხეც ჩაერთო; 2. საქართველოს ეკლესიებში გლოვის ზარები დაირეკა; 3. მთის მინისტრი – ახალი სახელისუფლებო ინიციატივა.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველი მოადგილე ახალციხეშია ახალციხის მუნიციპალიტეტის გამგეობასა და მერიაში კონკურსის პირველი ეტაპი დასრულდა ნაფიც მსაჯულთა ინსტიტუტი და ადგილობრივების შეფასებები

ადიგენის მუნიციპალიტეტის ყოფილი თავმჯდომარის სასამართლო პროცესი დაიწყო; სპორტის სასახლე და საცურაო აუზი ახალციხეში – განხორციელებადი თუ განუხორციელებელი პროექტები? ქალზე ძალადობის შემთხვევები და სტატისტიკა რეგიონში.

ახალციხის საბავშვო ბაღებში ინფექციური დაავადება – ჩუტყვავილაა გავრცელებული. ინფორმაციას ადასტურებენ ჯანდაცვის ცენტრში, თუმცა ამბობენ, რომ მონაცემები საგანგაშო არ არის.მწვავე ინფექციური დაავადების შემთხვევები შედარებით ნაკლებია სკოლის მოსწავლეებში. ახალციხის ჯანდაცვის ცენტრში ამბობენ, რომ ბაგა–ბაღებში მედდები ყოველდღიურად ათვალიერებენ ბავშვებს და საეჭვო ნიშნების შემთხვევაში მოზარდს სახლში და უბნის ექიმთან გზავნიან.

ჩატარდება თუ არა ვადამდელი საპარლამენტო არჩევნები საქართველოში? – აღნიშნული კითხვით “მეცხრე არხმა” ინტერნეტ–მომხმარებლებს მიმართა. გამოკითხვაში მონაწილეობა 100–მა ადამიანმა მიიღო. მათგან 46% მიიჩნევს, რომ საქართველოში ვადამდელი საპარლამენტო არჩევნები ჩატარდება, საპირისპიროს აფიქსირებს 37%, ხოლო 17%–ს კითხვაზე პასუხი არ აქვს. “მეცხრე არხის” ინტერნეტ–გამოკითხვა გრძელდება. კითხვა ამჯერად, ახალციხეში ახალი საწარმოების მშენებლობას შეეხება. მადლობა გამოკითხვაში მონაწილეობისთვის!

ხვალ ქალაქ ახალციხეს და ახალციხის თემს ელექტროენერგიის მიწოდება შეეზღუდება. 30 მაისს  11–დან 17  საათამდე ფიდერი ,,ურავლი“ გამოირთვება და დენი სოფლებში – ჭაჭარაქსა და მინაძეში და ურავლის ხეობაში შემავალ ყველა თემში გაითიშება. უსაფრთხოების მიზნით, ,,ენერგო–პრო ჯორჯია“  კიდევ 2 ფიდერის გამოირთვას აპირებს, რის გამოც ელექტროენერგიის მიწოდება ქალაქისა და თემის მოსახლეობას 11:30-დან 13 საათამდე შეუწყდება. ენერგოკომპანიაში დენის გეგმიური გათიშვის მიზეზად, ქვესადგურის რეაბილიტაციას ასახელებენ.