შინაგან საქმეთა სამინისტრომ სამხარეო მთავარი სამმართველოების ავტოპარკის განახლება დაიწყო. პირველ ეტაპზე სამინისტრომ 24 ერთეული ახალი ავტომანქანა „ტოიოტა ჰაილუქსი“ რეგიონებში მომსახურე პირად შემადგენლობას გადასცა. შსს-ს საზოგადოებასთან ურთიერთობის სამსახურში აცხადებენ, რომ აქედან, 2 ავტომობილი სამცხე-ჯავახეთის სამხარეო  მთავარმა სამმართველომ მიიღო. მათივე ინფორმაციით, ახალი ავტომანქანები რთული რელიეფის მქონე ადგილებში, განსაკუთრებით მაღალმთიან რეგიონებში, პოლიციელებს გადაადგილებას გაუადვილებს და მათ მუშაობას უფრო ეფექტიანს გახდის. ავტომანქანები სამმართველოების თანამშრომლებს შს მინისტრის მოადგილემ დავით ხუციშვილმა გადასცა.

ჯიპის ტიპის 3 ავტომობილი, რომლითც სავარაუდოდ ძალოვანი სტრუქტურის წარმომადგენლები სარგებლობენ, ადმინისტრაციული შენობის წინ, შოთა რუსთაველის ძეგლთან რამდენიმე დღის განმავლობაში, საგზაო მოძრაობის წესების დარღვევით იდგა. ამის დამამდასტურებელი ფოტომასალა ქალაქის მერსა და საკრებულოს დეპუტატებს  ,,ნაციონალური მოძრაობის“ წევრმა გადასცა. ზურაბ სადათიერაშვილის თქმით, კანონდარღვევას საპატრულო პოლიციისგან რეაგირება არ მოყოლია.

25 მაისი

საქართველოს საჯარო სკოლებში მეთორმეტე და პირველ კლასელებისთვის სასწავლო პროცესი დასრულდა. თუმცა ზოგადსაგანმანათლებლო დაწესებულებები მუშაობას აგრძელებენ. დანარჩენი კლასის მოსწავლეებისათვის არდადეგები 16 ივნისს დაიწყება. სამ თვიანი შესვენების შემდეგ სასწავლო პროცესი  14 სექტემბერს განახლდება. ქალაქ ახალციხეში 5 საჯარო სკოლა,  ხოლო ერთი მათგანი  სპეციალური საჭიროების მქონე ბავშვთა დაწესებულებაა. 2014–2015 სასწავლო წლებში მეთორმეტე კლასში 290 ახალგაზრდა სწავლობდა, ხოლო პირველ კლასში  301 მათგანი ირიცხებოდა.

ასპინძის მუნიციპალიტეტში მდინარე ოთისწყლის კალაპოტის გასწვრივ გაბიონებისა და საყრდენი კედლების მშენებლობა მიმდინარეობს. სამუშაო პროცესს სამცხე-ჯავახეთის გუბერნატორი აკაკი მაჭუტაძე, ასპინძის მუნიციპალიტეტის გამგებელთან ერთად გაეცნო. რეგიონული პროექტების ფონდიდან გამოყოფილი მილიონ შვიდი ათასი ლარი, ნაპირსამაგრი სამუშაოების გარდა, მუნიციპალიტეტის მასშტაბით 9 ახალი ხიდის მშენებლობას მოხმარდა.

მიკრო და მცირე მეწარმეობის ხელშეწყობის პროექტში მონაწილეობისათვის რეგისტრაცია დასრულდა. დამწყებ მეწარმეებს ორგანიზატორებისთვის ბიზნეს იდეების წარდგენა  15 მარტიდან  18 მაისის ჩათვლით შეეძლოთ. აღნიშნული პროექტი სახელმწიფო პროგრამის – ,,აწარმოე საქართველოში“ ფარგლებში ხორციელდება. პროგრამაში მონაწილეობის მისაღებად რეგიონის მასშტაბით 793 პირი დარეგისტრირდა. სოფელ უდის მკვიდრი გელა ჭაღიაშვილი ქვის ხელოსანია. იგი თავის პარტნიორთან ერთად ეკლესიების, მარნების, ბუხრების, სასაფლაოებისა და ეზოების ქვით მოპირკეთებაზე მუშაობს.

2015 წლის 18 მაისი 1. დასაქმების ფორუმი 2. ინტერვიუ გვანცა ჩინჩალაძესთან 3. სიახლეები

წყარო: ტელეკომპანია “ბორჯომი”

თბილისის სააპელაციო სასამართლო ბორჯომის რაიონული განყოფილების ყოფილი პოლიციელის საქმეს განიხილავს. ზაურ ლეკიშვილს ბარლი სისხლის სამართლის კოდექსის 371-ე მუხლით ედება რაც ურთიერთ საწინააღმდეგო ჩვენების მიცემას გულისხმობს.  იგი ექვსი თვის განმავლობაში წინასწარ პატიმრობაშიც იმყოფებოდა, თუმცა ახალქალაქის რაიონულმა სასამართლომ უდანაშაულოდ ცნო.

1 წელი ასპინძის სტიქიიდან და კომპენსაციის გარეშე დარჩენილი მოსახლეობა ფერმერთა ცოდნის ამაღლებისთვის სამცხე-ჯავახეთში მინდვრის დღეები იწყება. აწყურში ღვთისმშობლის მიძინების სახელობის ტაძრის აღდგენითი სამუშაოები მიმდინარე წელს იწყება.

    სოფელ უდეში ხანძარი გაჩნდა. ცეცხლმა გიქოშვილების საცხოვრებელი სახლი მთლიანად გაანადგურა. დამწვარია შენობის სახურავი, ავეჯი და საყოფათცხოვრებო ნივთები. სოფელში ამბობენ, რომ 4 სულიანი ოჯახი ღია ცის ქვეშ დარჩა. შემთხვევა, დღეს 9 მაისს, დაახლოებით 12:30 წუთზე მოხდა. ადგილზე იმყოფებოდა საგანგებო სიტუაციების მართვის სააგენტოს 3 ბრიგადა. 2 მათგანი ადიგენის სახანძრო–სამაშველო სამსახურიდან, ერთი კი ახალციხიდან. როგორც ადიგენის სახანძრო–სამაშველო სამსახურის უფროსის მოვალეობის შემსრულებელი, როლანდი ხარშილაძე განარტავს, ამ დროისათვის, ცეცხლი ლიკვიდირებულია. დამწვარია სტეფანე გიქოშვილის კუთვნილი, დაახლოებით 50 კვ. მეტრი საცხოვრებელი ფართი.

ახალციხის მუნიციპალიტეტის საკრებულოს სდომაზე,  დღის წესრიგით გათვალისწინებულმა  ერთ–ერთმა საკითხმა, ოპოზიციონერთა პროტესტი გამოიწვია. ,,ნაციონალურმა მოძრაობის“  დეპუტატებმა დარბაზი, 3 თვის განმავლობაში შესრულებული ბიუჯეტის ანგარიშის წარდგენისას დატოვეს. ბიუჯეტის 3 თვიანი შესრულების ანგარიშს, ახალციხის მუნიციპალიტეტის საკრებულოს სხდომაზე, ოპოზიციონერი დეპუტატების პროტესტი მოჰყვა. ,,ნაციონალური მოძრაობის“ წევრებმა  სხდომა პროტესტის ნიშნად დატოვეს. მათი თქმით, პირველი კვარტლის ანგარიშის წარდგენამდე, წლიური ანგარიში გამგებელსა და სამსახურებს უნდა წარედგინათ, აღნიშნული საკითხის მოთხოვნით კი ფრაქცია ,,ნაციონალურმა მოძრაობამ“ საკრებულოს არაერთხელ მიმართა, თუმცა მოთხოვნა უპასუხოდ დარჩა.

ქვეყანაში მეშვიდე მინისტრის გადადგომასა და მთვრობის თავდაპირველ შემადგენლობაში ცვლილებას, ახალციხეში მოქმედი  პოლიტიკური პარტიების წარმომადგენლები აფასებენ. ოპოზიციონერები მიიჩნევენ, რომ მთვრობის გადადგომის პროცესი  გარდაუვალი იყო, მმართველ გუნდში კი ამბობენ, რომ ყველა ცვლილება კონსტიტუციურად განხორციელდება. მიმდინარე პროცესები და  პოლიტიკური შეფასებები. ,,მთავრობაში არავითარი კირიზისი არ არსებობს, ეს არის ჩვეულებრივი პროცესები“–ასე აფასებს ,,ქართული ოცნების“ ახალციხის ორგანიზაციის თავმჯდომარე მთავრობაში მიმდინარე მოვლენებს. გიორგი კოპაძის  თქმით,  მინისტრის გადადგომა და ახალი მთვრობის დამტკიცება ძირეულ ცვლილებებს არ გამოიწვევს და ყველანაირი პროცესი კონსტიტუციისა და კანონის მიხედვით წარიმართება. იგი ფიქრობს, რომ პრემიერ–მინისტრი საკუთრ პოსტს შეინარჩუნებს და ახალი მთავრობა საქმეს უფრო ეფექტურად გაუძღვება.

ახალციხეში, საბარგო სადგურის ტერიტორიაზე, საკანალიზაციო სისტემის დამონტაჟებისათვის, 1 მილიონი ლარია საჭირო. როგორც ქალაქის მერიაში განმარტავენ, სამუშაოებისათვის  პროექტი და ხარჯთაღრიცხვა უკვე გაკეთებულია, ამ ეტაპზე კი წყალმომარაგების კომპანიისა და ადგილობრივი თვითმმართველობის მხრიდან შესაბამისი თანხების მოძიება მიმდინარეობს. ქალაქის მერი განმარტავს, რომ საბარგო სადგურის გარდა, საკანალიზაციო სისტემა ახალციხის ცენტრალურ ნაწილში მთლიანად შეიცვლება. გარდა ამისა, 2015–2016 წლებში მერია ახალციხის 18 ქუჩის სავალი ნაწილის მოწესრიგებას გეგმავს. აღნიშნულისათვის, შესაბამისი 7 პროექტი უკვე მომზადდა და რეგიონული განვითარებისა და ინფრასტრუქტურის სამინისტროში გადაიგზავნა.

ყოფილი რექტორისა და  ლექტორების ბრალდებებზე, სამცხე–ჯავახეთის სახელმწიფო უნივერსიტეტში, ტელეკომპანია ,,მე–9 არხთან“ პირველი ოფიციალური კომენტარი  გაკეთდა. ლალი მოროშკინას, გიგლა გობეჩიასა და თინა გელაშვილის ბრალდებებს მოქმედი რექტორის, მერაბ ბერიძის წინააღმდეგ, ამავე უნივერსიტეტის პროფესორმა, ნესტან სულავამ უპასუხა. ფილოლოგიის მეცნიერებათა  დოქტორი აღნიშნულ პრეტენზიებს უსაფუძვლოს უწოდებს. საქმე ეხება, უნივერსიტეტის ყოფილი ლექტორების, ლალი მოროშკინასა და გიგლა გობეჩიას, ასევე ყოფილი რექტორის, თინა გელაშვილის მიერ გამართულ პრესკონფერენციას, სადაც ისინი უნივერსიტეტში არსებულ დარღვევებზე და ნეპოტიზმის ფაქტებზე საუბრობენ.  

 საბაჟო გამშვებ პუნქტ „ვალეს“  ტერიტორიაზე თურქეთიდან  ლიბანის მოქალაქე კ.ნ. შემოვიდა. შემოსავლების სამსახურის საბაჟო დეპარტამენტის თანამშრომლებმა ეჭვის საფუძველზე ხელბარგის დათვალიერებისას  ნარკოტიკული ნივთიერების შემცველი მედიკამენტი, 28 აბი  სოლფადეინი (Solpadeine)  აღმოუჩინეს. მედიკამენტების შემოტანის მცდელობის ფაქტი 22 აპრილს დაფიქსირდა საქმეთა მასალები შემდგომი რეაგირების მიზნით,  შსს საპატრულო პოლიციის დეპარტამენტის სამცხე-ჯავახეთის მთავარ სამმართველოს გადაეცა.

1. სპორტისა და ახალგაზრდობის საქმეთა მინისტრის ვიზიტი ახალციხეში და სასკოლო ოლიმპიადის გამარჯვებულები; 2. ანაცვლებს თუ არა წიგნს კომპიუტერი? – ახალციხელი ახალგაზრდების მოსაზრებები.

         ჯაბა ნათენაძის ფოტო ახალციხის ცენტრალურ პარკში უფასო ინტერნეტ–მომსახურებით ისარგებლებენ. Wifi-ს მოწყობილობას   „დელტაკომის“ თანამშრომლები ამონტაჟებენ.  კომპანიის სამცხე–ჯავახეთის კოორდინატორის თქმით, ქალაქის მერიას აღნიშნული მომსახურეობა უფასოდ გადაეცემა.  გიორგი კახნიაშვილის თქმით, შესაბამისი სამუშაოები მისი ინიციატივით და მერიის თხოვნით ხორციელდება. უფასო Wifi საქართველოს რამდენიმე ქალაქში უკვე არსებობს.   „დღეს გვაქვს საშუალება ქუთაისის, ბათუმისა და თბილისის შემდეგ, ანალოგიური მომსახურეობა  სამცხე–ჯავახეთში, ახალციხის ცენტრშიც მოეწყოს“ – აღნიშნავს გიორგი კახნიაშვილი. უახლესი ტექნოლოგიებით აღჭურვილი, სწრაფი და მოსახერხებელი ინტერნეტი, არასრული დატვირთვით, დაახლოებით, 150 – 200 ადამიანს,  24 საათის განმავლობაში მოემსახურება. Wifi–ს მოწყობილობის სამონტაჟო სამუშაოები 22 აპრილს დაიწყო და სამ დღეში დასრულდება.  ახალციხელები უფასო ინტრნეტით, რამდენიმე დღეში ისარგებლებენ.

ორი პოლიციელის მკვლელობაში ბრალდებული, შალვა აბულაძის საცოლე სამცხე-ჯავახეთის სამხარეოს მთავარი სამმართველოს უფროსსა და მის მოადგილეებს ფიზიკურ და ფსიქოლოგიურ ზეწოლაში ადანაშაულებს. როგორც ქრისტინე ციხელაშვილი აცხადებს, იგი თავის მეგობრებთან ერთად სამართალდემცველებმა 23 იანვარს დააკავეს და განყოფილებაში გადაყვანის შემდეგ აიძულებდნენ შალვა აბულაძის ადგილსამყოფელი ეთქვათ. “ბაკურიანიდან ბროჯომში ვბრუნდებოდით მე და ჩემი მეგობრები, როდესაც გზაში გაგვაჩერეს და განყოფილებაში წაგვიყვანეს, გვაიძულებდნენ გვეთქვა, სად იყო შალვა აბულაძე. გვირტყავდნენ, გვაგინებდნენ და გვემუქრებოდნენ თუ არ ვიტყოდით შალვას ადგილსამყოფელს ნარკოტიკს ჩაგვიდებდნენ და დაგვაკავებდნენ. პიროვნებები, ვინც ჩვენზე ფიზიკურ ზეწოლას ახორცილებდენენ, სამცხე-ჯავახეთის სამხარეოს მთავარი სამმართველოს უფროსი კალანდაძე და მისი მოადგილეები იყვნენ”-აცხადებს აბულაძის 19 წლის საცოლე. ქრისტინე ციხელაშვილი იმასაც ამბობს, რომ მეორე დღეს პლიცილისათვის შეურაცხყოფის მიყენების ბრალდებთ, მაინც დააკავეს და საპატიმროში 24 საათი გაატარა. მისივე თქმით, შალვა აბულაძის დაკავებამდე სამართალდემცველები, მის სახლშიც იმყოფებოდნენ და გაჩხრიკეს. შეგახსენებთ, რომ ფეხმძიმე საცოლის მიმართა ფიზიკურ და ფსიქოლოგიურ ზეწოლაზე განცხადება, შალვა აბულაძე 11 აპრილს, საქალაქო სასამართლოში გააკეთა. “ჩემი მეგობრები, ჩემი 19 წლის ორსული საცოლე აწამეს 3 თვის წინ, ჩემს სასტუმროში ლიმონკები შეყარეს, რესტორანი დამიწვეს, საფრთხე რომ მემუქრება, ეს ხო ყველამ იცის, გაზეთებში დაიწერა, ფაქტები პროკურატურაშია. ვისაც გამარჯობა ვუთხარი, ყველას რაღაც დაუშავეს და ვინმეს სჯერა, რომ თავისუფლების შემთხვევაში საფრთხე არ მემუქრება? ყველამ ყველაფერი იცის. პატარა ბავშვები ხომ არ ვართ” , – განაცხადა შალვა აბულაძემ სასამართლო სხდომაზე. აღნიშნულთან დაკავშირებით „მეცხრე არხი“ შინაგან საქმეთა სამინისტროს დაუკავშირდა, სადაც განაცხადეს, რომ საქმეზე გამოძიებას პროკურატურა აწარმოებს, აღნიშნულ უწყებაში კი კომენტარს არ აკეთებენ. ორი პოლიციელის მკვლელობაში ბრალდებული შსს-მ 10 აპრილს, ბორჯომში, არდაგანის დასახლებაში დააკავა.

საგაკვეთილო პროცესზე გარე და შიდა დაკვირვება, გაკვეთილის შეფასების სქემა და პედაგოთა უფლება–მოვალეობები –ამ და სხვა მნიშვნელოვან საკითხებზე ახალციხის მუნიციპალიტეტის საჯარო სკოლის პედაგოგებმა და დირექტორებმა, ერთიანი ეროვნული გამოცდების წარმომადგენლებთან ერთად იმსჯელეს. ცენტრის ხელმძღვანელმა ადგილობრივ მასწავლებლებს საკლასო დაკვირვების სისტემა გააცნო და სქემასთან დაკავშირებით პედაგოგთა აზრი მოისმინა. მაია მიმინოშვილმა განმარტა, რომ პროგრამაში პედაგოგების ჩართვა მნიშვნელოვანია, რადგან იგი მათი მონაწილეობით უნდა შეიქმნას. პრეზენტაციის დასრულების შემდეგ შეხვედრა კითხვა–პასუხის რეჟიმში წარიმართა, მონაწილეთა სასურველ კითხვებს ერთიანი ეროვნული გამოცდების წარმომადგენლებმა უპასუხეს.