მთელი წლის განმავლობაში გადაცემა „საუნივერსიტეტო ქრონიკები“ ერთგულ მაყურებელს სამცხე–ჯავახეთის სახელმწიფო უნივერსიტეტში განვითარებულ მოვლენებს სთავაზობდა. გადაცემაში აქტიურად იყვნენ ჩართულნი უნივერსიტეტის ჟურნალისტიკის ფაკულტეტის სტუდენტებიც.

2014 წლის განმავლობაში ტელეკომპანია ,,მე–9 არხის“ საინფომაციო სამსახურის მიერ მომზადებულ სიუჟეტებს არაერთია გამოხმაურება მოჰყვა. გარკვეულმა სატელევიზიო მასალებმა კონკრეტული შედეგი გამოიღო.  ადამიანები, რომლეთა მდოგმარეობაც მედიის დახმარებით უკეთესობისკენ შეიცვალა და პრობლემები, რომლეთა მოგვარებაზეც კოპეტენტურმა უწყებებმა ყურადღება გაამახვილეს.

ადიგენის მუნიციპალიტეტის, სოფელ პატარა ზანავის მკვიდრი მინდია შაინიძე 2014 წლის ,,იმედის გმირი” გახდა. 20 წლის  მოჭიდავეს ეს ტიტული, გადაცემაში შემოსული ზარების ხმათა უმრავლესობით ერგო. 38000–მდე ზარიდან მინდიამ 12 670 ხმა მიიღო და გამარჯვებულიც გახდა. მინდია შაინიძე სამცხე–ჯავახეთის სახელმწიფო უნივერსიტეტის სტუდენტია. მას უკვე 2 წელია საკუთარ სახლში გახსნილი აქვს სავარჯიშო დარბაზი და სამი სოფლის 50–მდე ბავშვს უსასყიდლოდ, თავისუფალი სტილით ჭიდაობაში ავარჯიშებს. გარდა ამისა, მინდია ბავშვებს სასკოლო საგნებშიც ამეცადინებს. შეგახსენებთ, რომ მინდია შაინიძე  „იმედის გმირი 2014“–ის  14 ფინალისტს შორის იყო.  ტელეკომპანია იმედმა მიმდინარე წელს 39 ,,იმედის გმირი“გადაიღო. მინდია შაინიძეს  სამშენებლო კომპანია „დაგისგან“ ფულადი ჯილდო 5000 ლარი გადაეცა. მის შესახებ სიუჟეტი  ჟურნალისტმა გოდერძი შარაშიამ მოამზადა.

25 დეკემბერს  6:00–18:00 საათამდე, ახალციხის მუნიციპალიტეტში შესაძლოა ბუნებრივი აირის  მიწოდება შეწყდეს. ამის შესახებ,  „ინტერ–გაზის“ დირექტორმა ტელეკომპანია “მეცხრე არხთან” განაცხადა. ვასილ აბულაძის თქმით, მიზეზი წითელი ხიდი–წალკის მაგისტრალზე, სამშენებლო–სარემონტო სამუშაოებია. მისი განმარტებით,  იმ შემთხვევაში თუ ბუნებრივი აირის მიწოდება არ შეწყდა, შესაძლოა გაზის  წნევა დაეცეს. ამიტომ იგი მოსახლეობას მზადყოფნისკენ მოუწოდებს.

ახალქალაქსა და ნინოწმინდაში მცხოვრებ  17 ოჯახს  ბუნებრივი აირი ისევ არ მიეწოდება. მიუხედავად იმისა, რომ „სამცხე–ჯავახეთის გაზ  კომპანი“  საქართველოს ენერგეტიკისა და წყალმომარაგების ეროვნულმა  კომისიამ 15 000 ლარით დააჯარიმა, კომპანიამ  აირის მიწოდება მოსახლეობას მაინც არ აღუდგინა. ადგილობრივები „ ეს–ჯი  გაზ–კომპანი–„ს  უფლებების შელახვაში  ადანაშაულებენ.   მათი თქმით, აირის მიწოდება უკანონოდ შეუწყდათ. დაზარალებულები იმასაც  ყვებიან, რომ  მოქალაქეთა მრიცხველები „სამცხე–ჯავახეთის გაზის კომპანიამ“ განზრახ დააზიანა და მათგან თანხის გამოძალვას ამ გზით შეეცადა.

ახალციხის მუნიციპალიტეტში წინასაახალწლო სამზადისი დაიწყო.  ქალაქის ზოგიერთ ქუჩებზე საშობაო განათებები უკვე დამონტაჟდა, ნაწილის მორთვა კი ამ დრომდე მიმდინარეობს. ახალციხეში ჯერ არ დადგმულა  ნაძვის ხე. ახალციხეში წინასაახალწლო სამზადისი მიმდინარეობს. ქალაქის ცენტრალური სკვერი და ქუჩების ნაწილი სადღესასწაულოდ განათდა. თუმცა ფერადი განათებების  მონტაჟი ჯერ არ დასრულებულა. სამზადისის მიუხედავად, ადგილობრივების ნაწილს ქუჩების მორთულობა არ მოწონს. ისინი ამბობენ, რომ ქალაქი  ყოველ  წელს ერთი და იგივე  განათებებით ხვდება.  გარდა ამისა, ახალციხელები  სადღესასწაულო ღონისძიებების ნაკლებობასაც უჩივიან.

ადიგენის მუნიციპალიტეტმა 3 004 730 ლარით 2015 წლის ბიუჯეტი  დაამტკიცა.  აღნიშნულთან დაკავშირებით გამგეობაში საკრებულოს სხდომა დღეს გაიმართა, რომელსაც 30 დეპუტატიდან  21 მათგანი დაესწრო. მუნიციპალიტეტის მთავრი ფინანსური დოკუმენტის დამტკიცებას  მხარი 16–მა დეპუტატმა დაუჭირა, ხოლო ხუთმა წარმომადგენელმა უნდობლობა გამოუცხადა. ადიგენის საკრებულოს თავმჯდომარე „მეცხრე არხთან“  სატელეფონო საუბარში განმარტავს, რომ მომავალ წელს მთავრი პრიორიტეტი ინფრასტრუქტურუქტურული სფეროა. ლევან ლობჟანიძის თქმით, რამდენიმე  სოფლებში მისასვლელი  გზები მოასფალტდება, მოწესრიდება სამელიორაცო და სასმელი წყლის სისტემები. ინფრასტრუქტურის შემდეგ ადიგენისათვის, ასევე  პრიორიტეტული სოციალური და ჯანდაცვის სფეროები იქნება, რისთვისაც მომავალი წლის ბიუჯეტში 69 ათასი ლარი გაიწერა. 2015 წლის ბიუჯეტში 5 ათასი ლარით  შემცირდა თანხები ახალშობილთა დახმარებისათვის, რაც ლობჟანიძის განმარტებით, გამოიწვია იმ ფაქტმა, რომ მუნიციპალიტეტში შობადობა დაბალი იყო. ადიგენის  გამგეობამ ბიუჯეტის პროექტზე მუშაობა ნოემბრის თვიდან დაიწყო.

ქალზე ძალადობა და ოჯახური პრობლემები, რომელსაც მანდილოსნები ყოველდღიურ ცხოვრებაში აწყდებიან – ამ შინაარსის სპექტაკლი ახალციხელმა მაყურებელმა იხილა. „არტ ცენტრის“ პროექტის „თეატრი ბორბლებზე“, პირველი ექსპერიმენტული სპექტაკლი მესხეთის სახელმწიფო პროფესიულ დრამატულ თეატრში გაიმართა. ამერიკელი დრამატურგის იუჯინ ო ნილის პიესა „ქსელი“, რეჟიორმა ვახტანგ ბერიძემ დადგა. იგი პრემიერაზე ერთი თვის განმავლობაში მუშაობდა. რეჟისორის თქმით, ოჯახურ ძალადობაზე საკუთარი პროტესტი აღნიშნული სპექტაკლით გამოხატა. სიუჟეტი, რომელიც 35 წუთის განმავლობაში ვითარდება, ჭლექით დაავადებულ როუზის და მის ოჯახს ეხება. ქმარი მეუღლეზე ყოველდღიურად ძალადობს, შვილს კი უდედმამო ბავშთა სახლში ჩაბარებით ემუქრება. მოულოდნელად, სტივისა და როუზის ცხოვრებაში ძებნილი ტიმ მორგანი ჩნდება, რომელიც ძალადობის მსხვერპლს სიკვდილისაგან იხსნის. მცირე სასიყვარულო ისტორია ტრაგედიით მთავრდება. „არტ–ცენტრის“ პროექტმა – „თეატრი ბორბლებზე“ სვლა შუახევიდან დაიწყო და სხვადასხვა მუნიციპალიტეტი მოიარა.

გაერთიანებული დემოკრატიული მოძრაობის აქტივისტებმა,  2014 წლის შემაჯამებელი შეხვედრა გამართეს. მათ მთელი წლის განმავლობაში განხორციელებული  მოვლენები განიხილეს, პარტიული სტრუქტურების გაძლიერებაზე ისაუბრეს და სამომავლო გეგმები დასახეს. შეხვედრას სხვადასხვა მუნიციპალიტეტის საკრებულოს და პოლიტსაბჭოს წევრები დაესწრნენ, თითოეულმა მთგანმა საკუთარ ტერიტორიულ ერთეულში შექმნილ პრობლემურ საკითხებზე ისაუბრა.   გაერთიანებული დემოკრატიული მოძრაობის, სამცხე–ჯავახეთის კოორდინატორის თქმით,  მსგავსი სახის შეხვედრები საქართველოს ყველა რეგიონში ჩატარდება და სპეციალური ანგარიში დაიდება.